這成績考出面D名校得嗎？

fallenleaf

原帖由 doncheng 於 11-10-29 10:22 發表
如女拔，協恩，st.paul的學校，小朋友平均分92, 操行A, 體育c, 沒有學琴，沒有校外獎狀, 衹得學校的學業成績獎，課外活動衹有跆拳、做下義工、英文課程 ...

單係睇成績就唔係太差，況且直資學校一般都著重面試的表現和態度，發掘有潛質的學生，還有家長對小朋友的支援等等好多因素，並不一定成績好就一定得。協恩未轉直資前都in 2次，甚至3次，所以佢地都幾睇重面試。況且，未in真係唔知邊個贏邊個輸。我覺得一試無妨。

[ 本帖最後由 fallenleaf 於 11-10-29 16:09 編輯 ]

fallenleaf

原帖由 navigator 於 11-10-30 09:03 發表


作為一個冇特殊背景或關係嘅學生嚟講，名校揀叻學生，眾所皆知，梗喺睇其4至6年級上學期嘅學校成績為關鍵，跟著就睇操行、奬項、技能、名銜、服務及課外嘅活動嘅參與性。單憑呢啲關口，名校就經已揀到咗一咋目標學生嘞...... ...

易考易入的直資學校你又唔想去，難考難入的又唔去，睇怕都唔駛去。我係BK咁耐，我從未聽過有家長講過話女拔易考，從未聽過話男拔易考，亦從未聽過話聖保羅男女易考。
睇下自己有無自信心姐，如果睇完navigator呢位家長所講的就自己打退堂鼓，咁我就勸你都係唔好去報名了。相反睇完都難唔倒你的，請去吧，前面重有乜野可以難倒你！

fallenleaf

原帖由 navigator 於 11-10-30 14:25 發表
打個譬喻，在一場眾多D1級泳手出戰的泳賽中，凡達不到D1級的泳手蹤使有多強的信心去參賽，結果還是輸的呢！又再引用女拔校長曾經講過的一句話：「考得呢間學校嘅，我相信小朋友嘅成績都有咁上下啩？！」真的不存幻想，這個世界根本就沒 ...

我真係唔希望d家長用一個坐井觀天式的態度去猜度自己的小朋友的能力，點樣先叫有能力，點樣先叫沒能力，這個不是由你同我去決定。幾多自以為大熱的倒灶。烏龜都可跑贏兔仔，雖然係鳳毛麟角，但都值得我們反省。
況且我當然唔係叫人越級挑戰，既然係D1選手，你唔去做好你本份，只識長他人志氣滅自己威風，未打已輸，何信心之有！
我相信所有名校都抱著一個信念，佢地唔係淨係找尋成績好的，自信各方面能吸引到他們的，我覺得都不妨一試，損失嘅都係你同我都負擔得起，就係咁簡單姐，唔得又唔係要死嘅，真係晤明！

fallenleaf

原帖由 navigator 於 11-10-30 16:08 發表
唉，討論啫，各抒己見啫，都冇絕對嘅對錯，駛唔駛咁勞氣？亂咁強詞砌我啫？！自己小朋友嘅能力有幾多，乜家長仲需要「猜度」咩？！乜唔係一早就知道晒咩？
D1泳手對D1泳手，先致有場龍爭虎鬥，鹿死誰手，拭目以待；D3泳手對D1泳手，輸硬！選美咩？根本冇 ...

我之前重以為你試過報女拔，失敗所以講咁多負面野。我重發現原來我唔係強詞砌你，因為你唔單只用這樣的方式去估量自己的小朋友，你重用這種方式去估量其他小朋友。人地勁唔勁，你理得佢唧，亦都唔到你理，最緊要做好自己。不過，你咁樣都唔緊要，好在政府係派位呢個遊戲上面都有個框架，亦都有個準則，你地學校都應該會話你知你嘅小朋友應該係屬於band幾，唔駛你去估，如果唔係，你肯定估底幾個band。

fallenleaf

原帖由 navigator 於 11-10-30 20:18 發表
唉，越來越牛頭唔搭馬嘴嘞。我認為作為有sense嘅人嚟講，駛乜猜度呢樣嗰樣啫？根本就自己知自己事，心中有數，因此去做任何事，必定會量力而為架，唔會好似賭徒咁，淨喺識得響胸前掛個「勇」字就得嘞。要搏入名校，唔喺講運氣，喺講實力 ...

我唔覺得我係牛頭不搭馬嘴，起碼我唔係牛頭亦唔係乜野馬嘴。我一路係答緊樓主的問題，係佢可唔可以考出面d名校。我亦一路都係比緊d正面嘅信息比佢。我無話過你的小朋友可唔可以去報考。你自己覺得小朋友不適宜去報考的話，你有權亦可以唔去報，但請不要自己一廂情願將自己的小朋友的情況加諸係別人身上。
我相信呢道每一個家長如果想小朋友去報女拔的，無不從小安排和栽培，所以唔止女拔咁激烈，女拔小一樣咁激烈，絕對唔係你講的心口掛個勇字，我亦無講過可以單憑運氣就可搏入女拔。無自信心就幾有實力都無用，更何況又無自信心又無實力那些，所以我強調嘅係除左有實力重要有志信心；有實力、有自信心都重要踏出呢一步，踏出都未必會成功，唔踏出就永遠都唔會做得成。連踏出呢一步都唔去，到時就唔好怨學校淨係收呢d人嗰d人，人地成功都要人地肯去試。
人地協恩校長話佢地往年d學生成績又好，有鋼琴8級證書的大把，唔通你等到有演奏級先去咩！如果我小朋友有7級、6級我都會去報，可能第二樣贏返呢，因為我唔知其他小朋友係點，我只係相信個個小朋友都唔會差，不如留待老師和校長去評定吧！如果自己小朋友成績差，沒有其他強項，就猛跟別人說這間學校不好，只收好勁好勁的人，務求令到某些人唔好去，我討厭囉！對唔住。

[ 本帖最後由 fallenleaf 於 11-10-30 23:04 編輯 ]