天神嘉諾撒小學

se6b03

有冇睇過呢度，差唔多大集合。

https://www.edu-kingdom.com/forum.php?mod=forumdisplay&fid=408&page=1

se6b03

想問下，香港既一條龍中小學，通常係一對一。但好似St.Mary呢類一對二，一間中學同時跟St.Mary及天神接龍既龍校多唔多？

se6b03

純粹路過，有感而發。

講真如果唔計叩門入，入呢間果批學生只係經派位入，唔同入直私果批經過面試甄選。理論上，係程度方面有差別係好正常，如果本身個小朋友只係讀普通學券幼稚園，無補底，但只要係無ADHD及SEN之類，應該都會跟得上。學校唔應該小一上學期一開學就假設學生一定已經學識晒上學期既野而教快教深。

打個比喻，小一入學好比田徑賽跑起步，偷步要被取消資格。

果d一早已經識晒既人，我覺得只可以當佢係比賽偷步。無理由人地偷步，老師唔吹罰偷步果位，仲讚佢叻。但現時既情況係，我無跟佢一齊偷步，依返正常學習進度，老師反而怪責我點解上小一之前仲未學識，呢d係乜野道理？

se6b03

hkpapa852 發表於 17-3-27 14:04
真正無任何直升要求就可以直升既一條龍學校只有津校, 亦只有呢一批:

http://www.edb.gov.hk/tc/edu-system ...

唔該晒！

不過話就話一條龍可以無任何直升要求，但又見到下面張通告寫住小六學生如果未能達到某d要求，仍有機會未能原校升中。相信好似天神或St. Mary呢類學校，應該都好難坐定粒六原校升中，校方可能會千方百計令到成績差果批無法原校升。

http://ktkc.edu.hk/it-school/php/webcms/public/index.php3?refid=1375&mode=published&nocache&lang=zh

se6b03

但無論你幾叻，成積達標都好。除非班中唔排名次，否則一班始終有人要考包尾，為左唔想包尾，同學之間可能每次測考都要互相廝殺。

se6b03

天神升小一已經有暑期作業做？原則上係該學年9月1日後先正式係該校學生，8月31前學校唔應該比功課。

se6b03

twlo 發表於 17-3-27 17:46
其實好多普通小學一話收你，而你又ya 咗，就會俾中、英、數三科嘅書仔，叫小朋友九月入學前睇吓，你會不會 ...

睇下或者睇熟都當然無問題，但如果話比埋暑期作業，9月開學後要交就真係值得商榷。9月前，音樂椅還在轉，隨時可以轉校，學校一樣會繼續收叩門生。整個過程都未完，就咁早派功課？打個比喻，你9月1日返新工，但上工前，老細已經早一個月比定野你做，要求你返工日要交，你會唔會交？

se6b03

sissysze 發表於 17-3-27 20:13
6月你reg咗就係呢間學校嘅學生，點解學校唔可以比暑假功課

唔係計註冊日，而係計學籍生效日。一般學籍生效日為9月1日。新生嘅學籍係由該日起計。況且開學前都可能會有更好嘅offer而轉校，如果你係讀直私，學費都係由9月起計。8月31日前係舊學籍，即仍然係舊校(幼稚園)學生。咁9月1日前我都未正式係你學校學生，點解咁早比功課我？

se6b03

MrBeast 發表於 17-3-27 21:37
我估龍校的會樂於比較多d，非龍校的通常收埋收埋，唔會隨便放料的

可能天神同St. Mary兩間龍小之間都存在競爭，睇吓邊間好成績。天神學生人數好似較St. Mary少，St. Mary又同自己龍中同一個校舍，正所謂近水樓台先得月，向陽花木易為春，牌面上好似天神較輸蝕。

se6b03

回覆 karen55407 的帖子

St. Mary要同天神分享St. Mary中學果邊既龍校位，反而想知St. Mary學生升中一後同天神果班如何相處？話晒St. Mary原校升龍中，係返自己地頭，正所謂猛虎不及地頭蟲，天神果班感覺上好似外來人。

se6b03

相信好多人都知會谷，只係唔知谷既程度。加上唔係個個受谷，家長想谷小朋友。谷得到當然好！谷唔到，輕則情緒病，重則跳樓。

如果有個打分標準就最好，例如10分之中，8分谷還是6分谷？

se6b03

MrBeast 發表於 17-3-28 10:00
呢個問題其他有直屬小學的中學都會出現，whats ur pt?

中學同時跟多間小學直屬或聯系好普遍，但一條龍學校，多數係一對一。好似天神呢類一對二，St. Mary龍中同時對天神及St.Mary接龍既例子好似唔多，所以想知道內裡情況。

se6b03

siden 發表於 17-3-28 09:48
明買明賣。

又冇人用槍指住逼人讀。

你係咪引用錯左上面另一個jm既留言作回覆，小心人地誤會。

我只係想釐清一d原則性既問題者。學籍是指一個學生屬於某學校的一種法律上的身份或者資格，登記學生姓名的册子，專指作爲某校學生的資格。

因為學籍係涉及到學校與家長之間的法律責任及保險問題。家長會以為6月注冊左學校之後就即刻係該校學生，但一般係以該學年學期開始即9月1日計算，所以要知道保險生效日是否跟學籍生效日同日生效。

好多學校會安排新生係暑假期間回校參與迎新活動，但touchwood講句，呢段時間如果出左問題，要向校方追究責任及索償，校方及保險公司會否以該學生學籍未生效而拒賠呢？

有關學校安全與保險問題，可參考以下連結。

http://edb.gov.hk/tc/sch-admin/admin/about-sch/sch-safety/index.html

至於9月1日前比暑期功課，本質上就係有問題。因為該個暑假係幼稚園放比佢，唔係小學放比佢。部分幼稚園要收7及8月學費，學生既學籍係直至該學年8月31日才結束。只不過係學校放緊暑假，但唔代表學籍已完結。8月31前，該小朋友仍然係幼稚園K3學生。咁小學就拎左人地幼稚園比小朋友放既暑假時間黎上適應班，又派暑期作業。只係家長普遍接受左呢個做法先覺得無問題。

se6b03

MrBeast 發表於 17-3-28 10:04
ssp 間c 小有暑假預備班 tim，bring everyone to the same level.  又唔見有人投訴

唔係無人投訴，只係大家都敢怒而不敢言者。

se6b03

假設一早訂左酒店機票趁上小一前最後一個暑假去旅行玩盡佢，點知學校話要八月中某幾日要返黎上適應班，當中心情實在難以形容。

se6b03

老實講，孩子既暑假其實好珍貴，要做暑期作業，往後大把機會你做，做到你怕。將來出黎工作做野，更加係連暑假都無。小學一讀6年，一條龍既仲會一讀12年，你怕往後無機會做暑期作業？我地細個最開心既係幼稚園升小學及小學升中果兩個暑假，因為去新學校，有藉口唔洗做暑期作業。而家讀一條龍，即係小六升中一果個暑假都走唔甩功課。唔單止升小一，而係各個年級，家下都見到愈來愈多學校鍾意係暑假期間安排適應課及補課之類，暑假隨時有一半時間無左。可能再過幾年，學生既暑假都會無埋。

講講下好似騎劫左樓主個post，不如集中講返天神入面既野。

se6b03

sissysze 發表於 17-3-31 22:22
你又知人地唔係用家？

通常用家心底上主觀上係會較維護學校，非用家則會較多喜歡批評學校，嫌三嫌四。

利申 : 非用家

se6b03

bebubabi429 發表於 17-4-1 13:23
我完全唔理解既然不是用家，點俾意見！好奇怪！點解要去批評？

呢度一向都係吹水唔抹咀，隨口up當秘笈。