真係好唔開心........

owl_2046

其實無須要隱瞞, 果個係自己媽咪, 連自己媽咪你都唔想比佢知, 可想而知你有幾咁大壓力.

我仔都4歲多, 當知道亞仔係special時自己都好痛苦, 但我娘家及夫家都好支持及體諒, 我姊弟妹更加開解我又為我搵資料, 佢地比我既支持真係令我感動. 奶奶叫我唔使喊, 要正面面對.

家人支持好緊要, 加上而家有好全面訓練, 亞仔入協康後都進步好多, 我地囝囝重細, 有好多空間進步, 當然我地亦要將當初對佢既期望重新調整, 學識唔好同人比較, 比較只會令自己辛苦.

至於"射厘眼"我仔間中都有, 好似無焦點, 睇過眼科話係"假斜視" 另外我仔近來都鐘意"玩眼" 成日迫我同佢面貼面一齊玩添, 雖然係唔好, 但佢主動搵我玩我都會同佢玩下.

囝囡係自己生, 如果我地做父母都嫌棄, 咁其他人又點會接受呢.

[ 本帖最後由 owl_2046 於 10-5-23 16:01 編輯 ]