41校網的你～假/借地址～不舉報=默許

b3410

不過，如果太多舉報，而資料不齊全，會不會教局冇足夠人手去調查，反而俾啲人混水摸魚？

b3410

其實一直話用假地址。其實有冇考慮過唔分學區的方法？
因為醫管局屬下醫院，之前都係分區輪候專科。原因好似同學區一樣，為咗就近，方便市民。不過，因為各區資源不同，人口不同，輪候時間相差好遠。之後為咗公平原則，唔再分區，天水圍也可以去瑪麗排期。咁本來住中西區的市民，輪候時間拖長，資源被其他區分薄咗，不過其他區市民可能收益。最終可能各區輪候時間接近，更加公平。

其實學區，校網，是否也可以參考呢？點解要分校網？點解住天水圍就冇可能讀喇沙？

b3410

Monstereasy 發表於 18-3-18 23:06
甲部咪無分區，如果全港唔分區，大量學童跨區，得益會係學生嗎？

跨區返學，其實依家一樣唔少同學跨區返。而且要冒使用假地址的危險來返。咁家庭資源豐富，可以借到/買到/租到/搬屋就可以跨區讀，反之冇。其實就算無分區，是否真係大量學童山遠水遠咁跨區？

b3410

Soundervolt 發表於 18-3-18 23:57
本帖最後由 Soundervolt 於 18-3-19 01:03 編輯

睇醫生唔使日日睇，而且多數成年病人可以照顧自己，但 ...

咁人哋都可以話，抽到就搬屋，一樣就近返學。或者，人哋私家車自己送返學，學童冇咩辛苦喎。辛苦問題應該家長自己考慮，冇人逼你跨區返學，如果覺得唔想辛苦，一樣可以就近選擇學校。直資私校同學遍佈全港，一樣都係跨區。

b3410

Soundervolt 發表於 18-3-19 10:24
EDB責任只係人人有書讀，現時甲部係可以自由選擇跨區，若果可以增加甲部比例，可能會滿足到其他家長，甚至 ...

其實如果無分區，或者增加甲部名額，都可能出現好的校網本區學童不夠學位，要跨區返學的問題，可能呢樣係分區抽的原因之一。（不過，我相信學位唔會咁少，只不過同區學校可能唔夠好，情願跨區也不讀同區）

不過，我想帶出的是，雖然冇一樣制度公平，符合所有人利益；不過，分學區，唔俾外區人入，是否天經地義咁合理呢？

b3410

Soundervolt 發表於 18-3-19 15:49
每個制度都人歡喜有人愁，總有討論及改善嘅空間。仲有其他方法進入區外學校嘅，叩門同插班都係另類途徑跨 ...

同意，制度有改善空間。在現有制度下，走正路好過走旁門左道。