「對不起，騷擾到你， 我兒患了自閉症」

奀豬mami~~

我試過有次帶奀豬睇醫生,佢係診所大喊,唔小心踢到坐係隔離既太太,我即時同太太講對唔住,又解釋比太太聽佢有自閉傾向,所以有時會有少少失控,但係太太好不肖咁望一望我,再問佢先生講咩係自閉症,佢先生答佢:"即係好似低能果D囉",我聽到之後都好難受,亦都唔明白點解宜家既香港人會係咁樣,而且我覺得好可悲既係大人都咁,佢地點識教下一代呢???????       

奀豬mami~~

我都覺得好少人會明白我地特殊媽媽既心情,不過係呢度,我可以好暢快咁講下自己既感受,自己唔開心時,又可以發洩下,真係會舒服好多,好多謝各位       

奀豬mami~~

我係街上遇到豬仔失控既時候,會攬實佢,因為驚佢整親又怕整到人,跟住會同佢講其他野,e.g:"不如我地去買雪糕""不如我地去睇thomas"呢d佢最有興趣既野,佢都好work既,佢情緒易黎易平伏,都算易攪,如果都攪唔掂,我會帶佢去少人既地方,等佢平伏,
有時佢係屋企,我都會由佢發脾氣,由佢訓地,等佢平伏完,佢又自己走去玩,...
不過以前我未知佢有自閉傾向既時候,佢一見人多車多地方,就失控,我只會係咁丙佢,不過愈丙佢,佢愈喊,而爸爸以前都動手,我地一家係街上係咁比人歧視,所以呢個方法係好錯既         

奀豬mami~~

頭先同豬仔去食飯,豬仔扭計,要爸爸抱抱,坐我地後面既一家人,成日眼望望,我初時都有同佢地禮貌咁打招呼,但係後來我地一家出一次聲,後面果位媽媽就望過黎一次,眼神係SUPER歧視,仲大大聲話我個仔講野好古怪,好唔正常既細路仔        佢大聲到係專登比豬仔聽到,豬仔即時好唔開心,要走,豬仔4歲都未到,講野唔正都好正常姐,仲咩有咁既亞媽架,要拎人黎取笑架,佢地一家人講完人就hehe哈哈,完全唔理人感受,hurt我好啦,仲咩要咁難為小朋友呀       

奀豬mami~~

睇落去好有教養,原來又係咁不知所謂