能給我寶貴意見嗎 - 校車車程太長

yinbb

我囝囝搭5號車, 由畢架山出發, 到慈雲山上車係7:23, 唔知幾點返到學校, 應該冇遲到. 回程5:05. (因為要等到4:10先上車)
我之前响佢地特定既位置上車 (填form曾要求响屋企落下上車, 唔批准)要步行5分鐘, 仲要7:15上車, 用多左時間, 過左幾日後, 我老公揸車跟蹤校車行走路綫, 發現佢地响我屋企樓下經過, 我即刻打比保母問有冇得改, 佢話唔到事, 改唔到. 第二日我直接問司機, 可唔可以轉上車點. 司機話ok冇問題. 我覺話事權响司機到, 你地可以試下問, 睇下幫唔幫到件事囉.

yinbb

咁你小朋友咪同我一架車?但係我問車公司時佢話kln bay 係最後一個站. 你個保母係咪麗姨?

原帖由 bignose 於 08-9-17 12:11 發表
yinbb & MET
我係怡心園上車(#5)
總共有5位小朋友
8點準時一定到我地度
一定唔會遲到

yinbb

原來大家係同車, 但係佢地真係好唔老實, 又話kln bay 係尾站, 唔怪得我同老公跟唔到佢尾啦, 咁兜發.

不過8點去到怡心園, 都算快.

原帖由 bignose 於 08-9-17 17:08 發表
yinbb
係麗姨呀

yinbb

MET,

其實响呢段時間, 我地都唔知可以做到d乜. 投訴完學校, 但係都冇佢地付. 除非揾到另一間校車公司, 但係機會好微, 都巳經開晒學. 同埋出面係咪有咁多校車比我地選擇, 好多校車公司巳經同其他學校合作開, 唔會接新order. 同埋我地學校此終人數少, 要過多幾年先有p.6, 到時先有議價能力. 我係咪諗得好灰呢?

而家有學校校車搭, 可能巳經算幾好, 我開學時見到有個學生搭街車(黃色好細架個d), 車入面仲有好多人, 仲要未停定, 就打開車門捉個細路落車, 叫佢快d行之後連尾音都未講完就即閂門開車. 大佬, 個細路仲傻下傻下企响到, 都唔知咩事, 係我叫佢先識得行入學校. 你話咁樣係咪仲慘

原帖由 M.E.T. 於 08-9-17 21:06 發表
Thanks YSL

mumwong,
你覺得去信有效嗎? 佢地每個星期五(話)會開會, 校長都是坐上客, 但都沒有能力要求校巴公司公開所有路線圖(它說給不到就作罷), 我問左校方三個星期但都是說: 他們會跟進. 唉.......... 如果你去 ...

yinbb

M.E.T

我仔仔响慈雲山上車, 佢話返學時冇調位, 但係放學就要. 回程坐响司機旁果張長冇安全帶既櫈, 有小朋友落車就換返正常位. 座佢隔離既男仔係2E.

我真係好嬲, 點可以攞d小朋友"較飛", 有咩事咁點算!我地比足錢佢地架!又冇要佢收平d, 唔該比番d質素我地睇下得唔得!我唔會怪學校, 因為佢地跟本唔知道. 我會直接打比校車公司問個明白!

yinbb

sorry, 阿仔講d唔講, 有d野要更正番.

1. 上下午都係要換位, 响入隧道時就要換!

2. 麗姨會坐第一行(同兩個小朋友一齊

原帖由 yinbb 於 08-9-23 21:00 發表
M.E.T

我仔仔响慈雲山上車, 佢話返學時冇調位, 但係放學就要. 回程坐响司機旁果張長冇安全帶既櫈, 有小朋友落車就換返正常位. 座佢隔離既男仔係2E.

我真係好嬲, 點可以攞d小朋友"較飛", 有咩事咁點算!我地比足錢 ...

yinbb

M.E.T.

我今日會打比學校, 同班住任講會唔會好D呢?

Y.S.L

請問边個係ms. wong ?校車既事係咪一定要同佢講?

唔該.

yinbb

各位,

我今日打左比ms. wong, 佢話前幾日巳知此事. 本來佢地plan左喱兩日去視察一下, 咁啱打風, 所以今日先會去睇, 佢仲問我有冇同校車公司講過, 我話未, 佢話唔使, 星期五會同佢地反映. 可能佢怕打草驚蛇, 所以叫我唔好問校車公司掛!

yinbb

M.E.T

佢仲未覆, 我今日會打去問下.

yinbb

各位, 我今日打左比Ms. wong, 佢話#5車由今日起會減少一個學生, 另外一個會坐第一行既3人位, 即4個人坐3個位, 佢話法例準唔高過1.3米就可以 share 位, 所以唔會再有人坐個兩個"高危"位. 佢仲叫我到時問阿仔係咪咁, 再話番比佢知.