2010-11 小三家長入嚟傾吓

Derdad

原帖由 GogoCheung 於 11-7-11 16:26 發表
書單的確無story  book, 但多左tsa練習.  而且我注意到四年級的買書費比其他年級貴.

Derdad, 你中係咪自已敎, 無出去補習, 講真, 我對自己個仔的成績係滿意的, 佢係今次考試追返上次測驗的失分, 而佢上次測驗係輸係 ...

原本我自己教唔係問題，反正有教開大仔嘅經驗，奈何响屋企有好多嘢令佢分心 (電腦、玩具、電視…)，加上佢又"一言九十幾頂"，好多時都係鬧交多過溫書、做功課。
所以我都諗住俾人"調教"吓佢o架!

其實唔係太過份嘅操練，唔會令佢失去學習嘅興趣嘅話，我都會接受嘅。

其實當個仔一年班嗰陣，我已經開始同佢講話"開心嘅童年，我只能俾到你三年級，之後就要為升中準備呀！"
所之前幾年無論佢幾百厭、只掛住打機而唔讀書，我都盡量忍佢。

今年攞完成績表後，我同佢講"嗱，開心嘅童年，已經過咗啦！媽咪守完承諾，希望你都會，俾心機讀書，之後唔好埋怨少咗好多時間玩呀！"

算唔算功利？見仁見智啦！但已經係响我能力範圍內所能做到嘅平衡了。起碼佢第時回憶番轉頭，都應該記得小時候响一間咁demanding嘅學校居然可以hea 幾年，都夠佢感恩啦！

自我反省：操卷又好，補習又好，要俾個細路知道出發點都係為佢。如果方向正確，有時就要狠下心腸，耐心解完之後就唔理得佢反對…

Derdad

原帖由 GogoCheung 於 11-7-12 11:54 發表
可能男人想野同女人唔同, 我要個仔儘快做完d暑期功課, 佢就話咁多時間又唔係考試, 咪等佢慢慢做.

我上年咪提過話二年班嗰陣將 Modern本數學練習攞嚟俾個仔平時同埋測驗做，等暑假咪可以唔駛做嘅？我今年又係繼續咁樣「出古惑」，所以只需要做讀書報告同埋Copybook！依家預計呢個禮拜就超額做完，可以玩啦！

我真係唔知點, 平時我接亞仔放學, 見到有個仔返上晝, 但同亞仔一架車放學, 一個人仔由返學到放學超過12小時, 大人返工都無咁辛苦, 個心真係有d酸, 點解要咁辛苦.

妳有冇聽過有啲媽咪要個仔/女同時番兩間幼稚園？
上晝上完一間，匆匆食完飯又趕返下晝另一間…

依家條「起跑線」，係由兩歲開始…

Derdad

[skyway1668

好耐冇妳消息！暑假先至「浦頭」？
囝囝今年成績有進步嘛？

Derdad

原帖由 skyway1668 於 11-7-14 00:32 發表

自從返上午後Ｄ時間好緊迫，放學後2日choir,football,鼓隊，鋼琴和3日游水。所以依家至可以"浦頭"!估唔到你認得我，真開心！我囝除了
英文，其他都有進步！有沒有提升英文的方法？請指教！ ...

出年有呈分試，課外活動可能要減啲啦！
英文不外乎聽、說、讀、寫、時間、興趣和操練，老生常談…