小五就黎第一次呈分.....需要正能量!

妹妹頭

回覆 smartcash 的帖子

其實都有好多直資係幾好, 而且唔一定收b1生, 可以試下祟真, 培基, 匯基, 依3間我覺得都唔差

妹妹頭

回覆 little_yolky 的帖子

唔好太腦定, 我地學校小五上學期視藝都仲係好手鬆, 有AB都唔難, 但一去到下學期呈一, 因為統改, 由3個視藝老師去評分, 再取平均分, 所以要取B好難, 取A更難, 有好多小朋友就因為咁, 視藝由之前既A, 到呈一變做B, 之前穩有B既, 就跌去C, 好彩之前有高人叫我小三升小四時一定要阿女出去學視藝, 我女至可以人跌佢升, 由之前取C, 到呈一, 二, 三都取得A, 拉高好多分

妹妹頭

回覆 IloveJJ 的帖子

我女係好明顯視藝升左好多, 由小一, 小二只有D, 上小三都只有C或D, 開始補視藝, 上到小四已由C變B, 小五上學期都係B, 去到呈一有95分, 我都好出奇, 呈二KEEP到有95分, 呈三都有90分, 佢個補視藝老師好勁, 唔只我女一個係咁, 我介紹另外2個朋友個仔去學, 都有同樣結果

妹妹頭

回覆 Yanamami 的帖子

我地都係, 所以好多時呈二會大跌, 因為個個以為呈二好似呈一, 到呈三個個都以為會好似呈二咁深, 偏偏又唔係深, 所以好多都可以取得4個A

妹妹頭

回覆 sthnothing 的帖子

間間學校唔同, 最好都係問番自己果間小學好d

妹妹頭

回覆 mirchan2005 的帖子

係教構思，特出，加埋上色美感。如何在同一個題目，能夠令老師對自己既作品可以留下深刻印象。阿女結果做到了，呈一，呈二2次考試，都可以令3位老師同時讚賞，更將作品留為範本

妹妹頭

回覆 IloveJJ 的帖子

阿媽真難做, 提佢溫習又驚佢到時太緊張, 唔提佢, 又過唔到自己果關

妹妹頭

回覆 sa1124 的帖子

依個時間已經要開始平常心去考, 唔好大壓力, 會適得其反, 依刻反而要注意身體, 增強抵抗力, 唔好病, 就算有得補考, 都可能要折分, 就算唔折分, 小朋友補考心情都會唔同, 影響成績, 我女已經岩岩考晒呈分試, 又交埋大抽獎, 依家只係等7月10日派彩, 心情已經放低晒.....

希望你地都順順利利, 呈分試成功

妹妹頭

回覆 bb鼠 的帖子

我係前年6月(升小五) 時買電話比佢, 因為要開始自己放學, 唔搭校車, 已經2年了, 佢自我管理非常好, 只會做完功課溫完習至會用電話睇YOUTUBE, 佢唔愛打機, 平均一日都睇唔到一粒鐘

妹妹頭

回覆 IloveJJ 的帖子

我都癲左成年了, 依家考晒呈分, 等放榜至似番個人咋

妹妹頭

回覆 IloveJJ 的帖子

relax, 諗番轉頭, 都覺得自己上年太癲

妹妹頭

回覆 IloveJJ 的帖子

我直頭由5年級上學期開始, 阿女每次測/考, 我都發燒, 病, 卒之到呈二時去睇醫生, 醫生話我唔係有病, 唔係感冒, 只係有壓力, 當阿女考完試, 我會自然好番, 唔駛食藥, 叫我放鬆自己, 所以到呈三我就放手了, 原來都唔太差, 阿女都只係退左2名, 依然都係級十內, 今次畢業試我仍然放手, 所以我依家都好輕鬆

妹妹頭

回覆 IloveJJ 的帖子

我就係咁架啦, 呈三醫生叫我放手, 我真係冇發燒啦

妹妹頭

回覆 little_yolky 的帖子

但係依4分係中文總分差4分, 係好緊要架, 反而如果讀本卷差4分, 就唔係好緊要, 因為再計埋%, 可能只係總分差0.X 分

妹妹頭

回覆 IloveJJ 的帖子

所以往往呈分一開始, 好多黑馬會跑左出來, 小心小心