中學生女仔的白底裙,有冇好介紹 ?

YolandaTam

emmyfok 發表於 19-8-29 14:39
試試瑪莎，質地不錯，而且比較足碼。

Angel 系列幾好，不過平胸比較適合 (我女 Wacoal 少女系列著 80A，Angel 要著 80B)。
如果杯位大 (C 或以上)，瑪莎啲 wire bra 幾年前仲唔錯，呢兩年用料明顯薄咗冇咁韌， support 唔夠, 著起有嗰兩舊肉要冧落嚟嘅感覺， 我試過佢 D 杯，完全唔掂 。得 sports bra 仍保持水準。

YolandaTam

EggBB 發表於 19-8-30 14:25
真係多謝賜教，我都唔識有好多種分別，呢個阿媽真係失敗，我都唔識揀。
...

唔駛客氣
其實好多款少女 bra都好靚，你可以參考網上資料先幫女女度身大概係咩杯位，之後再去專門店試穿，揀到啱為止。
(我經驗係店員度身唔多信得過 唔知係咪因為我杯位大，佢哋先入為主唔信我女平胸，次次揾佢哋幫我女度身都出事，一試起離晒罩 -- 較短帶都唔掂，撥肉又無肉可撥，反而我度個 size 先至啱)

YolandaTam

little_yolky 發表於 19-8-30 20:57
唔好將自己失敗、唔用等等成日掛係嘴邊，會不自覺咁講，年青人唔會覺得你謙虛，會唔聽你講，因為你自己都 ...

講得啱
我諗除咗食玩瞓，應該冇乜嘢係唔駛學就識㗎嘞。
做人阿媽係終身學習嘅......我自己大碼人又算高，我女細碼人又矮我半個頭，咁多年幫佢揀衫全部由頭學起：例如uniqlo 嘅褲闊腳嘅我著親都吊腳，貼腳嘅根本著唔落；我女就要著貼腳，中碼仲要七分當長褲著先啱。
又例如最近呢，佢壓力大爆瘡爛面皮膚又敏感仲成日嗌攰，我㷛土茯苓龜板瘦肉佢飲，佢精神番好多又停咗生瘡。嚟緊佢三年高中，我要學嘅係 -- 㷛湯！

YolandaTam

little_yolky 發表於 19-8-30 21:02
原來店員會睇阿媽size俾個女⋯⋯唔怪得之次次都俾個A cup阿大⋯⋯阿大wacoal都著75B，開頭店員俾個80A佢， ...

咪就係
好多人覺得女似阿媽......其實邊有一定呢？似阿爸唔得咩？自己運動多飲食好發育得好過阿媽都有可能㗎嘛

YolandaTam

little_yolky 發表於 19-8-30 22:05
你果劑土伏苓龜板瘦肉係咪得呢三種材料？阿大又係爆瘡。龜板係咪藥材鋪有得賣？
...

位元堂有湯包㗎， 盛惠七十大元。如果一個人飲㷛到兩次嘅。不過你阿大會唔會成日攰先？同埋啲瘡出邊個位呀？有啲講究㗎喎。
我女就由細到大都濕重，容易過敏同肚瀉。

YolandaTam

little_yolky 發表於 19-8-30 22:07
可能因為我細個時偏食，營養不良阿女們我好俾心機煲木瓜湯佢飲㗎
...

好媽媽

YolandaTam

little_yolky 發表於 19-8-30 22:25
係呀，濕重，成日all肚。瘡集中額頭，鼻兩邊都有D。

有啲複雜喎...暗瘡集中額頭 = 壓力，肝火旺；易肚瀉 = 濕重。如果肝火為主，太去濕驚會燥，或者你俾佢試飲一次先吖。
(如果效果麻麻，可能去濕涼茶會再好啲，不過呢樣我就唔識嘞，可能你要去藥材舖問吓啦！)