又一村幼稚園係咪真係咁差???

hcshiu

好！好讚成你所講既野。教養好孩子，責任幾時都在家長身上，而唔係任何一間幼稚園可以幫家長教哂既。

原帖由 auen 於 09-6-22 03:41 發表
又一村差唔差真係見仁見智，由報名到面試到交費，都去過幾次，我就覺得又一村幾好，就連門口"噴消毒搓手液"的男職員都好nice！仲有，我個女面試完後已"愛上"這校，仲周圍話俾人聽："我返又一村學校"添 ！見佢IN完咁開心已經足夠！

之 ...

hcshiu

Teacherkg，你講得好有道理。

原帖由 teacherkg 於 09-6-22 17:14 發表
睇完好感動,如果所有家長都係咁諗就好了!

近年來,有些家長十分重視子女的評估成績,家長緊張子女的學業成績當然很正常,但有些家長會對老師給的成績表示不滿,覺得我的小朋友是很叻的呀,為什麼成績表上會有b grade或c  ...

hcshiu

據我所知，又一村無開放日。

我睇番學校網頁，係去年11月4日開始派表，如果無錯，即是隨時都可以下載表格寄去，不用打蛇餅，我翻查資料，我囡囡（而家K2）係在2006年11月4日去面試既。又一村唔係九龍塘果D死爭先入到既學校，所以你不用大擔心報名呢個問題。打個電話去問下啦，佢地會好熱心回答你既問題。

我囡囡讀了兩年，我可以簡單來說，又一村不是那些很重視成績既學校，佢唔會谷學生學業，唔會有老師打電來同你講，你個仔寫D字唔夠靚，攞唔到A之類呢D說話，又唔會迫你帶孩子去考什麼什麼。佢地重視學生品德操行，閱讀興趣，健康等等。所以我覺得學生讀得很開心，有個開心既幼稚園生活。

所以如果你讓孩子去讀又一村，不要和那些讀九龍塘名校的比課程，又一村用的是主流教材，他們是用他們國際，又或比同級至少深半級既教材。所以我近來明白，為什麼名校多收大仔大女，因為佢地教既野已經深半級，如果唔收大仔大女，點教得掂。但又一村既課程會在K2/K3深番，要接小一應沒有問題。老師很有愛心，照顧得很好，環境好，所以又很放心讓孩子在那裡讀。

雖然有家長覺得又一村是牟利，但是在我的認知當中，佢己經唔係好牟利。例如校長同我講過，學校會加建新校舍（如果明年入K1，畢業前就一定可以用到個新校舍），用的錢不是由家長學費來，我想是由辦學團體而來。

最後，如果想孩子有三年開心又健康既幼稚園生活，又一村係不錯的決定。其他又一村家長如果有異議或其他意見，請不吝賜教。

原帖由 aSa豬媽媽 於 09-6-24 17:15 發表
請問會唔會有open day或類似活動，等我地可以了解下呢間學校？

黎緊11月4號就開始派表啦，請問有經驗既家長，洗唔洗第1日就去打蛇餅呢？又大約幾月interview呢？

最後，想問大家，係咩原因揀呢間學校呢？

thx ~~~ ...

[ 本帖最後由 hcshiu 於 09-6-25 06:00 編輯 ]

hcshiu

記得校長曾跟我提過，如無記錯，如果今年九月才入學，一定會用得著。而現在K1，好像是在機會在K3時用到（他們很快便K2）了，但今年K2的，就應該沒有機會用到了。

我相信學校會在適當時候向家長講解了。

原帖由 jojoplanet 於 09-6-25 10:03 發表


加建新校舍?我早排去搞入學都唔覺佢有工程喎..阿仔今年入k1咁咪可以有2年多d野玩...

hcshiu

咁你既信念就真係同又一村差不多，比小朋友開開心心過幾年開心既童年，又有親蜜既親子關係，係好難得既。

原帖由 aSa豬媽媽 於 09-6-26 18:35 發表
好多謝你既詳盡介紹，睇左之後，更加認為呢間學校適合我。

我係full time mani，個仔23個月大，但我從未教佢認ABC，123果D，唔明你明唔明我意思。現階段，做運動，唱歌仔，學規舉，我就認為係緊要啦。

唔洗打蛇餅，已經可以顯示到佢地既 ...

hcshiu

原帖由 teacherkg 於 09-9-12 20:43 發表

我沒有親眼看到這個情況,但我不相信是事實!老師怎會在放學時間在眾多家長面前這樣罵小朋友?老師都驚接到投訴呀,就算要鬧都留在學校關上課室門才罵!所謂家醜不出外傳,老師是傻的嗎?

如果真有其事,我相信不止你叔仔 ...

十二時放學係半日班先會係門口出現，門外有家長，個老師係門口閘內的住個學生黎鬧？而且唔似一兩句，其他家長都可以走上黎睇，咁都鬧左幾耐喎。如果係真既話，似做show多Ｄ喎。而家手機咁方便，門口是但一個家長拿個手機影低放上網，個老師都以後唔洗係到做，會有咁大胆既老師？以校長一貫作風，似乎無乜可能會請個咁樣既老師喎。做老師用勁鬧來改變學生行為，更加唔係老師讀書所學既方法。學校地方咁大，老師要選係學校門口，放學時間有家長係門口既時候鬧學生？又係另一奇怪既地方。如果放學時候係門口，咁即是係放學既半日班學生，老師唔怕佢家長看到？唔怕個學生既其他同班既家長看到？咁一定會投訴喎？如果學生同自己家長講話比個老師係學校門口鬧，仲係有好多人睇到，以而家既學生黎睇，一定覺得好無自尊，家長就一定會番去投訴，甚至轉校。

做老師如果要用鬧來處理學生問題，可以鬧得幾多？好辛苦架。另外，老師都會明鬧係改變唔到學生，始終有日學生會開始麻木，咁就點鬧都無用，個學生亦到變成無有怕。我想，而家唔會再有呢Ｄ咁有火既老師喇。

但係講到話係有好多家長看到有人勁鬧學生，我又唔敢話門口Ｄ家長亂作野。我想了想，最大可能係果個鬧人果個，唔係老師，而係個學生自己既家長。可能自己去接學生早退，係學校門口樓梯上面，唔知有什麼事，便勁鬧自己個仔女。其他家長見到，以為果個就係老師。

如果有家長真係認得果個真係老師，煩請同校長講，我都唔想又一村有個咁樣既老師。

hcshiu

我想我們不要再在這件事上再爭論下去，有家長說是真的，有手機影下來，有沒有看到的家長說不信，各持己見，將件事番來番去，也是沒有結果的，只會令家長分化，傷了大家的感情，大家都是想又一村學校好，老師對學生好，學生又讀得開心吧。

所以我想，不必在件事本身上再談下去，因為只會令各位家長在這件事既細節上鑽下去，走哂牛角尖。我會請各位家長想一想，其實到底係呢件事上面，你地想件事點樣發展下去，說服沒有看到的家長去信，似乎會令各位在這裡你一言我一語下去，沒完沒了。所以我想，看到的家長，請向學校反映你們的意見，究竟你見到什麼，有什麼問題，有什麼建議。說了，便將整件事了結好了，因為我看不到因這件事，對現在學生在學校裡的過程有什麼直接影響，但是讓這件事繼續下去，對不知情的家長不公平，對那位老師，不論她有沒有做過，這樣討論下去只會給她很大的壓力，只會影響到她現在照顧小朋友。

所以，有意見的便提出，不要拖著好似一個計時炸彈，不知何時爆出來，以現在的溝通方法，最好便是直接同校長講。發表意見的原意是想這個世界更美好，所以，有意見，想改變，就去用一個有效的方法去表達。我相信有關老師，不論有做沒有做，她如果知道在這裡有家長提出這件事，她定必已經有則改之，無則加勉了。

我現在沒有任何特別的途徑和校長談，我和各位家長一樣，都只是在接送時見到校長，才跟她談一談。但我也會在有需要的時候，寫封信給校長。近來我見到的是學校網頁和這件事，我會找時間寫信向校長反映，但近來工作忙，我想我也要一兩日後才寫到，有消息再在這裡跟大家說。

原帖由 waiyeemum 於 09-9-13 19:50 發表
講開又講：

門口咁多圍欄，家長可以日光日白爬牆偷看上堂？那不是造謠生事？？家長向校方反映，喺幫學生，說出教學操守的不是…就叫麻煩家長？？

我有問過，嗰時喺11:40，家長並不多，如果不是要揾位泊車，天氣咁熱，叔仔都無咁早到。所謂「 ...

hcshiu

恕我多事，過門都係客。唔係話唔係自己學校既家長就無偈傾既。唔同學校既家長交流下意見都係好既，第時話唔埋可能仔女同小學呢。

原帖由 bb媽0米 於 09-9-14 14:42 發表


嘩做咩事呀?講事實之wo,你又唔係呢到讀你駛乜理呢到d是非呢?全香港咁多幼稚園,間間都有是非架啦,咁唔通間間都要走去睇走去理呀?

我都唔想同人嗌交架wo,學校多d明事理唔理d8卦野0既家長就間間都咁幸運架啦!

呢到d ...