天氣開始凉了，你們會堅持讓孩子繼續游水嗎？

someoneelse

冬天游室內暖水池，其實係天氣越凍，水就越暖，因為係相對既問題 (最尷尬係10月)...當然，泳池既設計都要留意，因為有些係密封的(無冷風入到)，但有些係好開揚下的(甚至有開風機)...無論咩情況，小朋友上水一定要儘快包大毛巾暖身，而且要即飲熱水...之後當然係沖一個熱水涼喇(最重要係後腦位置)...除非小朋友一向體弱多病或有氣管問題，否則冬天游水係okay 的 (我認識有些更是游室外無暖水的泳池)！

至於買保暖衣，越貼身越保暖，因為無空間俾水接觸到皮膚，情況如同使用保鮮紙包身一樣 (如果鬆身的便失去保暖意義了，我囝以前著保暖衣係當游完除保暖衣時，個身係乾的)！質地不用太厚，因為厚身著完成個機械人咁，點郁身郁腳游水呀？！我以前係去佐敦志和街 (女拔後面)買的，有兩間潛水用品公司...售貨員好好人，又可以試穿，有時間可以去問一下攞意見！

不過如果小朋友已經學到咁上下，就唔使著保暖衣了，因為不停游會發熱的 (所以暖水池的水是不可以太暖的，因為當人不停游身體發熱時，水太暖的話人便散不到熱呢)！

someoneelse

我囝以前試過很多種類/牌子/款式，so far 我覺得NYC牌子既『抓毛材料』最好，貪佢夠軟身及貼身，因為軟身便不妨礙提手做動作 (不需因著了保暖衣而要多花氣力才做到correct既動作)；而貼身就形成保鮮紙作用將水份隔離身體...所以大家購買時要試穿，最好買平時衣服細一個碼，務求保暖衣要緊貼身軀部份！

剛搵到志和街其中一間既網址：
http://www.posc.com.hk/rush_guard_product.html
PS: 一般情況下姐姐可提供8折的 (要自己開口問)

我囝已習泳兩年，由可以一直不停游開始，我就無比保暖衣佢著喇 (其實佢亦覺不需要)...如池水有29-30度的話 (真要 depend on 唔同泳池既安排了)，基本上只需注意上水後既護理，便 okay了 ！如孩子屬有肉地的話，因皮下脂肪厚既關係，更不用擔心呢 ！

預備：
1. 超大毛巾上水時包身
2. 飲熱水
3. 沖熱水涼
4. 儘量擦乾頭髮 (或找吹手機吹乾頭髮)
5. 穿比平時多的衣服！

最後最後，響冬天或無太陽的日子，記住我地大人一直在忙，一定覺得好熱的，但小朋友剛游完水，身體狀況同我地唔同，所以沖完涼後，一定要讓孩子穿比平時多的衣服才好離開...到一段時間後，如發現孩子手腳暖和了才調整回適當的衣服量吧！

someoneelse

除非池水反常，否則，一般情況下唔使著喇...不停游唔會好凍的...只需注意上水後的處理便可！

btw, 我其實好反對響室內著防曬衣的，一件咁既泳衣，響室內什麼作用也沒有...既不暖身又不擋風...相反，更令孩子容易著涼，因為人身體正常情況下係跣水的..水向下流時，孩子無論上水後或只站於水中，身體表面的水份會逐漸離開身體，但因為著左防曬衣，身體無故地被一層濕漉漉的“膠面”貼住，無可奈何地繼續同凍水共存..試想一有風吹過，濕衣+濕身，孩子想唔覺凍都幾難！而且上水後，如想即時用毛巾包身，亦只包到件濕衣，孩子身體丁點兒沒被擦乾過....