接近 6歲，返 CAC 做評估後既少少分享....

someoneelse

囝囝早幾日返左去做評估...詳情我唔寫出黎喇，但如果各位有問題想問，我有時間既話一定會答覆！

其中有一點想同大家分享...

背景：囝囝參加好多不同種類的課外活動，全部都係囝囝鍾意而自己提出要學的，每次上堂都算開心，但對要求俾心機去做好些就不想給力，好多時要威迫利誘下先做回水平

心理學家意見：A 仔因腦部問題，不能對事堅持

做亞媽既我：吓，係咁既咩？！(心諗依家唔係個個細路都係咁架咩？)

someoneelse

『專注力不足』....都可以咁講，一般人叫心散，但咩程度下先要食藥呀？
返精神科，一直都有架喇，半年一次嘛...
PS: 囝囝返普通學校無課堂學習問題...

原帖由 autunmbb 於 11-8-19 21:55 發表



咁係唔係「專注力不足」？要唔要返精神科跟進同食藥？

someoneelse

事實的確如此！
不過我對專注力不足唔熟悉，如果有過來人可以分享下就好喇....究竟用咩測試呢？到咩程度先叫有問題呢？

原帖由 pocoyo123 於 11-8-19 22:26 發表
我覺得又唔係佢講咁啦, 而家呢代細佬, 個個三分鐘熱度, 只要遇到困難, 就會立即放棄, 父母又担心佢辛苦, 轉頭又比錢佢學過其他, 我朋友中大把呢D人, 根本A唔A無分別 ...

someoneelse

等我留意下先！Thank you!!
令郎係當時因做唔到某個 task 10分鐘 or 係根據你所講既生活細節而被評專注力不足呢？
總覺得好兒戲~~~~

原帖由 pocoyo123 於 11-8-19 23:04 發表
小兒評估結果也有專注力不足, 當時心理學家解釋話: 小兒不能自己一個人專注做一個指令維持10分鐘, (打機&玩玩具不計), 大約係咁

someoneelse

哈哈哈哈哈 (sorry, 原諒我既無禮！)......
我同你一樣感受....我地大大話話都跟左幾年訓練，所知既野一定唔少得過果班心理學家s .....比佢地更優勝既係我地睇自己個細路係全天候既，並唔係做果兩個鐘野就可以反映得哂事實既全部！
Anyway, 講返專注力，當日心理學家話我囝好多郁動、pat pat 成日唔響位、有時做做下野會提出另外意見 (例如人地要佢砌狗仔，佢會問砌貓仔好唔好)，不過如果心理學家再重申一次，我囝就會照做 (唔發脾氣)！
想問：如果孩子乖乖的一條直路咁做 10分鐘，d 心理學家又會唔會話 A仔先會咁機械式呢？！

原帖由 pocoyo123 於 11-8-19 23:50 發表
佢係有野比佢做, 例如: 講故事, 做手工, 持續對話, 跟指令做特定動作, 佢話有些小朋友最差可能30秒專注力都無, 就可能要食藥, 咁佢話小兒係輕微, 因佢不會中途離坐, 不會情緒失控, 只係多野講, 經常話唔想做.
不過,  ...

someoneelse

各位，老實講，其實我好嬲下呀！
嬲唔係因為主人翁係我個囝...我囝讀私校，係咩政府資源都唔會有果一類...我當然唔會 care 佢地既“專業評估”喇，反正學校方面從無投訴，囝囝又跟得上...況且我係全職媽咪，大把時間睇到囝囝，究竟同其他同齡既細路有無分別...但其他家長/小朋友唔係呀嘛，好多父母都好著緊佢地評出黎既結果同意見呢！
一直我都同佢地拗數....佢地成日講舊時點點點，大佬呀，細時有問題，依家無問題就係囉，點解明明依家無問題都係問題呢？！
呢兩年兩次既評估，佢地成日講我囝 high function...係 high 到可以令到自己睇落唔似自閉症喎...一個未夠6歲既小朋友 (對上一次評估時未夠4歲)，點 high function 到人地睇唔出呀？如果真係睇唔出囉，咁即係無問題喇！自閉症既斷症係靠行為架嘛！
真係.....

someoneelse

你醒！我去係因為老公話放暑假去下無所謂...

原帖由 麻煩 於 11-8-20 22:44 發表
非常同意! 先入為主，無論個小朋友做成點，最後一定話有問題! 我連小一入學前評估都冇去做，已經跟左自己小朋友幾年，佢係點自己最清楚! 各方面一向不是很好但問題不大，智能肯定冇問題亦不是很固執，評估完又如何? 再俾一個自閉 ...

someoneelse

去唔去評估好多時都係睇家長覺得孩子以後還需要政府服務與否...如果咩都唔需要 (例如讀私校及一向無任何津貼等)，去同唔去都唔影響什麼，當然如果家長想知孩子響班“專家”眼中近況如何，一去是無妨的....
提議讀咩學校亦只是一個提議，家長如有辦法搵到學校，專家亦不能左右什麼...

原帖由 apple~y 於 11-8-21 11:03 發表
原來唔係一定要做評估
我以為個評估一定要番去做
0甘係咪上主流小學或特殊小學
唔係睇評估結果而係家長決定呢??

someoneelse

要數佢地既衰野，真係十日十夜都講唔哂！
所以，我以後唔會再去！

原帖由 pocoyo123 於 11-8-21 22:08 發表
去見精神科醫生仲求其, 問佢亞仔係咪有專注力不足, 佢就話不是, 係佢自閉問題, 有自閉就有專注力不足喎? 佢入到房同我個仔講唔到3句野? 只係睇住佢份紀錄就照講,完全不知所謂   ...

someoneelse

呢 d 叫 job security...唔係點 justify 佢地既高薪厚職？！
我果日睇排板，個專家一日睇兩個症咋！上午一個、下午一個！

原帖由 kelvin_hmlau 於 11-8-22 15:14 發表
睇黎, CAC 班專家都好難接受到A 仔好得返...
呢d 唔知係未叫做固執行為!?

[ 本帖最後由 someoneelse 於 11-8-22 23:42 編輯 ]

someoneelse

所以我地做父母既要心水好清先得！

原帖由 fatpam 於 11-8-22 19:48 發表
我明白我小朋友係有問題，但做評估時，都諗係唔係正常小朋友會做到每一個評估項目，如找出6角形，我想我3歲幾個陣唔會識。
心情唔好同無興趣下評估未夠準。 ...

someoneelse

情況如你發現另一對曾暪住你偷會舊情人一樣，那怕只是一次或一個誤會，以後每次你搵唔到另一半時，我肯定你一定發癲！哈哈哈哈哈....

原帖由 pollybell 於 11-8-22 11:42 發表
LABEL左就一世架啦,無被LABEL就叫怕醜,LABEL左就自閉,社交障外..........正如有精神病紀錄既人,好返晒都當你癲既一樣.

someoneelse

話分兩頭，其實我地都要多謝佢地當初既評估，令我地可以趁早加強訓練，就算真係做多左都好喇，始終受益既都係我地孩子....
但最唔明既就係，佢地永不接受改造後既孩子們，成日都用以前既野黎總結今日既一切...
如果佢地一早認定孩子係由始至終都係一樣既話，咁洗咩幾多歲後再評估呢？！
如果唔接受孩子係會好起來的話，咁仲同我地講咁多口水做咩呢？！
我又唔係叫你評我孩子資優，只係想你認同孩子進步左啫，都咁不可能？！
好似我成日放大我囝既唔專心同唔努力，但事實上佢每位課外活動既老師都話囝囝做得唔錯，仲話依家個個細路都係咁上下的，反而囝囝因為受氹，氹氹下又肯繼續做了，好過有些直頭走左去或唔理人既添呢！
我成日諗，其實係咪要叫班專家得閒出去睇下外面既世界呢？！佢地好固步自封啊！

someoneelse

正苦既精神科好似唔知係 $60 定 $100...情況穩定既小朋友大約半年至一年先覆診一次！
不要太有期望...只是為寫報告而已....

原帖由 xixi1218 於 11-8-29 09:18 發表

是不是要等很久的？我準備排，政平日的訓練都是自己苦苦地掏錢，政府沒什麽資源能用到，我想在政府醫院看醫生起碼能便宜一點吧。