SC vs KV - English level

racoy

原帖由 jeremyphlam 於 09-12-7 14:07 發表


我諗都要好睇個細路，可能我唔好彩，身邊的SC學生（朋友和係出面英文班）的英文水平真的全不突出，梗加唔好講乜乜"accent"。

想提樓主一句，英文街外大把補習班，中數就.....

KV的讀和寫絕對不差，K3重要背英詩添。不過如果堅持 ...

你既小朋友讀KV, 就不停hard sell KV 踩SC, 見你好多posts都係咁, 真係好無聊, SC小朋友英文唔突出? 咁可以話你冇錯, 你真係好唔好彩, 好既你遇唔到

Accent要細細個先易pick up, 大左就超難學. 你唔重視口音又真係另計. Accent重唔重要? 對我尼講十分重要, 口音正確人地易聽得明, 順耳 日後出國留學又好, 工作需要, 社交需要都好, 口音好一定著數d. 個人自信心都大D

口音, 作為土生土長香港人, 想教都有心無力. 但講到中數, 你唔會話你幼稚園中數都教唔掂掛

racoy

原帖由 jeremyphlam 於 09-12-8 13:40 發表


唔夠人講又話人地hard sell？又話人無聊，唔該有d水準啦。

大家文明人係講道理的，你絕對可以用理據回應。

你淨係識講口音，麻煩閣下思想吓，小朋友每日返三個小時學，NET一個面對一群小朋友，我俾你叻到會和老師對 ...

幾時唔夠你講? 之前有同你爭論過? 冇爭論何來唔夠你講? 你既logic都幾奇特.

閣下又有何有水平既理據? 講尼講去咪就係講出面英文好多補習班, 中數就好少, 所以結論就係讀SC好蝕底,因為中數冇辦法追得上. 而讀kv就頂瓜瓜啦, 因為出面好多英文補習班, 唔掂補到掂, 所以結論就係讀kv, 中英數都咁掂

照你咁講, d人讀中中咪好著數好叻囉. d英中咪冇人讀囉? 實情又係唔係咁呀? any comment?


學語言當然接觸愈多愈好, 尼d同話阿媽係女人冇分別吧, 有NET同冇NET, 會冇分別嗎? 唔通咁多家長都係傻既咩?
你話3個鐘唔夠, 所以結論係係sc讀英文唔會好, 咁你仔仔讀KV, 都係得3個鐘, 咁我可唔可以以你既logic apply落去, 話佢中數都唔會學得好? 好多野都係要係屋企加強, 屋企幫忙學習嫁啦, 英文係, 中數都係.

你個仔英文ok, 有幾ok我唔知, 因為你係以你既標準尼定. 不過, 肯定既係, 大家對英文既要求唔同, 我唔會否定你既標準, 如果你認為港式口音係acceptable既話,fine, 特首都係講英文都係港式發音, 但你都唔應該否定SC教出尼學生既英文水準, 就憑你所謂接觸過果幾位sc學生? 之前有人做過survey, 有時間去睇睇 http://forum.edu-kingdom.com/viewthread.php?tid=1237179

利益申報: 我女SC, KV 同 LH都收左, 仲要決定邊間

[ 本帖最後由 racoy 於 09-12-8 14:39 編輯 ]

racoy

原帖由 jeremyphlam 於 09-12-8 14:43 發表
講咁耐原來有報KV，我以為你睇"accent"真係睇得咁重添！

失覺晒，你啱、你啱！

有咩問題? 我從來冇講過半句KV壞話, 從來冇話KV唔好. 大家各有千秋, 睇你點取捨 唔需要踩人台自己