本帖最後由 傻太 於 14-1-3 17:42 編輯
曾經在這裡為樓主加油, 現在也希望能在這裡叫自己加油
很少在這版發言, 因我家傻仔過埋農曆年才5歲, 未夠秤做IQ Test.
我研究左佢兩年幾, 如無意外佢應該係阿氏寶寶.
做緊小三數學workbook, 中英文字未算過目不忘, 但都可以自己睇書, 講野麻麻…不懂事, 無乜同理心, 成日撞聾(check過耳仔正常), 鍾意跑跑跳跳, 人迫人, 拎滕條出黎未打落佢身都仲係笑騎騎…
我無因為懷疑佢係阿氏而寵佢, 但我了解佢, 好多時佢未必識表達但我明佢點解咁做, 我會解釋佢聽.
數3聲唔聽我就會丙佢, 但有時望番其他小朋友, 其實有病無病都係咁, 我又會有d覺得自己太苛刻
最令我傷心的是佢老豆, 自己唔去了解就咩都怪左個仔先, 叫一聲唔聽就凶就打, 咁當初唔應該生仔, 養隻狗算喇 ; 動物園d大笨象都係日日俾人丙先有咁既表現, 你要個仔係咁咩??; 話個仔激到佢咁, 佢好憎個仔, 幾十歲人同個5歲靚仔計較 , 我叫佢真係要週圍同人講... 唔係有事時都有同佢講過個仔應該係阿氏(我擔心佢將來受欺凌), 我無要求佢去了解, 或者未確診我自己都唔想label佢, 但佢一句係”我唔需要去了解” mouth:" />……學術出色時, 游到自由式&背泳25m時就放上網, 以為為自己沾光, 但到個仔令自己尷尬時, 就發哂火; 呢個世界邊有買魚腩唔搭魚頭?? 因為佢唔了解個仔, 我會理個仔多d, 佢對住細女 - 一個趺入凡間的天使: 懂事, 聽話, 乖巧, 嬌嗲 …佢愈承受唔到個仔, 我地既磨擦就愈來愈多… 但又怨個女無哥哥學野咁快, 兩歲半仲未識1+1=2…mouth:" />(細女已經係歲半識顏色, 英文字/數字, 兩歲零踩3輪車; 不過哥哥果時已踩四輪車) 相識到現在, 每次嬲過就算了, 從沒有要佢tum過, 因我珍惜每一段關係, 我珍惜這個家…會因為一個資優阿氏傻仔令個家裂開嗎??
我應該會這幾個月捉個仔去評估, 由專家同佢老豆傾下, 希望會好d… | 
發表於 13-5-29 09:16
