我想多口講幾句個人感受,呢件係發生喺08年,當時我仔想報n班,果時去到,感覺就有d亂,然後到我仔in時,我仔極不合作,老師問佢東,佢就去做西,一係好馬虎咁做比老師就算,但因為實在太多野玩,所以in都唔舒得走,為免影响人,我就拖個仔出去,點知個位in架老師同我講,等我黎,當時覺得老師好型,以為佢教開,應該識點引導佢,點知,佢一樣咁硬拖我仔走,我同老公喺後面,真係睇到o晒嘴,心諗,你咪又係不停拉佢出去,咁洗咩你黎吖!攪到我仔cry到暈,出左課室,d老師見到當無見到,無人理下.當時我同老公都諗住,呢次衰緊.但點知都收佢,本黎我就唔多想讀,因為in時個感覺,真係覺得唔係幾得.但老公怕後面果d,個仔都係咁表現,所以係都要我交定錢先(因為呢間係第一間in.架學校),到去交留位費時,真係自己攞黎衰,覺得自己攞錢倒海咁.點解,咪就係交錢後,果位miss去印收據時比我睇到d不知所謂架事囉!當時真係好想問,可唔可以攞番d錢,我依家就算無學校收,都唔會交個仔比你地架啦!
交完錢,我見到有位小朋友,我諗依佢個高度,應該只係k1架啫,佢好乖咁幫miss抬堆簿定唔知功課或者書吧!老師其實理應讚佢先啱,點知,果位老師不但沒讚,重要對住隔離果位miss (我估佢應該係校長吧!) 講,笑小朋友動作慢,個勢似鴨,當時我睇完,都覺係小事,但問題咁小事,就比我睇出佢地一d愛心都無,重要好假,我睇完,呆左,跟住收錢果位miss攞收據比我時,呢二位先知有外人喺度,可能因為我矮吧!佢地又坐喺度,加上二位都掛住喺度笑,所以無留意到有外人,點知一抬頭見到我,個疑校長果位即好假咁攬住個小朋友讚乖,然後叫佢入番課室,跟住二個即時低頭扮做野,當時我真係好想問佢攞番錢,依家張收據重喺我度,我重keep住,返到屋企,即同我老公講,佢話唔會掛咁架師長都有架,真係交個仔比佢,都比佢教到無品啦!後來我地傾好,就算後面in.架間間都唔收,我都唔會比個仔讀呢間.
後來有次同以前做pt架補習社同事傾開,佢先講話,呢間學校唔係太好,成日轉老師,跟住話佢識架一位朋友喺入面教,佢話果個朋友教書無heat同無耐性(因為佢以前都同一間中心做補習老師,因為佢咁,比中心fire左),我都見過呢位老師,不過唔識佢,亦唔多清楚佢為人,所以呢則,只係純听,無實在証據.
但因我眼睇到咁,再加人地口咁講,有d吻合,所以都幾庆幸無比個仔入呢間...
原帖由 榛子果仁 於 10-5-13 09:28 發表 
各位媽媽,
急問, 因為我囡囡是將會8月入讀歲半班的媽媽, 但正想交學費之時, 我看到一個朋友轉寄給我的有關學校歲半班的webpage如下, 我的心情立即跌入了谷底. 想問問, 你們讀過歲半班或N.1的, 內情是不是如此? 我 ... |
發表於 10-5-23 02:16