不願說話或是学習語言緩慢 - 18 個半月

lancome115

我自己的小朋友係歲半時，我發覺佢說話能力及某幾方面都較同齡的小朋友慢，我就立即預約左去協康做評估 ......

其實當時我先生、6299等人，都係反對的，覺得BB無問題、唔洗咁緊張、認為"BB大D就會識、帶佢去多D公園，同多D小朋友玩就得"等等的回應，而我就用堅持的語氣同佢地解釋囉！首先我同佢地解釋評估會做D乜，亦清楚話比佢地知評估唔係一定有好有問題的人才去，帶BB去做評估，主要係由專業人士評估佢現在的"進度"，唔洗大家估估下，當然BB係正常的，咪大家開心囉！但如果發現有什麼問題的，係應該盡早為佢提供訓練，BB現在的年齡係學習黃金時間，遲一日就一日。

當時我同我先生一齊去，真係收穫不少，最起碼我地係評估過程入面，學到唔少同BB玩耍的技巧，正正就是需要這些技巧去啟發BB。最後BB被評為發展遲緩，評估完，姑娘教左好多訓練、遊戲技巧比我地，亦有同6299講番，亦要佢地幫下手咁囉！

不過我小朋友都就黎3歲lu ...... 而家把口無停，如果當日我無去評估，我相信佢現在的進度未必與同齡的相約囉！