麗港城迦南09-10 n1朋友仔報到啦!

trina_choi

11月15日in. 12月6日收到信,我個仔都收左am班吖!已留位,但都等睇埋花園浸信會in.後再決定讀邊間...我仔仔0705架,咁你bb呢!

原帖由 KLCHO 於 08-12-9 18:10 發表
麗港城迦南08-09 n1朋友仔快o的入黎啦!

好開心呀! 收左 am 班，已留左位。
但都等緊樂基 5/1 通知

多多指教

trina_choi

係吖!咁你1月幾號in吖!我仔仔1月17日11點幾呀!

trina_choi

嗯!我朋友架細佬以前喺花園浸信會讀過,佢話環境同老師都好好,我見BK內都有唔少家長話呢間學校好,剛好又喺我公司對面,所以咪報左先囉!

到時人地IN.我仔時,我再留意佢地比我架感覺,再決定,我仔依家雖然識講少少好簡單架詞彙,但話晒對住老師時間重多過我喎!到時MISS無耐性咁教,個仔又唔反映過我知,對佢地架影響都幾大架...所以都係喺IN.時小心留意下啦!

康盛比華利都收左我仔,我都交左留位費,但IN.迦南後,你先會知道人地有咩問題,好似我仔喺IN.比華利時唔多合作架,老師問佢野,佢鍾意就答唔鍾意就唔理人,而"比"架MISS都唔會引導仔仔,只係由佢去周圍玩玩具(IN.時,有二張長枱放满玩具,小朋友又點得閒理MISS問咩吖!...呢個位,我都覺得佢地安排得有問題)重有就係IN.完後,我仔玩到唔肯走,我拖佢都唔肯走,結果MISS話交比佢,我重以為佢會點引導佢听指令,結果原來就只係唔理佢反抗,係咁拖佢出課室...我仔比佢攪到CRY得好勁,結果無一位MISS去理佢.最後要我引導個仔,教佢IN.完要走,輪到下位小朋友架啦!氹佢去第二間課玩,佢先收聲咋...

迦南佢架安排我暫時覺得幾好,起碼有MISS介紹學校來年到N1,K!,K2會教D咩,到時小朋友帶功課書本番屋企,家長可以點配合,都有大約講解,然後重帶我地參觀校舍...IN.迦南時,我仔真係好合作,只係有時唔肯即時答,但MISS都好有耐性用唔同方法引發佢地回答問題,我仔百厭到去攞架上架玩具玩,MISS好NICE咁話比佢玩陣,走時重引領仔仔同MISS一齊去將D玩具歸位,仔仔係好開心咁走入去IN.好開心咁同MISS揮手之後先走吖...感覺好得,所以一收到信,即時過數留位先.

到睇下花園浸信會IN.後感覺點,OK架話就交左錢後慢慢作決定,唔係就一定讀迦南...

原帖由 KLCHO 於 08-12-10 09:49 發表
我都係11月15日in. 但12月8日至收到信,你地都等緊花園浸信會in.比較迦南,花園浸信會係味好好架,
我仔仔係0702架...
其實翠茵都收左呀仔,但係好似無咩人話翠茵好唔好...
所以留左迦南先囉. ...

[ 本帖最後由 trina_choi 於 08-12-10 13:42 編輯 ]

trina_choi

07~08年資料顯示
幼兒班  4  班  114人
師生比例1:7-8

但今年和明年,書上無講,所以都唔知係同07~08有無差別好大囉!

咁你囡囡收左上午定下午CLASS吖!

原帖由 萱萱娃娃 於 08-12-10 11:19 發表
我想問下你哋知唔知佢哋出年的班, 一班有多少個學生, 師生比例又如何?

[ 本帖最後由 trina_choi 於 08-12-11 00:28 編輯 ]

trina_choi

哈哈哈...咁大個秘密都比你知道左...係吖!我住坑口呢邊架...

原帖由 308 於 08-12-23 23:30 發表
我今日都收到信啦, 收咗阿仔 am 班, 好開心都會留位. 係呢想問吓註冊嗰日會有咩做呢? 因為嗰日我未必出席到,可能要老公去.

喺呢trina_choi 同 KLCHO 你哋係咪住TKO? 因為你哋揀其他 Choice 都係 TKO 的. 我都係住TK ...

trina_choi

吓...咩要等咁耐先知架...咁都真係好唔方便吖!

原帖由 萱萱娃娃 於 08-12-11 09:12 發表
我囡囡只係後備生渣, 要等到5月先知有冇位, 好煩!!

trina_choi

唔會啦!我會每朝自己湊佢返學,因為平時都要返工,相處時間都唔多 (都係靠周六日),所以想爭取多d見面時間,再加上我公司今年三月會搬,應該會搬到觀塘,到時送完個仔返學,再慢慢行路返公司都重得...加上我仔讀時都係得二yrs4mtns,咁細要佢自己坐校車,絶對唔放心呢!

咁你呢!

原帖由 308 於 08-12-24 23:09 發表


Hi trina_choi,
我住將軍澳o架, 你小朋友會否坐校車呀?

trina_choi

Hello 308,

但上次註冊時,佢好似話第二次係五月架喎!我果時重同同事講,攪咩要等咁耐啫...不過學校又無再講明,反正佢話差唔多五月度會有信寄比我地架喎!

我重會等明天花園浸信會面試後再決定.

原帖由 308 於 09-1-15 23:57 發表


Hi trina_choi,

我都唔會俾仔仔搭校車 Lu, 因為我老公可以送完阿仔返學, 有車到佢公司, 所以佢好樂意送阿仔返學, 而放學就由婆婆接回家.

係呢你知唔知第二次註冊是幾時呢? 我只知係四月份左右.

你仲會考慮哪一 ...

trina_choi

我仔係五月架,其實你BB可以今年入紙IN. K班做細仔啦!如果我仔係年尾,我就無諗住比佢讀PN啦! (BTW呢個係我個人諗法啫!)

原帖由 bcw 於 09-1-13 14:32 發表
請問妳們的BB什麽月份出世，我個係11月，迦南話要到時插斑，in都無得in

trina_choi

我準備明天交退學信比迦南,但我听到呢間架野,大多數都係正面架,我諗應該讀得過架,我resign,係因為當初諗住攞花紅黎比佢讀n1,但好衰唔衰撞正依家咁架經濟,結果公司大cut bonus,無計,係覺得好可惜,但諗落諗落又無理由讀個n班就用上咁多,所以最後決定比個仔讀浸信會,因為呢間人地架評語都幾好,比個仔讀全日都無迦南上午班咁貴...希望浸信會如听番黎啦!我都幾怕自己後悔吖...