「家長發問及閒聊區」舊文章八 (07年12月-08年1月)

cantaloup8

各位,

我仲慘呀!

由聖誕假第一日開始,阿囝爸爸已經同我講佢會攪掂晒阿囝啲温習,叫我唔洗理,咁我見佢哋真係日日都温成三個鐘,梗係由得佢哋啦!

到上個星期六,我問阿囝爸爸温成點,佢話應該無問題.好啦,咁我八卦望吓佢哋温習嗰啲工作紙(係阿囝爸爸自製!),一睇我即時呆咗!

英文我未得閒理住,但中文温習原來淨係出詞語俾阿仔寫,唔怪得佢話無問題,我即時忍唔住話阿囝爸爸:"佢識寫晒啲字,係咪等如識造句.識答問題?你宜家叫佢去考試,佢無可能合格!"

結果係,我有咁耐風流有咁耐"折墮",呢幾日我連去廁所都唔得閒.諗起聽日就考中文,真係.........唉!!!!!!!

今朝叫阿囝爸爸英文真係要跟"行"啲,佢即刻話:"得啦,我有信心!"(之但係我對你無信心呢,阿囝爸爸!!!!!)

好驚呀!!!!!!

cantaloup8

亞水,

我囝囝開學初期都試過返來講我知,老師喺堂上話佢全班執書包最慢,好"me more".之後全班笑佢.囝囝都有唔開心.我即刻正面啲同佢講老師話你係想你改進,做得好就讚,做得唔好就"話"!而同學笑佢係幼稚,個個都會做錯事俾老師閙,笑來笑去好無聊,亦都唔尊重人!
佢宜家諗通好多啦!

我同意遇到呢啲情形會傷自尊心,但我又會阿Q啲咁睇,呢個係人人成長必經階段,我哋家長要幫佢調節心理,慢慢佢會變得"硬淨",無咁易影響情緒同自我形象.

原文章由 亞水 於 08-1-4 00:19 發表
有個問題，我明白喇沙對學生有要求，但點講條suck豆loan都係得6歲咋播......有無小朋友返來話你知、老師叫佢不如唔好讀啦or上堂講亞xxx，你都有進步喎，都有xx分(梗係肥果隻啦)，於是全班同學大笑....

呢d好似好hurt人自尊心 ...

cantaloup8

大家知唔知幾時派成績表呀?囝囝話課堂上連卷都無對過,真係想快啲"水落石出",等我哋可以過一個輕鬆農曆年.

cantaloup8

吓?仲要等成個幾月呀?

我問親阿囝老師有無派卷或者對卷,佢都話無或者唔記得,兼且同我講話已經考完試好耐,唔好再問,好悶喎!

真係俾佢激親!

原文章由 zz 於 08-1-15 09:43 發表
2月29家長日,回校取成績表.

應該會係堂上對卷wor.

cantaloup8

囝囝話唔洗咁緊張,到時派成績表咪知囉!

我其實覺得呢張似係我ge成績表多啲!

cantaloup8

我都係要返工,平時無時間做義工,所以都係好想知但又真係唔知囝囝喺學校的情況,老公又話老師無投訴咪即係一切正常囉,總之佢話返學開心就得啦!

但我都係忍唔住趁上次學校旅行問咗老師一句,老師話ok無問題,我已經即刻收聲,費事老師覺得我係"問題"家長!

原文章由 boygirl 於 08-1-16 19:47 發表


zz,
！由早上開始？ 咁如果要番工，點算呀？時間有冇得改架？因為那天真的要番工！ 講真，我等了這一天好耐啦！由開學到現在，老師都冇真真正正和我講個仔的情況，上次測驗後的家長日，又是校長講，回到班房又全班講，平時又冇話 ...

cantaloup8

亞水,

我囝囝話1C所有卷都派晒啦,佢已經講晒分數俾我知,不過可信程度唔知有幾高:tongue: :tongue:

原文章由 亞水 於 08-1-29 22:39 發表
亞水仔up到唔湯唔水，我都唔知有幾堅.....

1C - reading/eng. dict./chi.dict./ maths

boygirl:

唔使咁緊張喎，arm arm先開閘，幾時得到轉彎入直路丫，放鬆d啦，使乜又話要生、又話要死，又話刀仔拮大脾？

有排跑啦，大家比心機 ...