認識2009.9月 入讀沙呂小家長

Venuscheng

原帖由 dickdickmama 於 09-6-8 13:40 發表
Dear all,

大家好！明天幫囝囝註冊入讀沙呂小，心情還在興奮中，想認識各位家長，請大家留言 NICE TO MEET U ALL！

hi, dickdickmama,
你囝囝是否讀樂基呢? 因為我之前好似在bk的討論見過你, 唔知有無記錯, 之前想讓細女讀, 但結果無選.
我大仔九月將讀沙呂小, 好高興認識你們

Venuscheng

原帖由 PoohBB 於 09-6-9 23:56 發表
HI ALL,

今日去了註冊 6月26日有分班試, 係 2個半鍾...... 中英數常, 我仔都係一般一般.唔好講識唔識做, 佢都未必有定力坐到咁耐.

好擔心, 現在而開始同佢講要自己一個做測驗. ...

我仍未收到分班試的資料, 嘜係26/6就考嗱? 那天我個仔要去畢業聚餐喎! 比左成$200, 唔去聚餐的話 .

Venuscheng

原帖由 蔚晴 於 09-6-11 12:19 發表

你小朋友係咪統一派位而入沙呂,我係10/6註冊時知道26/6要考分班試,嗰日亞囡學校去畢業旅行,而家都冇得去.

我係第一輪入的. 因為停課, 學校安排聚餐改期了. 唔知道編班試會唔會改呢? 我仍未收到通知講分班試安排.

Venuscheng

原帖由 蔚晴 於 09-6-15 12:10 發表

如果停課持續,唔知26/6考分班試會唔會改期呢?
您地小朋友讀邊間幼稚園呀?

我那天已請假, 但有同事話相信那天仍要停課機會好大.

我的小朋友讀嘉德麗

Venuscheng

原帖由 蔚晴 於 09-6-19 12:32 發表

Venuscheng,
我估如果持續停課,應該會取消分班試,但家長會可能不變;停課期間嘉德麗有冇俾功課呀?有幾多個同學仔會同校呀?

停課期間, 嘉德麗有功課, 在網上可見, 不過我覺得太少, 所以自己再比習作阿仔做.
全校只有六個小朋友入沙呂小, 不過我老公卻覺得多喎! 佢話有5%. 因在自行+抽籤共120個位.  嘉德麗比較多人選胡素貞和一呂

Venuscheng

原帖由 loy211 於 09-6-22 11:02 發表
上網d媽咪都說讀嘉德麗多數入沙呂,我個仔是跨區,只有一個同學仔陪佢,相信都要時間適應.
我考慮了很久,如果搬出沙田,我一定要靠工人,(以往請工人的經驗實在太恐怖,6年內換了5個)現在的姐姐不是太好,但我已經唔敢再冒 ...

嘉德麗最多入的係胡素貞, 一來多人選, 二來多兄長讀緊嘛!

我請過三個工人, 第一個比較差, 之後兩個都算係幾好. 可能我要求低. 你有媽咪幫手睇就更好. 我後來兩個都是從同一間agent請的, 係agent推介的工人, 我覺得這間agent介紹得不錯, 佢會詳細講這工人的長短處, 也提議覺得我會較適合那一個工人, 這點令我更容易找到合適工人.

Venuscheng

教統局已宣佈停課, 唔知小一編班試會怎樣安排呢?

Venuscheng

原帖由 CharKar 於 09-6-24 12:07 發表
已打去學校問過，編班試除消學生不須到學校去，但家長要到學校去參與家長會wor。其實學校會個別通知家長。

我剛打電話到學校, 學校說遲些覆我. 原來會取消編班試. 有家長會的話, 咁明天唔知會否見到面呢?

Venuscheng

原帖由 dickdickmama 於 09-6-25 09:13 發表
HI, 好開心大家有機會認識, 我囝囝讀大圍聖心.
唔知明天會見面嗎????

原來我攪錯左. 好高興認識你. 明天有家長會的話, 我會到. 但見面點認到??

Venuscheng

原帖由 loy211 於 09-6-27 21:16 發表
我個仔說中文數學很多都識(我唔多信),不過英文就......

我個仔咩都唔肯講, 通常這情況就代表佢唔識答.
佢只係講左有題人人都唔識, 佢話得佢一個答對喎! 但我好懷疑係唔係真, 也懷疑老師係唔係佢講咁問. 我想老師不是這樣問的.
我個仔話老師問:「有什麼運動係唔可以日日做?」我個仔答：「游水」佢話得佢一個答啱? 我就唔明游水唔可以日日做的嗎? 我想我個仔攪錯了.

Venuscheng

原帖由 蔚晴 於 09-6-27 23:17 發表
我一聽見漢語拼音已經O哂咀,我自己就一d都唔識,死啦而家好有壓力呀!

我自己識打中文的係倉頡, 前也學了一點九方輸入法. 想不到現在又要開始學埋漢語拼音. 做家長真係很不容易, 我重有兩名子女, 即係話要讀三次書

Venuscheng

原帖由 loy211 於 09-6-29 15:52 發表
Venus:
你有三個小孩?佩服佩服,果然響應特首呼籲.

不是呀! 我有兩個小孩, 咁加埋自己讀書, 咪要讀三次書囉!

Venuscheng

原帖由 PoohBB 於 09-6-30 01:37 發表
考完,我仔說佢全部識哂, 考咩就唔知. 只說老師在黑板寫一句,佢地又跟住寫. 我相信我仔係全部都唔識.

漢語拼音輸入法,我就覺得好似比較冷門,
會唔會學了都用不住? 佢只說在大6 也可用, 但有機會在大6用嗎? 大6 現在 ...

你對自己個仔多點信心吧! 既然佢話識晒, 相信佢都係一個滿有自信的小孩.

我的同事都話漢語拼音係已越來越少人用了. 不過如果學了漢語拼音, 可順便學普通話, 咁都係一件好事.

Venuscheng

原帖由 CharKar 於 09-6-30 11:20 發表
你個仔是否編在105室考，我果個都話係好惡。佢話老師姓湯，係教體育科嘅。惡不一定代表不是好老師，其實我自己也感覺到這位老師認真和嚴肅嘅一面 ...


...

我個仔張label就說編在106室考 (但去到時就去一樓的五號室) 咁係唔係即改了去105室呢? 因為我個仔話老師姓湯喎! 咁佢又無話老師惡.

Venuscheng

原帖由 小寶媽 於 09-6-30 13:03 發表
我仔係2樓10室..佢返黎仲話嘩d同學好叻架
有同學乘數都識...6x6係幾多都識,(k3識乘數？)
有同學識諗英文詩,仲有普通話諗詩..
普通話&英語對答問題同數學
問我點解人地咁叻佢自已就咩都唔識喎....
(唉...鬼咩你學完又送 ...

雖然K3不用學乘數, 不過我個仔都已背晒乘數, 因為佢在學校學珠心算時有學. 如果有心背, 都好快可以背識, 所以不用擔心. 至於你講又英詩, 又普通話詩, 我個仔就無咁大膽了. 更不會用普通話或英文答數學題. 我想可能真的有這樣的學生. 但相信人數唔會好多掛! 我唔想咁快就比咁大壓力自己和小朋友. 這個暑期也沒有打算特別操練我囝囝, 不過我會要佢睇多點書. 希望讓他養成每天閱讀的習慣

Venuscheng

原帖由 CharKar 於 09-6-30 17:10 發表
嘩！原來編班試考了這麼多東西(乘數、英文詩、普通話詩、普通話&英語對答數學問題)，那編班試一定
是用來分精英班，不把這班精英編為一班去教，他們定會覺得上堂很無聊。他們的家長也定會覺得進度會被 ...

雖然學校強調分班試係用來平均不同能力的學生. 但我也覺得分班試應該用來分開那些同學某方面較弱, 須要加強練習, 或叫補底. 如果數學弱的, 就在數學方面幫一幫這些小朋友, 這才是最好.

你又講得有道理喎! 果d咁叻的同學, 唔編埋一班的話, 佢地上堂可能會好無聊喎!

Venuscheng

我不能成功DOWNLOAD個打字遊戲, 你地成功嗎?
不過發現個網址有好多好多其他遊戲玩的.

Venuscheng

原帖由 Venuscheng 於 09-7-1 00:21 發表
我不能成功DOWNLOAD個打字遊戲, 你地成功嗎?
不過發現個網址有好多好多其他遊戲玩的.

咁耐都無人回應我?? 你地係唔係已經成功download個讀打遊戲??

11/7當天唔知要帶幾大個袋呢? 你地又打算會幾點鐘去學校?

Venuscheng

原帖由 lyannwong 於 09-7-3 18:38 發表
Venhscheng:你個小朋友好叻呀,巳識背乘數表!!

好羨慕你哋小朋友咁叻,自從聽完學校講座後,我好檐心我小朋友能否追得上??我巳感覺到來年好辛苦好大壓力(唔係我個仔係我) ...

你可以試下開始幫個仔背乘數表的, 不過其實我個仔都未好好熟, 猶其七和八的乘數, 常常攪錯. 但其實最難相信唔係加減乘除, 而係文字題. 早點學未必代表叻, 可能你囝囝遲D先開始背, 但快一點背熟.  

我個仔英文方面好無自信, 佢常常不知為何會抗拒, 好多時明明識的, 都唔敢答咁樣, 所以我都唔知點幫佢, 覺得學生之間比較係難免的. 我都覺得會有壓力. 但想一想, 第一只有一個, 而最尾的都總會有人的, 唔通排最尾就代表佢唔叻?  讀書的日子還很長呀!  大家一起努力吧!

Venuscheng

原帖由 蔚晴 於 09-7-11 18:36 發表
我囡1D班,有冇人同班呀?另外如果啱啱喺學校同豐昌順買咗校服,記得check嚇張單,因為我買咗之後返屋企對嚇,發覺同學校張報價有d出入,雖然係幾蚊咁上下,但如果打算去換細 d size,可能就相差幾十蚊. ...

我仔也是1D班, 我又係買了校服, 回家發現相差幾蚊, 同佢的報價單不同, 雖然只差幾蚊, 但我打算明天打電話去問問為什麼會同報價單不同.