西貢區等緊派位既家長請入來

ohnono

hw1115 發表於 12-6-21 11:46
您地會不會9號打比老師問呢 ?

打比老師都未必會講架，因為教局規定係唔可以講的！不如等老師自己決定打唔打比你地啦，有老師會暗示預先叫你準備叩門的文件，你就心裡有數。

ohnono

hw1115 發表於 12-6-21 12:45
係呀!

咁我唔想早一日收到電話啦!

就算點都好，叩門準備都要的。我上年都準備了四、五份叩門的文件，用旅行袋裝好，都足足有成5、6磅。

ohnono

phoebepanpan 發表於 12-6-21 19:18
龍年呀，叩門比上年更難

言下之意係.....................，架喇，早d發埋呢個夢，到時醒就得喇！精神翼翼就可以行快兩步去位飲茶。

ohnono

phoebepanpan 發表於 12-6-21 22:23
回復 ohnono 的帖子

照我的安排, 理應好安全, 入到四強. 但始終唔知抽獎先定係抽包尾

如果跟據以往的派位結果，頭3志願的命中率都有八成以上。西貢每組別約有一千人之中只有大約200人未能派得頭三志願。而這200人當中又包括了一些估錯banding或係高估了自己而搏得太盡的同學，所以實際可能只得百零人係派唔到頭三志願的。因此如果係自問安份守己，加上運氣唔係太差的話，都好大大大.......機會可以去飲茶！

ohnono

hw1115 發表於 12-6-22 12:39
我真的真的希望自行已入. 咁我不用請假, 不用睇老細面色.

因佢今次考試沒有全A, 又不是band 1A, 叩門都渺 ...

又唔駛咁悲觀，若真的是band 1A，大部份都已經在自行時成功被取錄了，所以叩門的同學當中，真係band 1A的同學應該不多，機會自然溜去band 1B和1C的同學。

ohnono

hw1115 發表於 12-6-25 15:51
我 search 到迦密 派位頭兩日收 Form, 第3日公佈面試name list, 第4日上午面試, 即日5:00pm 公佈面試結果, ...

即係又要額外等多四日！

ohnono

杰杰媽媽 發表於 12-6-25 20:51
官立仲衰,我有FD係入面做過,直頭有學生------------吸毒,粗口咩都勁

你係指將軍澳官立有學生吸毒，抑或上水官立，定邊一間官立。

ohnono

杰杰媽媽  Tko排名最前個間都過100 >>>>>>

你係講緊在你心目中的排名還是甚麼？

迦密主恩雖非甚麼名校，亦很難跟林護等地區名校相比，只是有幾個同學在麥當奴食下飽，吹下水，就給你說的排在100名之後！跟住還有將軍澳官立，也被你說成因有同學吸毒、講粗口而變成一文不值，排名已可能跌至499了。

若果給你去天后的麥當奴看看，到時皇仁可能排在498，僅以一分之微壓到將軍澳官立而矣！

ohnono

杰杰媽媽  我講入U比率>>>>>>>

在那兒可看到有全港中學頭100名的入U率，我都想睇下，可否上載連結！

ohnono

142526 發表於 12-6-27 20:18
回復 ohnono 的帖子

學校名次只是門面嘢, 要看整體學生的成績及品行是否都好才有用 , 但好難知道,

天天都有不同中學學生在打波,,我都分不清邊個好,邊個壞,>>>>>>>
或者去麥當奴度坐坐看看吧！

王華湘的學生都沒有什麼,不覺好,又不覺壞....>>>>>
放心，將軍澳只有不好的band 1中學，沒有不好band 2中學！

ohnono

ohnono 發表於 12-6-27 20:45
杰杰媽媽  我講入U比率>>>>>>>

在那兒可看到有全港中學頭100名的入U率，我都想睇下，可否上載連結！ ...

迦密主恩的學校報告中詳列：

"90% of students have received JUPAS offers. About 60% of those admitted have entered the degree programmes offered by the University of Hong Kong, the Chinese University of Hong Kong and the University of Science and Technology."

另外，迦密主恩在2011年的高考中，獲得2A或以上成績的有7個，僅比皇仁書院少一個。如果以上面的資料看來，我還真不相信迦密主恩的入U率排名竟在100名之後！

ohnono

YVONNE2607 發表於 12-6-28 12:51
回復 ohnono 的帖子

Dear ohnono,

我覺得沒有絕對的好與壞。成績不在話下，人家已經係band 1中學，難道你想跟出面皇仁、喇沙、聖保羅男女等去比嗎！就算真係比都沒有所謂，正如我上面所說，迦密比皇仁差好多嗎？區內的的band 1中學，成績係無容置疑，小朋友置身其中肯定有得著。

至於話行為方面，有家長話在麥當奴就可見到學生的真面目！這樣我不去否定，但因瞎子摸像式的觀察方式，容易以偏蓋全。我更相信子女的好壞，全賴父母的關心和關懷。係band 1學校讀書，除左可以帶比同學在學業上滿足之外，還帶比同學好多無形的壓力，有時這些同學將壓力發之於行為上的異常表現，會令人感覺不安。舉個好簡單的例子：你睇到英格蘭隊於歐國杯輸波，謝拉特即時喊了出來；昨晚葡萄牙輸波，C朗在球員通道又喊了出來，為的是壓力太大，背負著眾人的期望，但最終失敗了。

嘗試用包涵，明白和理解的態度去選校，起碼唔洗遠走沙田之外，還有多兩三個選擇！

ohnono

142526 發表於 12-6-28 14:38
回復 samuel89 的帖子

係咪最初見只有一間英中 , 攪到band 1生個個都走,而造成英中少的情況.?微調後學生及 ...

band 1生離區出走的問題，或多或少係關乎區內band 1英中學額少。既然前人開山劈石創造了輝煌的成績，無理由後人唔去承襲。今天很多將軍澳的小學的band 1學生(因為佢地較有條件往外闖)派位成績跟好些傳統的強區已不遑多讓。

既然學生流出率高，自然對本區band 1學額需求減少，可能係雞和雞蛋的問題，誰是因，誰是果已混然不清。

但微調跟band 1英中學校就扯不上關係，亦跟band 1學生的影響較少，這個似乎對band 2同學較有影響。所以這個並不是吸引band 1生留低的主因。

ohnono

samuel89 發表於 12-6-29 14:57
微調令到TKO區KL , 官中轉左 英中, 宣基都開左1班全英班,影響很大,甚至很深遠呵......像我呢類"歧視"中中的 ...

我相信一般英中學校，吸引學生和家長的並不單純是英語授課。吸唔吸引到學生留低還要有實際的會考成績或高考成績去支持。況且教局的所謂微調，只是取錄了最好的頭40%學生，當中有機會是全頭30%之內的band 1生，亦可能是全30%以外的band 2生，不過是成績較前吧。

將軍澳我見真正有成績在背後支持的band 1英中唔多；真正有成績在背後支持的中中反為不少！真正能吸引band 1學生留低的意欲很低；真正能吸引band 2學生留低的意欲反為更高。

ohnono

heiB 發表於 12-6-29 22:52
唔明，點解Band one 中學留不住 Band one 生，反之Band two 中學可以留住學生?

如果你有留意的話，每年有約1000個band 1學生，但將軍澳得500多band 1學額，跟本有400多人要跨區出外。咁多人會跨區出外，究其原因，不外乎外區的學校遠比本區的吸引。加上以往跨區的成功率高，學校有經驗和信心同學能在自行時能成功被取錄。所以有家長話學校鼓勵band 1組別的同學跨區出外，除了減低同學依賴將軍澳區熱門的band 1英中而做成激烈競爭之外，學校的往績亦係主因。

看看各校近年公佈的派位名單之中，你不難發覺除有一般熱門的直資之外，加上皇仁、BPS、張祝珊、聖潔靈、藍田聖保祿、聖言、觀塘瑪利諾、順利天主教、官塘官立等等較受歡迎的學校，還有九龍城一眾band 1學校亦是家長的目標。

相反，band 2學校在成績方面，每年幾間受歡迎的學校，例如呂潤材和王華湘更出盡法寶將他們在會考和高考所獲得的優秀成績掛在校門外。沒有突出的成績支持，學校好難做到這點。除了成績之外，將軍澳一般的band 2學校，我覺得校風算是不錯，跟九龍城不遑多讓。幾間我較喜歡的，例如：呂潤材、王華湘、鄭裕彤、甚至慕德、甲子年、鄧英喜等，我還覺得他們的學生有點「純」，反為欠缺老練，但又偏偏呢方面都係一般家長，特別是band 2學生的家長所追求的。之前有家長為了在將軍澳的band 1英中裡找不到「純」而不惜遠赴沙田，哈哈！偏偏我就發現這竟出現在這裡的band 2中學。

除了這些band 2學校之外，有幾間band 3學校亦不得不點名推薦。張沛松和馬陳端喜甚至香島都是校風算是不錯的選擇。

ohnono

malam 發表於 12-6-29 23:49
回復 samuel89 的帖子

今年AL, 宣基有5A!

真係直得恭喜！

ohnono

samuel89 發表於 12-6-30 15:01
個人覺得n個5A 都只是給學校"錦上添花"而已., 並不代表果間學校一定是好學校....
小學最重要既系俾到學生 ...

從零到有係最難亦係最值得恭喜嘅！

當學生和老師一起捱過最困難的時候，飛越最辛苦的一刻，最後換來的都只是錦上添花，何曾有人會雪中送炭！

我除了會衷心祝賀這班同學之外，還會讚賞老師和學校在背後所負出的努力！

ohnono

142526 發表於 12-6-30 18:45
回復 ohnono 的帖子

除此以外仲有家長呀, 為子女們不停的加油.

「一將功成萬骨枯」，背後幾多人淚水、汗水，才可孕育出一個狀元。我都希望將軍澳呢幾年能跑出一兩個出來，唔駛比人話困在一角，又要攪甚麼大逃亡！