轉校網會否跌band

ohnono

先準備好水、電、煤等單據，若有足夠的住址證明文件，教局是會批的。

轉區所牽涉的範圍十分廣泛。包括同學自己的成績、學校的調整分和最終想轉的區域內他們區內不同學校的同學分數和學校所獲得調整分，只憑區域來判斷是十分空泛。就算強區都有弱校，這些弱校的成績可能比弱區的弱校不遑多讓。而且，強區強校都有弱學生，只要你們經調整後最終所獲得的分數較人家還差的話，轉區後都一樣會跌band。相反弱區也可有強校和這強校內的強學生，不可一概而論。最遺憾是跟本我們沒可能知那些所謂的強弱區，強又強幾多、弱又弱幾多，未排過真係唔知。

ohnono

birdmom 發表於 13-11-18 17:35
由深水埗轉至九龍城，學校應是強校，小孩成績中等，會否跌band ？

就算九龍城區的強，可能都只是強在前面的位置，到了中後位置的，有機會跟別的區域分別不大。但還是有可能是可升可跌，轉區就要承受這個風險，我諗你的老師都不可能給你肯定答案。

ohnono

opclk 發表於 14-5-10 00:42
回覆 johnnywalker 的帖子

兩區都不算強區，又冇提是邊緣人點會好大機會跌B？

上面入左第五旅港的，只要明白佢的選校排列，你不難明白其中的理由。
這位家長自行時選1.上智，2.藍田聖保祿。這兩間要在自行時成功除了要成績之外，運氣都要有嘅。睇下你遇到甚麼對手，臨場表現等等。還有這家長覺得自己小學是一個因素，因他認為由將軍澳轉去九龍城就會跌band。我諗跌band 應該唔會(以他囡囡最終都可以成功叩門上智的都應該是區內band 1頭成績)，應該係佢自己的感覺，始終佢揀嗰兩間自行學校真係一d都唔容易，成績、獎項、面試的對答和表現，全部缺一不可。如果就憑自行唔成功而推斷係小學或者係個區的問題，又好似唔夠客觀，因為將軍澳每年都有唔少同學可以跨區入皇仁、BPS、張祝珊，甚至英皇都有。單係區內900多band 1同學中，有接近500多同學，即是超過一半同學能在自行和直資時的成功離場，比起教局規定每校最多3成的自行位，多出大約兩成，這個成績不可謂不勵害。

再到乙部大抽獎，乙1他填了得19個位的培正，只要隨機號碼在這19個同學之後，第一輪落空的機會就會好大。事實證明，選培正的同學真不少！

乙2，他選了得11個位的MCS。我諗放MCS在乙1的都難言必勝，何況乙2。咁好自然又要等抽第三輪的乙3學校。

乙3，他選擇了大家都只會將他放乙1的迦密，自然又係連執雞的機會都沒有。

乙4，這個更加不得了，他竟然將華英放第四，我諗華英放第四係大家都認為不可思議的事。

乙5，派到旅港都已經算是好好彩！

睇完後，我只會覺得係排位失誤而導致派乙5的旅港，跟甚麼小學的程度低、降band等更加風馬牛不相及！

ohnono

cc_2012 發表於 14-5-10 02:26
當我口直心快，曬嘅成份高於一切

唔好玩啦！如果真係你又曬，佢又曬，EK變成鹹魚場，幾多家長早已變鹹魚了！