有冇人今日去左蔡繼有開放日, 分享下感受!

chantessa

me too, 今日我都去左佢地open day.   我都係主力參觀1,2,3年班的課室, 發現佢地學嘅英文都算深, 而且佢地d science project做得好好, 問過老師話呢d project係需要由家長陪小朋友一齊完成的功課, 但係真係好吸引, 無諗過小學一年級可以做得咁好.   我諗家長們真係付出左好多好多心機去幫小朋友搵資料一齊投入去做好一個project, 老師話小朋友需要上堂時present番自己個project, 所以小朋友一定唔可以只依賴家長幫手, 自己都一定要落手落腳做.

到下面玩遊戲時, 我見到好多小朋友都好有禮貌, 又會主動幫人, 有問有答, 佢地會用英語和普通話交談, 但當然都有些會講廣東話.   我同老公都覺得如果今日無去過open day都唔覺得呢間學校好吸引(以前都只係覺得佢地一條龍, 幾好咁囉), 經過今日我地一家三口都好鐘意cky, 我囝囝見到人地d science project就好有興趣, 佢話好鐘意cky, 覺得返學會好開心咁話.

但有一點我覺得係家長一定要有心理準備需要付出好多心機時間幫小朋友完成功課, 佢地d功課應該係重質不重量.   

原帖由 JarJarBin 於 10-2-7 00:00 發表
有冇人今日去左蔡繼有開放日, 分享下感受!  我主要睇左1,2,3年班課室及遊戲地方有学生幫手, 他們的普通話几流利, 像說廣東話一樣能注入感情, 但因我本身唔識, 所以唔知講得好唔好, 我在不同的二、三年級課室及遊戲地 ...