2011-12升小一交流區

維豬豬

原帖由 Phoebe.T 於 11-8-24 12:24 發表
大家好, 我嘅小朋友都係升今年小一

Hi, 你好呀,
多啲上來傾下呀, 我係個超級大頭蝦媽媽, 要各位多啲提點至得既.

維豬豬

原帖由 IJai 於 11-8-25 01:26 發表
hi all
我好興奮
但個仔好似冇乜反應咁
反我高潮-.-

see u all tomorrow
5知會否同班
thx維維媽
你做左我地ge班代表la
^^

Hi :
今日個心情真係超難形容, 有啲興奮、有啲緊張又有啲期待......
好開心呀，今日一切都好順利，只係我坐係何文田廣場間餐廳度兩個鐘非常唔好意思咁啫.
維維係D班呀, 唔知有無同班同學仔呢?

維豬豬

原帖由 IJai 於 11-8-25 12:00 發表

1D arr
anyone else 1D?

真係要立即跑住來相認下先,
再來多個熱情擁吻,
係搭巴士既時候遇到個陳瑞祺家長帶住仔仔,
佢話1D班既唐老師上年係教佢大仔既,
佢話唐老師好"冧"、好好人,
咁就真係超開心囉.

維豬豬

原帖由 IJai 於 11-8-25 19:09 發表

太有緣了維維ma!_!
我一望個1D list
見到最尾一位男生個名我心唸是你仔仔ma?
果然係lor


我仔就ok la
未算太糟糕
又衰吾知why條褲8月頭先買今日著差d扣5到鈕-.-
小小扭計la最後都冇乜野
第時要多多關照呀
:D ...

我都好開心呀, 真係有緣喎, 不過差少少既就係你同我住得唔近, 去你度要搭車囉.
乜你咁心水清仲望下個list, 我就無啦, 因為維維得一個幼稚園同學仔入到陳瑞祺啫, 而我一早都唔記得佢既名囉. 你仔仔既學號係幾多呀? 我有影低份list, 等我同維維講返先.
條褲可以扣唔到鈕咁誇? 你囝囝係肥豬仔嚟呀?維維條褲已經買得好細啦, 但都仲係有少少鬆喎,今日仲見到有小朋友用皮帶添.
講到關照就言之過早啦, 我係出名既大頭蝦, 超級無記性媽媽, 以後係邊個關照邊個都仲未知喎. 不過我日頭可以陪維維既時間會彈性啲, 所以有啲乜野需要我都可以幫到手既.

維豬豬

原帖由 Fannylok 於 11-8-25 23:46 發表
好羨慕你地有個伴呀，我仔仔讀1B，唔知我有無伴呢！我同阿仔都係超級無記性，我今日問佢老師叫什麼名，佢話唔記得lu！我個班主任係鄭老師，唔知點佢點呢？ 不過佢放學話都開心，話間學校超大，起碼無抗拒先！




...

你囝囝讀1B呀, 今日係度等放學時都有同一兩個B班既家長打過招呼, 唔知有無一個係你呢? 我呢啲口水多多既媽媽好鍾意係呢啲場合搞下關係識下朋友既.
維維佢咪又係, 問佢上堂做過啲乜, 佢話唔知,  問佢書包內面張白紙要來做乜, 佢話老師俾佢哋畫圖畫, 咁我話咁點解你乜都無畫既? 佢居然話因為無帶筆喎, 真係俾佢激C, 我係佢書包入面攞個筆袋出來, 問佢明明係尋晚教佢自己執好放入去書包既喎, 咁都可以唔記得? 跟住就係夜晚有兩次將唐老師講咗成胡老師, 我好想投降呀......救命.

維豬豬

原帖由 IJai 於 11-8-25 23:59 發表

+1 fanny XD
我果隻又係問佢老師姓乜
佢話5知
-.-

我果隻衰過你多多聲
夜晚傾計佢眼濕濕
話係課室好耐好擔心
唉救命佢要好耐先熱身
t.t

咁可憐? 你平時有無多啲同佢講下小學既生活? 同埋帶佢行去學校門口睇下入面, 話俾佢聽入面既老師同同學仔都好好人, 又好有禮貌, 你好開心佢可以入到呢間咁好既小學讀書........呢幾招我係暑假成日用既, 所以維維一直好期待小學既生活既. 慢慢來啦, 小朋友好快就可以適應既啦. 得閒帶你囝囝出來同維維熟悉下呀, 多個朋友仔一齊上堂應該無咁驚既.
維維坐係第二排呀, 頭先食飯同我講話唔食肉喎, 咁我咪話你再係咁揀飲擇食, 好快就俾第一排既小朋友追到, 跟住就會將你調上去第一排對住老師上堂囉. 嚇到佢即刻食晒啲肉呀.

維豬豬

原帖由 IJai 於 11-8-26 00:06 發表

就因為你個字係最後最後
所以好易見到
我仔係8號候選佳麗XD
佢好冇用好怕醜ga
但warm up後ok癲
- -"

我見到啦, 鍾小朋友 其實好多男仔都係咁既啦, 以前維維又內向又固執又怕醜又大脾氣又有點自閉唔合群, 我用咗三年幾既時間帶住佢參加咗好多好多小朋友聚會, 謀殺了好多瞓覺既時間, 令到佢改變咗好多呀. 只係教佢叫人就好似用咗兩年既時間, 每次見到朋友我都會不厭其煩咁帶領佢去叫, 一次唔出聲兩次, 兩次唔出聲三次, 再加埋獎勵和讚賞, 今日終於都成功啦. 所以話, 唔使擔心既, 俾多啲時間佢啦. 多啲帶佢同小朋友玩呀, 好有用既.

維豬豬

原帖由 IJai 於 11-8-26 02:11 發表

維維媽我地一日到黑都經過csk
佢表哥仲岩先係csk畢業冇耐
唉佢係咁慢熱到喊
但佢番到學校又ok死死地氣聽老師講-.-

我問佢做過咩etc..
佢一律答"乜都吾知"激瓜
吾知佢坐第幾行
我隻野高度一向係75%tile
吾肥的面尖 ...

第一日返學係個咁陌生既環境下仲未熟悉啫,
校褲粒鈕你試下可唔可以釘開啲.

維豬豬

原帖由 IJai 於 11-8-26 02:18 發表

咦我個仔又係話有胡老師wor
仲有蔡老師!_!
仲話得2個computer要排長龍
0,0

咁就幣啦, 維維開頭話有個唐老師, 仲有個男老師係黃老師, 唔知係咪個傻瓜記錯咗嚟, 但唐老師應該無錯呀, 我記得門口張list都係咁寫既喎. 唔通係我大懞記錯?

維豬豬

原帖由 IJai 於 11-8-26 02:18 發表

咦我個仔又係話有胡老師wor
仲有蔡老師!_!
仲話得2個computer要排長龍
0,0

維維提都無提過有見過computer呢樣野. @_@

維豬豬

原帖由 csk家長jj 於 11-8-26 10:28 發表
明天還要上課嗎？
我仔仔明天會回校探老師 ,唔知會唔會見到你地呢

Hi, 真係估唔到咁有緣俾我見到你喎, 好多謝你既分享呀, 第時有時間都要多啲上來幫我哋解答下問題喎.

維豬豬

原帖由 IJai 於 11-8-26 17:52 發表

我估我仔亂up多
又話尋日有人喊都吾知真定假
今日好好多了適應左小小
仲話今曰吾耐添
其實咪同尋日一樣3個中
-,-

我仲撞到一位新搬入我地大厦ge媽媽
一傾之下原來他兒子又是1D
真太橋la哈哈
^^ ...

咁橋呀, 你哋就好啦, 有個咁近既伴.
尋日太忙都唔得閒上來覆下你家長工作坊既內容添,
尋日同今日既工作坊都係講座,
尋日係講點樣令小朋友既手仔有力啲、寫字寫得靚啲. 今日係講幼稚園同小學既分別, 家長點樣幫小朋友去適應上小學, 如果你都想了解下可以去返學校取返參考資料.

維豬豬

原帖由 IJai 於 11-8-26 17:55 發表

要呀
仲有工作坊
我要番工無得去
但維維媽好似會去的
=]

我今日見到jj呀，等放學時仲要係咁橋坐咗係我旁邊添. 佢有同我哋分享咗啲寶貴既意見，不過唔係太夠時間可以再問多啲囉.
但都好多謝csk家長呀，等我又再了解多啲.

維豬豬

原帖由 csk家長jj 於 11-8-27 17:32 發表

唔好怪我多咀八卦就真
今日執書櫃,原來我仲有keep起當年我仔小一的中文和作文練習,有興趣我fax比你試做呀

請check pm, 麻煩晒.

維豬豬

原帖由 csk家長jj 於 11-8-27 18:31 發表

黃Sir係訓導主任,一般小一生都會怕怕佢 ...不過佢係好nice的

我都有諗係咪嗰位黃sir啦, 係家長工作坊時有介紹過既啦, 呢位阿sir都好好笑容好nice呀, 都唔太似一般訓育主任咁整個古板樣.

維豬豬

原帖由 IJai 於 11-8-27 19:24 發表
哇~維維媽同jj
點解咁勁咁都相遇到
-v-

我3日都有送個仔番學
果時好似好混亂好難相見
maybe next time I try大叫維維媽

係喎, 我都覺得好橋喎, 咁大地方就偏偏俾我遇上咗佢, jj都好似我既性格咁愛幫人, 一坐低就主動咁同我哋呢班新丁介紹學校, 大讚陳瑞祺係一間會令到小朋友好開心既學校. 講講下就講到楊副校長幫佢仔仔選校時俾既寶貴意見, 咁我咪即時諗到係jj囉, 亦都係多得我成日都蒲係呢版度不停咁八掛周圍裝啫.
我呢兩日都有同維維講叫佢留意下見唔見到8號仔同學, 叫佢望下佢隔離位會唔會係8號仔, 不過條友仔都係一舊雲咁話搵唔到囉.
開學後維維會搭校車囉, 你千祈唔好係學校門口大叫呀, 咪一陣人哋當做有傻婆發現案既.

維豬豬

原帖由 IJai 於 11-8-27 19:26 發表

我隻野好似吾驚佢wor
成日提住wong sir
XD

係因為黃sir仲未發功啫.

維豬豬

原帖由 csk家長jj 於 11-8-27 21:20 發表

緣份
我11:30am才回校,偏偏坐喺維維媽旁邊

其實仲要加埋我愛打聽既性格, 隔離講緊野我隻耳仔都伸到過去啦.
無計啦, 聽到有人講緊間學校喎, 凡係關於囝囝既野我都會有自動天綫收發系統既.

維豬豬

原帖由 meimeicat 於 11-8-27 23:14 發表
Hi hi~ 好耐無上黎啦, 報到下先~ 我個女都係1D呀, 呢度好多同學仔喎~
三日適應班話咁快就完左嘞, 都好順利, 起碼阿女無抗拒先啦 , 佢而家最擔心都係到時食飯, 因為佢唔食肉架, 好驚到時會有老師迫佢食囉,  ...

hi meimeicat:
你呢三日有無來到學校呀? 唔知我有無見過你呢? 我呢幾日都好留意小朋友掛係心口既百搭通套既顏色, 一見到我哋D班既綠色, 我都會走埋去打返個招呼既喎, 唔知有無人覺得我成個傻婆咁呢?
女仔多數都唔鐘意食肉, 一樣維維咪又係唔鐘食菜, 我就好期待等佢返到小學俾老師治下佢囉. 呢幾日問起維維鍾意幼稚園定係小學, 佢話鍾意小學喎, 希望佢一路都係咁啦, 不過等遲下又要 默書又要考試我諗都好難會保持得住啦.

維豬豬

原帖由 IJai 於 11-8-28 01:13 發表
hi meimeicat你女女又是1D wow!
成日見一個好高大咩住粉紅書包是你女ma?
女仔果然有文路d
我個隻連唐老師都up5出
-.-

同意3日適應ok
冇太大抗拒
我果隻又係擔心比人迫佢食野
佢好煩5好味5肯食的
@@ ...

你哋係咪都係學校訂飯?