快樂升中交流區 - 歡迎各位交流 ! (Part I)

veronna

原帖由 motherlau 於 09-7-17 15:05 發表
Hi,
小年宮是在深圳嗎?我都想買d簡體書呀?平好多.可否教我呢?

我上次由廣州返落黎時順便去既. 係深圳搭地鐵咋, 都好方便, 係少年宮站, 一出就係, 好易搵. 我知果度唔係最大間既書城, 不過勝在夠整齊.

veronna

不如又講下零用錢,  我平時必須都係我俾, 八達通(只用黎搭車)都係我俾. 每月我定係俾70蚊佢. 佢有時仲唔要添, 其實佢都冇咩錢要用, 平時又唔係好買零食. 最多買下黑貓白貓.  依家升中唔知要俾幾多呢? 你地會俾幾多呀?

veronna

原帖由 Elona 於 09-7-17 14:16 發表
相信繁體版同簡體版既價錢會相差好遠, 好似世界尋寶記咁, 繁體版要成80元一本, 係大陸只需25元, 不過仔仔睇慣繁體字,睇簡體唔識笑, 因為簡體係以大陸文化做藍本, 最後冇點睇就比咗人

...

其實係我諗住慳錢, 所以依家都多數買簡體, 真係差好多. 佢初初都唔慣, 我同佢講你同媽咪慳下錢啦阿仔. 佢咪照睇囉. 不過睇睇下慣左就同睇繁體冇分別.

唔係講笑, 年中都真係慳唔少架. :p

veronna

咁即係有需要既洗費加多一百蚊就差唔多. 我都試下叫佢自己計下有需要既洗費係幾多先.

veronna

尋日牛仔激死我. 我同佢報左排球班, 其實同時間都有乒乓球班, 不過佢黎緊要考排球章所以同佢報左排球, 而且排球消耗體力多D同埋會幫忙增高. 呢個先係重點. 係已經俾人叫肥仔, 依家成107磅. 超晒磅.  點知佢去到既時候, 姐姐問佢想去邊班, 佢話唔知道, 結果姐姐叫左佢去乒乓球. 齌企係到, 汗都冇出一滴. 激死我喇.

下一堂點都要佢去返排球, 你話我專制都係咁話. 唔可以再俾佢肥落去.

[ 本帖最後由 veronna 於 09-7-18 09:50 編輯 ]

veronna

原帖由 shingmami 於 09-7-18 11:51 發表
我都想, 不過上次學童保健話佢正常體重108磅喎

就係上一次體檢囉, 果個姑娘話唔算超得好緊要. keep住做下運動就得. 結果阿仔成日都話: 姑娘都話唔係好肥之麻. 俾佢激死, 人又唔係高, 就黎重過我喇.

veronna

原帖由 hpbaby 於 09-7-18 12:30 發表


由落馬州站去少年宮站, 只係四個站, 好近, 地鐵其中一個出口就系書城的入口(basement).

其實由落馬洲去係唔係都好似羅湖咁方便? 都係一過關就有地鐵?

veronna

原帖由 Elona 於 09-7-18 17:20 發表
想問吓你地D仔女有冇青春痘, 我個仔8月先至12歲, 就已經成面青春痘, 一D都遺傳唔到我既優良品種, 佢算唔算早熟

我牛仔冇青春痘, 不過有幾粒油脂粒

veronna

原帖由 motherlau 於 09-7-19 06:46 發表
Hi,
Sorry,咁遲先上黎，病左呀，個人好累，一早訓左......

如果超得唔多，真係要keep好d，因為上中學後，開始發育，通常有兩種情況，一就係高得快，之後就唔覺肥la,二就係肥，但唔高.呀仔都係第二種。當然有又肥又高la,但通常都係本身已 ...

你點呀! 好返d未? 要小心身體, 尢其係呢d又熱, 又落雨既天氣, 出入泠氣地方都要留意d先得, 唔係就會病喇.

veronna

我都要同阿仔食下火龍果先. 我好鍾意架,清清甜甜咁. 不過阿仔麻麻地.  其實知唔知紅肉同白肉有咩分別呀?

veronna

原帖由 motherlau 於 09-7-19 07:07 發表
係架，不過依家教仔真係好難.......我唸我會多d溝通，明佢地ge想法，仲會比佢地有d"錯敗感"(死la唔識寫)，等佢地可以健康d成長。

我都覺得好難教, 牛仔個腦轉得好快, 有時真係唔夠佢黎.

係呢我想問下你地d小朋友會唔會咁作文.......話說剛去完泰國返黎, 佢又成日"lur"我要打機, 我同佢講作一篇六百字既泰國之旅就俾玩. 佢例牌同我講價, 最後四百五十字成交. 結果佢果篇文一開頭(大約)係............

今年暑假有幸與母親大人到泰國旅行...............母親大人與其他女士.....瘋狂購物......左一袋又一袋............男士們........左一千又一千的付款....................

嘩! 睇到我眼都突出黎. 平時見佢交俾老師d文都唔係咁, 佢有時仲會貼堂架, 同佢講做咩稱我做母親大人, 點解篇文咁架.  佢又話, 唉! 你都唔明既. 算啦算啦.

veronna

原帖由 Elona 於 09-7-19 12:01 發表
似乎牛仔係想整古你多過似作文

你昨晚好嗎? 我屋企超大風, 半夜窗門被大風吹開, 窗簾被狂風扯出屋外, 勁恐怖, 仔仔又唔舒服, 好無助, 令我諗起都係單親既你...

不過都好心甜, 我同大風搏鬥期間, 仔仔好擔心好關心 ...

多謝關心,  我尋晚都驚好大風, 所以閂窗開左冷氣瞓, 一覺瞓天光, 我同牛仔都係懶瞓之人. 一瞓上床唔駛十分鐘就會瞓著 :p

係唔係覺得好sweet sweet呢,個仔咁鍚你.

veronna

我今日去左荷里活睇背囊, 見到有outdoor同有nike隻air. 我覺得nike都幾好喎, 有d air會馱得舒服d. 不過定係得黑色綑紅邊. 你地有冇睇到有其他色呀?

veronna

原帖由 tinetinew 於 09-7-19 23:02 發表
Hi,

  間centre係專科補習，$150個半鐘一班五六個學生，價錢我覺得合理，不過只是剛剛開始補，如果返得ok,九月份轉恒常班！上門之前試過，只會令亞仔太依賴。我屋企附近補習社麻麻，咁我咪試吓專科補習law！

  我問過亞仔中學d高fo ...

都幾抵喎, 百五蚊個半鐘. 我等佢開左學睇下佢點先考慮要唔要補.

veronna

原帖由 Elona 於 09-7-20 21:42 發表
今日送咗仔仔入科大summer camp, 成六日五夜, 好漫長, 好掛住佢, 死啦, 第時仔仔要去外國讀書, 我都唔知點算

依家先f.1, 你做咩諗到咁長遠啫. 我定係諗緊牛仔f.1要入宿舍3個月咋. 到時可能係我唔慣, 唔係佢.

veronna

原帖由 blytheBB 於 09-7-20 22:12 發表
各位單親mum.
你地要add oil ar?
我地支持你們!

veronna

原帖由 Elona 於 09-7-20 16:46 發表
我擒日去咗買Air Nike既背囊, $499有9折, 我買咗個款係背囊底部有一條拉鍊可以放波鞋, 如果上PE堂會方便D , 唔使囉多個袋, D sales 話係得一個顏色

唔記得問你, 你買果到係唔得一隻款? 我冇留意有冇拉鏈係底, 不過439有九折. 應該係唔同款喇. 不過我果度得一款, 你果款係咩色架?

veronna

原帖由 Elona 於 09-7-21 15:03 發表
應該唔同款, $439個款係短D,我係沙田Marathon度買, 係黑色做主色加上紅色圍邊, 背攐有一邊仲可放冷熱水樽 (因有錫紙內籠), sales 話出得一個色同一個款

會唔會太大(長)呀? 我牛仔好矮下, 不是又想佢可以放水樽同波鞋. 我係荷里活只見一款咋.

veronna

原帖由 tinetinew 於 09-7-21 15:36 發表
hi,

  我會買大多d,亞仔巳有我咁高around160cm,想當佢係bb都唔得,佢果樣同張大頭相冇乜分別,只係變咗4眼仔！

yuk hei mum

好羡慕呀! 牛仔得145咋.

veronna

原帖由 ling1211 於 09-7-21 18:08 發表

tinetinew:
甘你仔仔都係高大個種喎 我仔尋日度過得148cm咋

148都高過牛仔.......