兆麟聖彼得堂 06 k1入來傾下丫

beautymother

hviy
你真係唔小心哦，o甘都可以撞埋去，不過好彩小事，依家好返的未呀﹖

pancy
你又好的未呀，仲放緊假呀，要休息多的先得。

luluma
唔好意思呀，果日都唔係幫你好多，呵，早知道幫你食o左的o夥啦，我剩係帶o左麵包，阿女仲好笑，望住人地的腸仔雞翼話想食喔，真係比佢激死呀。

我今日都有報名參加24/11晚o個個自製溫度計班呀，我用環保信封裝住的錢放在通告袋呀，o甘就唔使開支票o甘煩啦。如果大家都參加o左，到時又可以見面啦。

beautymother

accsu118,
係呀，我地好多媽媽都參加了家教會，好多活動呀，你問一下校務處可不可以再參加，你女女遲o左轉校嘛。

shirley
我好似你o甘呀，打敗仗，病o左幾日啦，仲出唔倒聲添。唉，天氣時冷時熱，就係o甘容易病o既啦，大家都保重啦。
你快的安排下，24日早的放工啦。

beautymother

pancy
我日日都有帶阿女返學呀，今朝我見到你，不過同hviy傾緊，轉眼就唔見你啦。嘩，你仲有成個月d骨先可以埋口呀，o甘你幾時返工呀，要多的休息，唔可以做的操重o野囉，呵，o甘可以唔使做啦。

我報名參加自製溫度計班啦，到時大家一齊見啦﹗

beautymother

morning, all mummy

我有參加1124親子活動呀，到時見啦

不過親子旅行就無影過靚相，所以無參加親子攝影比賽，希望你地的作品得獎啦。

beautymother

今年又真係幾多人報名喔。

我有2個朋友報名呀，一個是大仔，同我個女同年同月出世的，好似都唔收呀。另一個就收o左上午班，不過佢依家在青山的st peter讀緊N1，可能都有優先吧。

catnapper 寫道:
唔得呀.

[quote]
hviy 寫道:
catnapper,

咁你個fd得唔得呀    [quote]
catnapper 寫道:

今年收生的名單公佈o左喇, 聽講有400幾人報名.

[/quote][/quote]

beautymother

係囉，會唔會我地去到酒樓開o左位之後都無乜時間傾呢，又要接放學嘛。 但係又唔知去邊好。

celia_ip 寫道:
仲有咁多時間可以坐低傾計咩??!    
你地幾時見家長呀??!

我要編到觀課后一日o既下午五點幾呀, 又要提早收工先得啦~

[quote]
hviy 寫道:
大快活就最近, 不過唔可以坐埋一齊傾偈, 如果去酒樓就安定(唔記得有無㖭    )或友愛(肯定有)最近....大家點睇    [quote]
accsu118 寫道:
好呀! 但去邊樹好呢, 大快活定其它地方好呢 [quote]

[/quote] [/quote]

beautymother

luluma

都係早的同阿女去睇醫生啦。
流鼻有黃色就要睇醫生啦，即係代表已經發炎，怕鼻水會倒流，o甘就好麻煩o既啦。

天氣唔好，真係好容易病，我都病o左成個禮拜都唔清啦。

beautymother

天氣差，大家都要保重身體。

上個星期的網要要搜集猫猫狗狗的圖片返學校，我都無比阿女帶返去添。

嘩，仲有時裝表演呀，真係多節目啦。

beautymother

pancy

嘩，又真係幾危險喔，好彩都無事，真係要去還神啦。
係有無開鋪呀，剩係online呀﹖

今日天氣凍o左好多，又落雨，好麻煩呀，我最怕落雨啦，凍都無所謂。我想問下究竟學校女仔的校服配白襪還是灰襪﹖

beautymother

我仲未買襪褲比阿女添，遲的再凍的，我唸都要穿襪褲先得啦，或者可以好似pancy o甘，比對薄絲襪打底都得喔。

christman設計比賽，又係我最弱o既一部份喔，真係要唸下點整先得，阿女讀書之後又真係好忙呀，成日都唔得閒添。

pancy
送襪仔比阿女呀，唔使客氣啦，等你返新貨到時再幫親你啦。

hviy
我以為冬天只可穿灰襪，轉季時仲特登買o左幾對灰襪添，後來見大部份穿白襪，原來2樣都可以穿。

beautymother

今晚我都有參加呀。你地有無參加下個月的急救講座呀﹖

beautymother

點解我搵唔倒你地講o既以前的設計作品o既﹖

beautymother

thanks, accsu118

嘩，又真係唔係小朋友作品喔，攞出去參戴都得啦，o甘靚。

beautymother

我都係呀，要走啦，今晚見啦，bye...

beautymother

早晨，all mama

幾日都好忙，今日先溫書添。

嘩，你地做的溫度計好靚喔，我做果個真係好差，又唔夠時間做，我果日遲o左呀，要去到大禮堂果邊的課室，不過最後都見到pancy，一齊影o左張相添。

今日好大風呀，記住同仔仔女女穿多件衫啦。

唉，聖誕設計真係好難唸呀，近來很忙，忙裝修，忙搬屋，又要搵時間親子，都無乜私人時間囉。

昨天收到通告，你地去唔去1月份家教會舉行的旅行呀，今朝聽老師講要抽籤呀，唔使交錢住，呵，可能抽到先有得去呀，我都打算報名先。

beautymother

唉，請工人都係要撞彩呀，真係撞到個好的真係謝天謝地啦，衰的工人真係好多，又借錢，又懶，真係.....

hviy，妹妹應該好快無事，唔使擔心，你同佢貼一片靚的o既膠布就好開心o既啦。

beautymother

Good Morning

accsu118，可以叫你su吧(希望我無記錯啦), 呵，每日都見到你喔，可能只有我同你成日都online喔，不過我就是office hours先有時間上呀。

beautymother

呵，真羨慕你們這些全職媽媽﹗

beautymother

all mama

今日返學校見到要搜集火鍋圖片，有時間可以做定先啦，唔使今晚返去搵來搵去啦。

beautymother

hviy
妹妹無事就好啦。工人呢就真係有又煩，無又煩啦。

今朝返去見到操場有好多椅，一問下原來今日係K2觀課日，唔怪之得門口好多人啦，呵，下個星期就係我地觀課啦。

到時真係大快活見啦﹗