劍鳴 VS 火炭樂基 點揀好?

alien_ho

投樂基一票

劍鳴行政好麻麻…

alien_ho

Jean1769 發表於 23-3-12 14:56
點麻麻法？

你唔好諗住有相睇，佢只會印出黎放係學校門口，你睇到就見，睇唔到就無架啦，唔會有網上相簿睇相，你睇佢網頁有個家長login以為有相睇，有最新資訊？

Sorry 係入到去除左無傷大雅既通告，其餘最緊要既，相，通告，甚至校曆表，都唔會係入面搵到！

通告多數都係hard copy .仲要係星期五派手冊，星期一就會收返。

家長日會有上堂張同片比你睇，但千祈唔好拎住個電話入去，如果唔係佢全部一律當你「想」偷拍，大大聲叫你唔好偷拍

每週有週紙，會貼係手冊知道教左乜野，但老師永遠唔會係老師欄度留兩隻字比你，每兩個月評估係嚴重delay,成兩個月後先比張評估報告比你。

老師唔多會打比你，所以如果追求透明度高，家校合作既家長，呢間一定唔會係你首選。

小朋友小病大病都好，一律最小停賽3 天，你3日後返到黎，佢都會先安排小朋友係「觀察室」無堂上渡一陣（甚至但佢覺得你有威脅而全日都被隔離，而個日只係淨玩玩具，唔會有人教你野同上堂）

你打個乞次佢覺得你好有威脅，就會即時隔離小朋友（唔洗上堂架啦），再打比家長叫你係即時接走佢（試過一次見佢講到咁嚴重即時帶左佢去睇醫生，醫生反問我邊個話佢病？根本就無病，然後無啦啦早退一日，再停3 日唔洗返學）

仲有好多制度，唔知諗出黎知個個係乜野年代思維既人。

學課程係深同豐富，小朋友身體健康，係一定會有得著，部分老師係有愛心既，但感受到佢地行政壓力同監控壓力好大，所以令到佢地流失率高。

亦都係因為咁，難怪明明Pn 可以同Lh sc 睇齊，但總係永遠人哋其實人收歡迎咁多人，係不無道理。

如果領導人可以改變自己既思維，其實佢係學術上，環境上，係唔會好差。當然如何你唔care，佢透明度，唔介意佢d 野last minutes , 唔介意佢一張自己指示唔清晰，但玩家長幾回，要你影完到影過張相，咁你可以揀佢