油尖旺區Band 1 仔你們點揀？

ohnono

說實話，係一間學校內，每一種情形都有。特別是而家的男校子，終日顧住打波、打機的多不勝數，還有面書等等的聊天，霸佔晒佢地每日的時間。當然並不是所有同學都會這樣啦，只是好事不出門，醜事傳千里更加多吧！


呢個情形並不是九華獨有。就算皇仁都一樣有呢d情形，不過如果有人刻意抹黑九華，沒話可說。我之前都不停在這裡講，要分析九華的情況，可以從客觀的角度去睇，跟本上是現實的問題。九華的成績不濟，並不是九華獨有，香港眾多傳統名牌男校都不能避免。如果你覺得九華的4、50%入U率低的話，咁你覺唔覺得皇仁60%入U率會唔會係高呢。又當你跟何蔭棠去比的時候，人家只是一間地區新興學校，卻有75%的入U率，我可以說，皇仁除了幾個狀元同學和一些成績出眾的同學之外，其他一樣是乏善足陳。當你在九華都讀得差的時候，你會唔會覺得去到皇仁會讀得好。不論這裡和那裡你在這裡入不了大學的，在那裡都將會是一樣。並不會因為去了那裡你會可以有脫胎換骨的表現。人地d同學讀得好，請不要忘記，人家同學都要花不少時間在學業上，學校同樣是採用放任，主張自由的學習風氣。


九華比皇仁差的地方只是在油尖旺裡的同學，好的一批確實會捨官津取直資，餘下來的又去了外區，因為家長只往成績看。幸好，這幾年，皇仁或者喇沙、St Joe這些都可以憑著幾個狀元同學的出眾，將學校挽狂瀾於既倒。相反九華、英華、英皇甚至聖保羅這些卻沒有這方面的好彩。



如果諗著找一間男女校，以為學校有更好的成績，誰不知，有好的成績全憑女同學的帶契。伊中這幾年的高峰不再，真要多謝某些男同學，不能說他們差，但這確實是現在的大趨勢，除了反映在大部份男校之中之外，亦都反映在近年的中學會考和文憑試當中。今年文憑試的詳細考試分析可以參考下呢度，
http://www.hkeaa.edu.hk/DocLibrary/HKDSE/Exam_Report/Examination_Statistics/dseexamstat12_5.pdf
看看男女生在各主科的5**、5*、5甚至4、3級表現。


說實話，如果自己真的唔喜歡九華的，你可以揀過另外一間，但始終讀書都係靠自己。在大抽獎階段，當你放棄有94個位既九華的時候，你就要選一間得61個位的伊中，或者你可以將眼光擴闊些，選有更大機會甚至可以一擊即中的聖芳濟或銘基。


孰得孰失，自己諗！

ohnono

必必:  舊年識人, band 1生, 華仁, 聖芳濟, 銘基都入唔到, 去到第15志願呀! 最後要叩門, 幾徬徨.  發表於 3 天前

-----------------------------------------------------
可以從另一角度去睇。
油尖旺今年有792個band 1同學，其中參加呈分試又獲分配banding的St Mary和女拔小有255個同學。就算當他們只有80%是band 1同學有20%是band2+3的同學。扣除255 X80%=204個之後還有588個同學要在區內參與升中自行、直資和派位的活動。

但區內的真光(136位)，九華(170位)，伊中(136位)，聖芳濟(136位)，四間學校相加的學位總數才不過是578個，尚欠10個band 1位。這10個band 1位就有機會從銘基中補充。


好了，還得估計自行跨出跨入的情況，如果以油尖旺的學校情況，特別是一眾band 1頭的男同學，都傾向於自行時跨外區，或更早於自行的直資。但在油尖旺以外附近的地區，又好像缺少了像九華和伊中這樣有說服力的傳統名校。雖褪了點色，仍是受歡迎的選擇。因此申請跨入的並不比跨出的少。但自行時，我們每名同學可以有兩個選擇，家長若以學校的成績和口碑作選校基礎時，九華和伊中又好像只能以第二志願選擇的可能性更高。當跨出跨入的比例同時處於高水平的時候，我可暫以互相抵償去作考慮而以不影響最終統一派位的數據為原則下，保持著四間中學可盡吸納了區內band 1同學。而更有機會的有大約百多個band 1位剩餘出來而有機會由band 2同學補充。


又跟據khmama的推算，油尖旺約有46%自行離場的band 1同學，而實際參與大抽獎的只有428，而區內的band 1學額連他區的16個借位就有488個。即是將會有約60個band 1位多出。而這60個band 1位將會有不同學校承擔。但估計應該不出聖芳濟和銘基了。

我覺得khmama的推算已較穩陣還帶點保守，跟我估計的還有點距離。但我更相信正因為這這個band 2同學可搏入band 1學校的情況，最終引致學校有更大的野心向band 2同學推薦band 1的意欲。因為自已小學都經年有band 2生入band 1的時候，於是有部份band 2頭的學生都會被老師當成band 1去選校(其實只係搏其他小學唔敢這樣做，這個情況在九龍城區某官小的做法一樣，最終可向外宣稱自己小學有極高的同學派band 1的比率，讓人家誤以為學校的band 1同學的比率同樣地高)。一方面提高小學派band 1學校的比率，另一方面也可盡用這些剩下來的學位，騰空其他band 2學位給band 2同學。

因此當隨機號碼唔好的同時，就隨時band 1派band 3。這絕對說明必必家長的例子在油尖旺這個區內不是沒可能。

ohnono

ANChan59 發表於 13-4-28 14:37
回復 ohnono 的帖子

有趣，如果將男女成績分開分析，選男校跟男女校可能有不同取態。 ...

係當局者迷的情況下，家長好難會考慮得這麼仔細亦好難搜集到咁多資料。唔要男女校要男校/女校多從男女拍拖之事來看。相反選男女校棄男校/女校的多從身心發展平衡方面去看。再者就只會從男校/女校被抽中的機會較大。
絕少家長會說皇仁、喇沙差，同樣地卻只會不停出現抨繫九華、聖保羅甚至英華的言論。所以，網上既言論有幾多係真，幾多係假。幾多係主觀，幾多係客觀。就算我講咁多都係由好主觀既角度出發，不過我選擇從另一角度去睇姐。信唔信都係由返家長自己去諗和選擇！

ohnono

hngr 發表於 13-4-28 18:33
如果有评论认为皇仁、喇沙、St Joe 是＂好彩＂有几个出众的学生将学校力挽狂澜於＂既倒＂，我认為是抹黑他 ...

事實只能用歷史來評價。狀元同學當然要付出很大的努力，但皇仁的好彩就是能收納並據為己有。成績不斷登頂，亦為學校諦做更多、更大的吸引力。沒有歷史的皇仁，單看只有約6成的入U率，我並不覺得吸引。同樣的喇沙、St Joe，沒有前人的努力，能換來今天的好彩嗎？
再看自由度，我覺得皇仁比九華更自由。又看看皇仁的功課量，又少到可以令你吃驚。活動不比九華少，成績不比九華谷，自由可能還比九華高，你隨了可選擇穿著波鞋返學之外，夏天你還可選擇穿著短褲返學。
下午飯時，更加沒人會理你，你喜歡在學校飯堂、還是跑到老遠的銅鑼灣，適隨尊便。放學你可早點回家做功課，看看書，你亦可選擇跑過維園，一路打波打到7點，未夠喉還可打到8點、9點。倦了，回家洗澡；餓了，回家吃飯。考試前，溫溫書又可過關。都一樣絕對符合中一男生好動的性格。

我對小朋友有要求，但我從來都唔會對學校有怨言。我對小朋友有期望，但我又從來唔會給學校壓力。成績雖不是人生的全部，但總不能荒廢。我不能改變校風，但我可教導孩子。朋輩的影響力很大，但家庭的親和力還不少。

有同學做了錯事，名校往往就是焦點。就算一個考獲9優的同學，在年宵市場上，投得一個攤位，也可成為報章的主角。非禮、偷竊非九華獨有；粗口、打架亦非band 3尊享！唯獨是父母的愛心才能燃起生命的力量；只有良好的家庭教育才使孩子走正確的路！

與其愛學校深，不如愛孩子深；恨之切，不及同學間之情切；只有愛，沒有情，何來恨！看著同學離開法庭，眾師生的支持和鼓勵，為兄弟情切帶來希望，亦為手足之情建立基礎。名校有既隨了“好彩”，還為他們六年揮淚成詩的中學生活帶來“精彩”！我覺得絕對值得。

ohnono

必必 發表於 13-5-9 15:08
只係想借此分享下所見, 所聞及所知既事實, 原意係想俾大家了解下係呢個大抽獎之下, 隨機號碼既重要性.  但 ...

我係#94都已詳述這情形。
這情形亦唔係油尖旺獨有，九龍城這幾年因為升中人口減少，位多人少，都有不少band 2生派入band 1學校而成為假band 1學生，特別是區內那幾間極其進取的小學，如果老師一路都將這班假band 1當作真band 1去處理，遲早會有同學因為咁而選錯晒學校而出現所謂band 1派band 3的情形。九龍城區係咁，還有沙田，大家都聽唔少band 1派band 3的情形。而大部份這種情形都會出現係一向都屬位多人少競爭的區域。

今年九龍城區有一兩間甚至三間都好大機會出現band 1英中學校會收到唔少的band 2同學。如果老師又跟據這個情形推算明年升中派位的話，咁出年肯定又會有好多假band 1派band 3的情形。

ohnono

mhv_woman 發表於 13-5-10 10:12
純粹個人意見, 油尖旺區可以用QE作參考, 例如級名次50沒有經過面試但大抽獎入到QE, 那麼, 有9成機會該小學 ...

如果考50的同學可以憑抽獎進入QES的話，咁當然學校最少都認為會有50個band 1同學(要分開是50個band 1，不等如考第1-50就是band 1，因為總有機會是考49是band 2但仍可派到band 1，而考51是band 1的但派往band 2)，因為大家都估到QES在區內的受歡迎程度。但最令老師難估就係上年頭80個同學之中有20個同學可以進入銘基、聖芳濟和循道的話，我就覺得會令老師好難估。夠竟邊個同學先係真band 1，邊個係band 2但可抽入銘基和培道甚至聖芳濟呢。以往九龍城區內某些進取的小學都會將這20個同學有幾會可以抽入band 1學校的當作band 1生處理，一方面考慮到其他學校都唔會亂咁將band 2生來搏和最多放榜後幫同學叩門，唯有這樣才可輕易地將學校入band 1率提高。
至於伊中的面試，我覺得係睇教局的排名居多。兩年前我講過九龍城區內某官小學校名次排2x的都一樣有得in。最令大家可以放心的，如果真係全校頭一、二、三名的，就算唔係去左直資都會去晒喇X、皇X、上X、BXS、MXS、甚至林X、曾X添呢D，就算有選QES，都只會將他作第二選擇的保險之用。所以唔係頭幾名的先至應該要去就真，機會就係等這班同學一走，你就可以從後備名單中補上。

講到大抽獎。如果以油尖旺的現任升中家長心態，有邊個唔驚抽唔到你的第一志願而要去第二志願的銘基或者聖芳濟或者循道。如果從學位多寡和純男/女校的角度，點睇都係男同學選九華和女同學選真光有著數。伊中扣除埋聯繫位之後，只有一班堅持喜歡男女校的家長會以此作首選的機會較高。

ohnono

mhv_woman 發表於 13-5-10 17:35
回復 ohnono 的帖子

我提議全級頭三名才去報QE是因為有親身經驗, 小貓就讀小區內頗受歡迎的老牌小學 (每級 ...

我見到的跟你見到的分別不大，都係要好好成績的才有面試機會，但未必一定是頭三，多數是十名之內啦。但我知道某間學校又真係有2X的同學都有面試機會。所以我先至覺得，係冇錯，伊中作為一間受歡迎的學校，一定會有好多叻仔叻女來報，但唔好唔記得，既然有學校可以2X既都有面試機會，我就更加覺得教局的排名對佢地來說都好重要，對程度高的學校一定有利。既然係咁，我先至覺得只要有好成績，睇下往年的派位情況。如果伊中是屬本區的話，自行跨區的情況怎麼樣，再去作考慮都未遲。空談要頭幾名先好來報伊中，未必咁實際，還可能令自己錯失良機。
況且，真係有好成績的，好多未必以伊中作首選，再看看學校以往頭幾名學生派去邊就知。講開又講，唔好話伊中，就算華英和以往的旅港得一次面試的時候，想自行時有得面試都唔容易就真！如果真係考慮伊中的話，每年有600多同學自行報名，但從中揀選200多(約1/3)面試，又好似唔係好難，點解唔試下呢！

ohnono

有時，我地唔好比EK呢度好多家長嚇到，佢地呢頭話好難好難，邊間又好難，轉頭又話SPCC收了，第二日又聽到話女拔收了，恭喜之聲不絕於耳。又有d家長話好難好難，呢次真的好難，直資落空了，自行連信心都冇埋，大抽獎直情想第一間就填間band 2落去算了。

對一些超班的同學，去到邊都考佢地唔起，呢間收完第二間又搶住要。記唔記得上年有個家長話小朋友已經被英華取錄，點知叩下伊中又收，叩下喇沙都收，雖然呢度都有好多人叫佢選伊中，最後因為太多選擇，都唔知佢揀左邊間。對一些普普通通的同學來說，可能連一間普通既band 1英中的面試座位都好難獲得。這點絕不意外，在EK裡溜連左幾年之後，發覺這個世界確實是天外有天，雲外有雲，高手何其多！就算是一些經常概嘆說難不易的家長，背後的可能只是在極度無奈底下所作的申吟而已。

倒不如睇返以前學校派位的數據，參考下老師的意見，才作實都未遲，每間學校都各自有不同的情況，我都係唔想有d同學錯失左機會，亦希望有d同學可以把握到機會！

ohnono

米康 發表於 13-5-11 22:49
我自行第二是揀聖芳濟，但冇份去面試。全級得96人，老師話是 band 1 叫我博九華同聖芳濟入男校就會有機會喎 ...

男同學來說，自行第一選銘基而第二才選聖芳濟都有點怪。真係萬一好彩上黎，就咁入左銘基就聖芳濟都冇行。
但係而家聖芳濟連面試的機會都冇，銘基又是全部都有得面試的，我估計有可能是band 1，但都是band 1中至尾。


再睇返全校得96人，應該屬細校了。如果考18的話，又屬油尖旺這類強區中的弱校，有時真係爭不到幾多band 1位的。所以，絕對有機會屬band 1尾甚至邊緣的同學又或者已屬band 2同學了。只不過以往油尖旺都是出琨有不少band 2生派band 1的情況，所以老師一般都傾向進取，亦解釋了點解油尖旺有band 1生派band 3的情形。


進取點本來都沒問題，你可以選一間band 1中學，甚至兩間，但你選九華的話，但後面的學校你又繼續選區內受歡迎的band 1中學，如果九華派唔到，而你又係band 2同學的話，雖然聖芳濟都有機會收到band 2生，但機會都只係留返比選聖芳濟放乙1的band 2同學。同樣，銘基跟聖芳濟的情況也大同小異，如果你係band 1生而又將銘基放第三的話，銘基都還有機會。但若是band 2生的話，銘基放第一的話，你還有點機會去抽，但放第三就不要抱好大希望，跟住後面的學校已起不了作用，直至派到其他band 2學生派完有位剩才有機會了。

ohnono

miffy 發表於 13-5-13 11:55
我只係睇番我仔小學派位figure, 大約頭廿名應該無留在油尖旺

20

這個情形証明你學校屬於油尖旺區內的強校。無可否認比較普通的小學會被迫向邊緣化，不獨是油尖旺區，其他區都有這情形。所以我係傾向著重強校多過強區，弱校多過弱區。有時強區裡的弱校還比弱區裡的強校還不利於升中派位。因此那些非強校的band 1同學好難進佔band 1組別的有利位置。當自行收生時，那份教局的排名次第名單就會起著重大的影響。
雖然自行收生是屬於全港無區域限制的申請，但如果以伊中的吸引力，附近幾個大區，如九龍城區、黃大仙區、官塘區、甚至葵荃、沙田等的尖子，再加九龍城區幾間聯繫的號召力，與其話要頭二、三名先好黎報，不如先諗一諗自己學校有幾多競爭力先！

ohnono

必必 發表於 13-5-13 18:16
今年聖芳濟只面試報佢地學校, 係全港排名最前既120人, 所以好多報左都無得見. 阿仔班同級同學都係得7,8個有 ...

先冷靜d先，唔好自己嚇自己！

我諗你講既全港排名最前既120人是否有誤會呢？我諗學校是指在自行報名的同學中選120名同學出來面試，而這所謂的120名是跟據教局的排名次第來作跟據的，即是假若有400名同學來報名，教局就會跟據這400名同學在全港的排名成績作出先後排列，由1排至400，排第一的當然是成績最好，排第400的就是這班同學(只是這班同學之中的比較)之中排名最差的，卻並不是全港排名最前既120人。如果係全港最前的120人，咁聖芳濟就好好彩lu！

ohnono

必必 發表於 13-5-13 19:41
請唔好誤會! 係講報佢地學校既名單中計.  

中學只會有報佢地學校既學生排位, 唔可能有全港幾萬人既所有排 ...

對唔住，我因為睇到你這一句「係全港排名最前既120人」，所以我誤會左你既意思係全港排名最前既120人！

ohnono

mingmingyinyin 發表於 13-5-13 23:22
回復 miffy 的帖子

你好

成績只是用來換取面試的入場卷。當有了面試入場卷後，成績可以不理，收生全以面試分數作考慮！