就快崩潰了...

someoneelse

樓主，
呢度好多過來人...得閒上黎傾下呻下喇，好快就會再有力量，重新出發架喇！
要知道一般情況下，好多另一半 (尤其係男人)都唔係太熱心於解決孩子既問題...有特殊需要的更甚，因為一來怕面對或接受不了 (自己的“產品”有問題喎)，二來不知從何入手 (又唔可以俾人知)，三來孩子的確十分難攪...種種情況下，逃避或拒絕接受便變成他們的唯一出路....
我地明白事理既當然知道咁係唔啱架喇...但係男人係世界上最現實既動物，睇唔到結果既野，佢地一定唔會做呢....
唔好問點解一定要由媽咪擔起呢個不可能的任務...追究一點意思都無...倒不如慳番啖氣，同孩子一起重新學習好了！
基本上我自己亦是一個例子...由老公得知囝囝有問題時，佢只係用左幾日時間上網搜查資料，及陪我地去搵第二個醫生攞意見後，就無再幫手了...亦沒有在生活上加強對囝囝的互動 (根本唔太理睬囝囝)...之後既一切一切都係我自己安排...直到有一天，佢發現我原來用左大量金錢去幫囝囝時，佢接受唔到，更曾揚言寧願囝囝一世自閉，也不想自己老來無錢傍身 (佢當時工作方面好唔順意)...我係家庭主婦，無搵錢能力，所以當時我唯有硬食...幸好，囝囝一直有進步，總算不柱我的“含辛茹苦”(一笑)...
依家，囝囝基本上跟常人無異...老公好喜歡同囝囝玩...更常常同我講好彩當年不斷給訓練予囝囝...我當然有引用他當年傷我心的說話反串他，但有用嗎？！
孩子是我們的，如果還在計較誰應對孩子好一點的話，我地根本不配做人父母...爸爸暫時唔識諗，但媽媽千祈不要因此而賭氣呀！有媽媽的愛孕育的孩子是最幸福的...所以媽媽你要加油！