優才書院家長分享站 - Part 4

edea

今朝同小墨魚返學, 老師不停巡視, make sure每個小朋友都有戴口罩, 冇口罩既小朋友老師會俾, 而且班房暫時停止小組形式排列桌椅, 改為一行行直線排, 等小朋友冇咁接近大家, 同埋小朋友要盡量留o係自己班房唔好周圍走.

而老師提醒家長如果朝早陪子女入課室都要戴口罩, 又提小朋友上課前要洗手, 我覺得學校安排得好好呀.

最近流感太犀利,我決定由今日起自己都做預防措施, 因為每日搭地鐵會好大機會接觸到流感細菌, 所以我都會每日戴口罩坐地鐵, 勤洗手.

今日睇到7歲個小朋友腦幹死亡,真係好心痛, 相入面既小朋友好精靈, 要佢父母個拔喉既決定真係好hurt

[ 本文章最後由 edea 於 08-3-11 12:53 編輯 ]

edea

今朝帶囡囡返學, 翠姐話我知所有家長都唔可以入學校啦, 我地就俾囡囡自己入左去.

我明白學校做法係想minimise細菌入學校機會, 亦都支持學校做法.

另外翠姐話而家一到小息,佢地就會幫小朋友檯面消毒. 辛苦各位姐姐了.

小墨魚話尋日大小息係1A同2A班先有得落操場玩, 唔知今日係咪輪到1B同2B. 囡囡本來追緊 "貓之報恩", 睇黎下半截要遲d先有得睇啦. 希望流感快d過去.

[ 本文章最後由 edea 於 08-3-12 12:47 編輯 ]

edea

阮主任剛來電, 1A班明日和後日停課了, 復活節party也cancel了.

希望病中的小朋友們都早日康復.

edea

原文章由 Farm 於 08-3-12 16:17 發表
點解1A班要停課? 是不是有很多同學仔病左?

剛上學校intranet, 3月15-16日宿營照舊, 但3月20日的復活節活動就會取消, 支票會退回家長.

剛才打電話回家問阿仔, 他說早上和放學搭校巴, 保母都規定大家要戴口罩(今次真 ...

實際數字唔知, 我問左小墨魚, 佢話記得有6個(包括Cherrie,柏南,Sammy, Oscar, Christie), 但其中軒軒係因為複診,唔係流感.

星期一時已經聽講坐校車小朋友一定要戴口罩, 旺角校舍就規定要戴口罩而非optional.

星期六我地會入營, 不過我知好多家庭都係星期日日營, 我見軍仔都係

[ 本文章最後由 edea 於 08-3-12 17:49 編輯 ]

edea

原文章由 dabbycheung 於 08-3-12 16:40 發表
唔係，係好似沙士時期咁，學生響出門口之前就要量體溫。

不過小學部一向都要朝朝量體溫,係咪中學部唔洗?

edea

原文章由 ngkf 於 08-3-12 23:26 發表
http://www.appleactionews.com/site/art_main.cfm?iss_id=20080312&sec_id=6996647&art_id=10859122

蘋果即時新聞都有講,今次周一鑊反應都算快

唔快啦, 我見bk自由講場已經鬧左兩日,仲乜仲唔停課

唔知Cherrie點呢...

唔該晒軍生報料!

[ 本文章最後由 edea 於 08-3-12 23:47 編輯 ]

edea

原文章由 littlesister 於 08-3-13 00:10 發表
請問到幾時先返學呢?? 學校千奇唔好扣番term break喎, 我已經買左機票啦

我地都諗住去沙巴,應該唔會扣既.幾號返學我都想知...

edea

原文章由 mandy_ng_bb 於 08-3-13 00:40 發表
edea, Thx. 尋日cherrie放學返來後, 發現有微燒, 咁既流感超高峰期, of cos帶佢睇醫生啦, 診所十分多人, 要排30幾個人先有得睇. 尋晚佢巳經退燒。不過, 小朋友年紀尚小, 未必個個都懂得注意, 所以今日冇 ...

希望Cherrie以及所有患病既小朋友早日康復. 原來我地學校都o係懷疑個案名單上.  我諗最近診所真係會非常繁忙, 醫院又差唔多間間兒科病房爆滿, 情況真係令人擔心.

今個星期六既童軍活動,皮影戲等唔知係咪會取消, 按理說應該會, 不過都要打去學校confirm一下.

edea

原文章由 印第安公主 於 08-3-13 20:48 發表
童軍已出通告取消：

http://pta.gtschool.edu.hk/xoops/modules/news/article.php?storyid=487


三月十五日(星期六)假期活動安排事宜 是日以下活動將會暫停一次小學足球班 皮影戲工作坊 G5普試GAPSK應上試指導班 奧 ...

謝謝公主!

edea

原文章由 ngkf 於 08-3-14 17:56 發表
今日幫阿女帶了兩朵木綿花番學,見到周老師都係無乜精神.學校得老師無小朋友真係有少少悲情.

教員室都靜到不得了. 周老師把聲都仲係少少磁性

周老師係一個好有heart既老師, 佢對小朋友好細心, 應和藹時和藹, 應嚴厲時嚴厲, 小朋友都好鍾意佢~ 希望流感快d過去, 小朋友們可以開開心心再上學!

我星期三都會返去交功課同埋拎小墨魚跆拳道件袍, 佢又要考升級試啦.

今朝小墨魚去祖母家, 帶左d功課過去做. 尋日同佢去左長洲玩, 今日我全身散晒 自知體力真係差. 所以唔駛諗生多一個.

edea

最底兩張相軍仔同軍女真係好似樣 呢個時候去outdoor玩下都幾好, 唔係太熱.

edea

原文章由 Farm 於 08-3-25 13:57 發表
各位家長:
復活節假期剛剛完了, 你們去左邊到玩呀? 我地就去左深圳世界之窗二日, 阿仔最開心話係玩滑雪 , 第三日約左幼稚園家長同小朋友三十幾人去左BBQ, 又係好開心, 第四日就休息啦, 因為真係好攰 :ayawn ...

好開心喎! 我唔知世界之窗有得滑雪既...真係背.

我地冇乜特別活動, 主要係大執屋, 掉左小墨魚好多玩具, 執執埋埋都有7-8個垃圾袋, 真係

最開心係我地買左個書架,放o係客廳, 做小墨魚既圖書閣, 佢越黎越多圖書,呢個假期我又買左一堆, 冇位放, 唯有買個書架! 小墨魚好快已經畫左d畫報置, 我影左相再上黎分享下

edea

原文章由 sonma 於 08-3-26 14:42 發表
好耐冇上來了! 我想係度借個位來讚一讚旺角校2B班主任梁老師呀!

因為亞仔d字真係好駭人, 梁老師好擔心亞仔上到三年班後追唔上, 因為到時作文要寫好多字.  佢專登在假期第一日早上打電話來叫亞仔星期三交功課時留多 ...

梁老師真係好好人, 雖然我朝早見佢唔多, 但有時佢都會入黎睇下d小朋友, 囡囡有同我講佢好鍾意梁老師! 不過佢個個老師都鍾意  

今朝我返學校都有同周老師傾下小墨魚. 原來周老師有留意小朋友玩乜, 同囡囡講俾我聽一樣 - 有一d女仔玩公主遊戲, 另一d就男女混合一齊玩(例如捉迷藏等), 小墨魚都係男女group果邊 上次小墨魚話佢地玩時, 有個男仔做捉,女仔走晒入女廁匿埋 我話咁點玩呀?

我覺得呢度d老師好有heart, 用個心去教育小朋友好感動...

edea

原文章由 littlesister 於 08-3-25 23:04 發表


我地EASTER上左長隆玩左3日兩夜, 同幾個FAMILIES一齊去, 阿女玩得好開心

我地未去過長隆, 希望今年之內會去一次! 到時再請教你地關於住酒店等問題,可以嗎?

edea

原文章由 dabbycheung 於 08-3-26 21:04 發表
好想同大家分享一件開心事。

優中響今個暑假會攪一個星加坡交流團，校方會挑選12位，8,9年級既學生參加是次活動。

交流團內容主要係去一間中學度上堂，其間學生會住響校內宿舍。全團費用$4,000. 但校方會有獎學金(最多可 ...

恭喜! 會去幾耐架?

edea

小墨魚圖書閣

edea

原文章由 dabbycheung 於 08-3-27 09:34 發表

edea, littlesister, 印第安公主：

多謝！

優才響每年暑假，都會攪唔同類型既遊學團或者海外交流團。(小學部每年亦有攪，但性質唔同，校方好似無資助學生團費？)。舊年優中亦攪左兩個遊學團，分別去澳洲同加拿大。每團 ...

Thanks dabby, 我覺得做優才既學生真係好幸福...想我地細個時邊有咁好既機會同外國學校交流呢! 呢個活動真係好, 小朋友可以去外國嘗試一下當地學校生活, 係一個好寶貴既經驗, 正所謂讀萬里書不如走萬里路, 但唔係個個都有咁多銀兩俾小朋友走萬里路啊 有咁好既機會,可以真真切切體會下外國教學模式, 開拓小朋友視野, good!   好替妳仔仔開心!希望小墨魚大個d都有咁好既機會!

edea

原文章由 meimeilam 於 08-3-27 09:10 發表


小墨魚真係好有心機, 抵讚!

不過佢d字就 但整左個書架,佢真係多左興趣"抄"書黎睇

edea

原文章由 中天英 於 08-3-28 01:59 發表
你地有冇發覺好多優才既老師, 同時又係優才家長呢。(即係佢地D小朋友都响優才讀書)

好似我大仔個書友, 原來係優中既副校長既仔仔; 而响我細仔上小一新生日, 就見倒一個中學部老師, 帶埋佢個仔一齊黎, 原來佢個係08/ ...

我前個星期先知原來阮主任囡囡都係優才學生呢.

edea

原文章由 中天英 於 08-3-29 01:26 發表
原來阮主任千金又係優才學生, 就幾年級？

我淨係知道阮主任個大仔响Sdyney讀大學, 以前响Adelaide仲係同我大女讀同一間中學。

唔知...睇下遲d會唔會知先...

你地好犀利呀,知咁多既!