「對不起，騷擾到你， 我兒患了自閉症」

hinhinmummy

kwun

希望真係會越黎越多人認識乜野叫自閉症, 多d 包容呢d 小朋友/大朋友..................

有時一諗到佢地的將來, 雙眼不期然充滿淚水........................

hinhinmummy

kwun

暑假期間, 我帶左對小朋友去日本玩, 係回程的時侯, 係侯機室, 軒軒係樹玩傷殘人士廁所的自動門, 我當然制止佢, 但佢同我講條件, 話玩多最後一次, 點知次次都係'最後一次', 最後我捉實點都吾比佢去玩, 佢就lur晒地大喊

當時侯機室內, 有香港人的旅行團, 當中有d 9-10歲的小朋友, 佢地係樹冷言冷語, '甘識做戲, 大個吾去做戲就side晒'等的說話, 還要係好大聲, 佢地的父母, 亦無加以阻止, 只是係樹當看戲, 果一種茲味, 我諗你們會明白, 而我個大女當時亦在場, 佢看到自己的細佬比其他小朋友甘樣'chi'笑, 吾知佢心裡有乜感受

最後, 我同老公講, 甘吾係辦法, 我想拿張殘疾人士登記証出黎, 叫d 地勤比我們priority 上機先, 我老公初時吾肯, 最後亦比我勸服, 亦好好彩, 地勤姐姐一看'自閉症'就比我們上機先, 班香港人就眼勵勵甘望住我們, 心可能諗點解會比我們上機先

我盼望, 香港的家長, 不單催谷子女的學業, 亦好應該教育一下佢地的小朋友的修養與品行, 而政府亦應該好似日本甘, 令到大部份人, 都清楚認識乜野叫做自閉症, 希望我有生之年, 能等到.................

最近看到一篇專訪, 訪問一個會考考到10優的學生, 佢果種不可一世, 自以為是的說話/態度, 實在令我.....................

hinhinmummy

今日看報紙, 講一個10歲小朋友羸左鋼琴比賽冠軍, 佢的師姐講的一番說話, 比10a的狀元顯得有內涵, 有教養.

我個人都好欣賞狀元的堅持, 排除萬難的信心與毅力而成功(起碼成功左一半), 但當人成功之後而語無倫次及說出一番令到有人吾開心(起碼校長, 老師同學都吾開心)的說話, 實在令人對佢的印象大打折扣

我相信, 如果狀元成功之後, 再對傳媒訴說自己點樣排除萬難, 堅決的信心而成功, 再多謝母校最後亦比佢報考十科, 但為求令自己更上一層樓而轉去讀名校, 我相信大家對佢的印象會是天淵之別.

hinhinmummy

奀豬mami~~

o..........實在太了解你當時的心情, 比著我, 我會同返果位先先講, 自閉症吾=低能, 並解釋給他聽, 乜野叫自閉症

mrsphcheung

我比你好運, 我公司有一個好好心地的女孩, 她平日放工會去幫d新移民家庭的小朋友義務幫助功課, 而我初時都吾敢向好提及我仔係自閉症, 但言談之間總會漏口風, 而現在我每向好提及個仔的進步, 她都會同我一齊開心, 我總算搵到個可以籍得我信賴的人傾訴心聲..................(除左老公之外的人, 因為有時正正係要投訴老公無幫手)

hinhinmummy

其實我覺得, 自閉症的小朋友固執行為/特殊偏好, 都係佢地的一種性格, 吾可以話佢地怪, 係佢地心目中, 看正常的人, 何嘗吾是一樣怪?

正如, 有人月入2萬, 都要用1萬9千9去買名牌, 亦有人將1萬9千9去儲蓄一樣

正常的小朋友我都吾主張體罰, 更何況係自閉症的小朋友

遇著佢地大吵大鬧的情況, 好彩我係佢依家差吾多5歲人仔都只係經歷過兩次, 一次係佢還未懂事(年紀雖大, 理解像bb), 我有得佢係商場lur地喊, 係only抱住佢安撫佢, 大約喊左半粒鐘, (當時亦大把八卦人士圍觀), 終於比我收服

另一次就係最近, 係機場侯機室, 呢次佢開始懂事, 無上次甘大吵大鬧, 加上能夠快快逃離現場, 用d 玩具氹佢, 就無事

每個小朋友都有吾同的性格, 而自閉症的小朋友亦一樣, 相信父母一定要摸清自己小朋友的性格而去安撫佢地, 不能夠一本通書行到路

但有一點一定相同的就是, 吾可以屈服於佢地吵鬧之下, 如果吾是, 恐怕將來會有更多吵鬧的出現.

hinhinmummy

babytszkin

我個仔做完評估時做過, 見埋遺傳科抽血染驗色體, 跟住就話所有report都搵吾到佢係自閉症的原因(意料中事), 但既然醫生suggest左叫你小朋友去做, 有無用都好(雖然都知自閉症係搵吾到原因), 但做左好似安樂d