9月會否到英國開學

SmileSmileSmile

家長唔陪就做UM穩陣啲，如果學校會派車到機場就更安全，航空公司會交到學校職員手，如無，試下問學校有無幫手訂車接小朋友服務，咁你就安心得多

我諗最重要係證件袋，之前買左個袋仔，只裝證件同部份英鎊，斜孭係個身入面（因為可能着风褸），但第一次去重有其他文件，要係文具店買個拉鏈袋比小朋友裝文件，方便過關，個證件袋無印良品有得賣，質素唔錯，以後自己回來，證件袋仔孭係衫入面，去邊都唔好除底

我影印左兩份證件同過關文件，正本放入頭先講個拉鏈袋，一件副本放入背囊，另一份放入喼，全部彩色影印，最好帶埋回鄉咭，有咩事都有得用

帶舊power bank，確保電話一定要有電，買定英國數據咭，叫佢係飛機換，買咭要留意，要一入咭就用得，了解下

而家疫情好點，但要傾好上飛機食唔食嘢，唔食就要帶定少少乾糧落機食，帶定個細水樽，過關後裝少少水，飛機途中飲少少，夠膽就可以問空姐攞，其實都有得派，驚小朋友唔識

獨立包裝消毒紙巾，去廁所時用來開門開馬桶蓋，去完又要抹手，上年九月坐cx,廁所無水洗手

裝個定位app，我裝左個叫“愛分享”係英國都睇到佢位置，你又會安心啲

我暫時諗到咁多，記得又講你知，小朋友要好清楚每一件文件

SmileSmileSmile

裝左，然後添加你小朋友個電話號碼，之後小朋友部手機確認，類似係咁，好簡單，小朋友係英，佢由學校行去附近超市都睇到佢位置移動，幾準確

21-3-30 09:00 上傳

下載附件 (8.18 KB)

SmileSmileSmile

cfs 發表於 21-3-30 09:25
我用google map的分享,有朋友用iphone咩都唔駛安裝已經見到,不過我小孩唔係用iphone,所以連繫google map也 ...

了解下先，小朋友用iPhone，但我唔係，唔知得唔得，如果得應該更準確，謝謝