「家長發問及閒聊區」舊文章八 (07年12月-08年1月)

Odin

大家覺唔覺最近好似轉左口吻，轉直資風吹得好勁......

[ 本帖最後由 Odin 於 09-6-24 13:04 編輯 ]

Odin

知情的家長是否可以向PTA或校方反映一下？如果明知不對的事，自己不加以制止，反而卻搗上一腳，黑上加黑，禮物事小，但這會為自己子女樹立出一個怎樣的榜樣呢？如果每個家長都用這個心態參與學校義工，你希望自己兒子的學校培養出怎樣的風氣呢？

原文章由 beautyma12 於 2007/12/19 20:12 發表
嘩﹗咁都得﹗原來真係有咁多唔公平嘅事發生咩。我就以為d家長口口聲話幫學校/學生，其實就詢私大派禮物比自己d仔，有jetso就做，無就唔知啦。(睇黎下年我都應該試幫吓手，等阿仔都攞多幾份大禮物至得 )原來重有d咁誇張嘅 ...

Odin

如果你並唔係要追究責任，其實都唔洗講咩證據，只要將你o既憂慮講出，希望以後係制度上改善，防止再發生類似事件即可。不論孰耶非耶，就算空穴來風，我相信各家長同校方都唔會對傳言視若無睹，如果真有其事，PTA就更加唔應該坐視不理。

原文章由 snowbell 於 2007/12/20 09:17 發表


我都想知，可以怎樣做?  向PTA或校方反映都要證據，如果無點反映? 不過學校大部分義工都好能幹，只有小部分是這樣。

Odin

你可以同PTA主席反映，書面、電話、電郵都得。

原文章由 boygirl 於 2007/12/20 13:37 發表
點反映呀？我都見到好似beautyma12的情況，但又如何？可以向那裏反映？

Odin

有關FUNFAIR派禮物件事，我問過有關人仕，回覆係因為FUNFAIR所有禮物都係由家長義工捐出，佢地出錢又出力，旨在搞搞氣氛，大家開心一下，所以佢地點樣送出禮物，校方同PTA係唔會過問，唔知大家滿唔滿意呢個回覆。

原文章由 beautyma12 於 2007/12/18 23:17 發表
有無去星期日個FUNFAIR，其實每年都差不多。但係眼見每年好多家長好幫忙，但就有好多家長都會詢私，好似幫佢哋自己D小朋友或相熟的朋友仔容易D嬴到大獎，跟住就會將D大份或特大(比較價值好)禮物留比佢哋。雖然，自己無份幫手做義工，好似唔應該出聲，但就覺得好唔公平。因為，大家都用同樣價錢買遊戲卷去玩，但就唔係可以公平地得到應有的。唔知家教會或每個屬會負責人會唔會留意吓這方面的情況呢﹗

Odin

轉載自明報開心爸媽
早前喇沙書院校監譚瑪士明言We are not going to DSS（我們不會轉直資），但直屬小學喇沙小學校長鮑陳慧兒卻坦言：「校方不會完全否定任何可能。」

咁即係話中學唔會轉，小學就唔排除。

當局畀中小學保持聯繫關係最遲係2012年，到時喇沙一係就要結龍，一係就脫勾，最理想當然係喇沙成為龍校，而LSC又可以保持英文中學o既地位，但係可唔可以繼續保持英文中學，係要取決中一收得夠唔夠band one*學生，如果唔夠某一個百份比band one生，LSC就有機會被迫轉為中文中學，近年喇小收生水準每況俞下，band one學生越出越少，所以大小LS都面對壓力不小，兩害取其輕情況下，喇小情願脫勾轉直資都好過LSC轉中文中學。

以上係我個人o既理解，有錯就唔該糾正我。

*正確ｄ講，應該係收得足唔足夠o既「具英語習能力學生」，即「中一入學前香港學科測驗」成績最好o既頭40%學生。

[ 本文章最後由 Odin 於 07-12-21 16:04 編輯 ]

Odin

我o既理解係，2012年如果LSPS決定轉直資，咁2012九月入讀LSPS o既小一學生就會受到影響；但如果2012年LS可以順利轉為龍校，咁就轉變不大。故事發展係點就要視乎呢５年LSPS可以出幾多band one學生，所以今日LSPS P.2及以上每一個學生o既努力，都對LS有莫大貢獻，大家加油呀！！！

如果我理解有錯，唔該糾正。

原文章由 Mrs.Fong 於 2007/12/20 21:31 發表
我都聽過2012年係deadline, 但是指最遲2012年要決定, 還是   2012年入學的學生會受影響? 細仔就係2012年讀小一啦!

Odin

而家仲係言之尚早，我覺得暫時冇人答到你，可能要到2012年或前一、兩年先決定到具體細節，但我相信到時校方都會有選擇畀到家長卦？不過樂觀ｄ睇，如果LSPS學生呢幾年ｄ成績上返ｄ，轉到龍校就乜事都冇。

原文章由 pigpigapple 於 2007/12/21 00:10 發表
請問如果今年小一，到2012年９月是小六，如果在這段時間轉直資，今年Ｐ1的同學會否有影響？請指教Ｏ

Odin

一條龍學校的中學必需不論成績全數接收龍校的小六學生，而龍校的小六學生有權放棄升讀龍校而參加統一派位，所以一條龍學校的小六學生家長有絕對的主導權。而一旦中學收生不能達到某個數量的「具備英語學習能力的學生(即全港成績最好的40%學生)」，英文中學有可能會被迫轉為中文中學。這就解釋到為什麼LSPS一直憂慮收生水準每況俞下。

對不起，聖若瑟的情況我並不清楚。

原文章由 Tatama123 於 2007/12/21 14:07 發表

Odin,
請問若2012年前LSPS轉為一條龍學校後, 是否小學部以後可以直升中學? 機會大不大?
另外St Joseph Primary 轉一條龍大不大?

Odin

這裏是一個公開的論壇，各位網友有權在此討論任何議題，不過若然議題涉及某些機構的負面評論，最好還是先向有關機構反映及查詢，若然跨過正當途徑而公開抨擊，對有關機構著實不公平，有關機構的聲譽可能因此就平白受損。

需知道瀏覽此論壇人數眾多，包括機構內外人仕，瀏覽者若為知情人仕，當然明白事情始末，但大部份在此瀏覽的均為局外人，若有人藉此大做文章，抹黑有關機構，但對改進有關事倩卻沒有絲毫幫助，相信亦不是各位網友樂見的。