2010/2011 鑽石山靈糧堂vs馬鞍山合一堂?

大舊飯團

我阿女讀緊合一堂N班, 果度D老師真係好好, 我阿女都好中意學校每個老師, 老師對學生好有愛心, 就算唔係教阿女果班D老師, 都可以叫得出我阿女個名~!!

學校賣點係品格教育, 每個月都有一個品格主題, 好似 "井然有序, 守時, 專注, 盡責, 忍耐, 感恩, 自己的事自己做!! 我真係覺得阿女讀呢間學校之後, 變得更加獨立, 有禮~!!

但比較其他學校, 我感覺到合一堂課程比較淺, 阿女讀左一年, 數目字教到3, 顏色就教左 紅, 黃, 藍, 綠, 形狀教左 圓形, 方形, 三角形, 其他概念就教左 相同, 大小, 多少. 其實呢D阿女一早都已經識, 感覺似溫習多過學習~!!

而係英文堂方面, 好似只有一位印巴籍的英文老師, 我唔係好知一個禮拜有幾堂英文堂呢~?

選擇呢間學校, 著眼點一定唔係學術方面架啦, 我覺得呢D野屋企自己都可以教到, 或者大個小小其實再學都未遲, 但品格方面就要從小學習, 養成習慣, 對小朋友黎講受用終身~!!

以上純屬個人意見~!!

[ 本帖最後由 大舊飯團 於 10-5-27 22:41 編輯 ]

大舊飯團

補充 :

每個禮拜都有爸爸媽媽加油站, 配合學校品格主題, 會有講座, 我去過兩次, 聽完後, 返到屋企同阿女多左個話題, 學識佢地學緊嘅金句同手勢, 幾有趣~!! 可惜平時要返公, 唔可以經常參加~!!