2010-11 小三家長入嚟傾吓

GogoCheung

原帖由 KinKin_Mama 於 10-7-19 00:52 發表
chun2002             3C
Derdad                 3C
GogoCheung         3C


你地就好啦, 幾個一齊有伴.
有無人同我一樣係3A班?

我個仔由幼稚園到現在, 從來未讀過A班 .

GogoCheung

原帖由 chun2002 於 10-7-19 12:09 發表
我個仔都係未讀過A班 .

想請問大家有乜校內課外活動好呀? 我舊年幫佢報MATH CLUB, 好似之後計數就快咗D. 想問大家重有冇其他心得?

佢想玩乜就比佢玩乜, 連課外戶動都要計效益, 不需要吧!

話說, 我個仔暑假要去sjc踢波, 佢全場講野多個踢波.  但佢想玩, 我就當比佢參加群體活動, 踢個暑假就算.  不過想講, sjc個校監好似好鐘意踢波咁.  啱啱個星期六, 佢仲落埋場踢, 踢完仲請左几個小朋友及家長入去佢間房食餅, 我個仔食過D餅, 話好好食, 我連自已果塊都比埋佢食, 佢係咁問我係邊度有得賣   我個仔又懶, 又為食
仲要成日講野多個做野果隻

[ 本帖最後由 GogoCheung 於 10-7-19 12:37 編輯 ]

GogoCheung

原帖由 chun2002 於 10-7-19 13:39 發表
其實我只係想大家可以分享一下校內課外活動的樂趣和對小朋友有乜影響。 　因為真係唔會知道所有好唔好，唯有問下人？　有些會好悶，有些會好好玩，有些會好貴但唔知係咪咁好？　因為一年只有一次選擇，我只想收集一些意 ...

我個仔p1 及 p2都只係參加科學小先鋒, 佢好仲意, 今年暑假都參加埋.  所以佢無參加過其他活動, 幫唔到你.

GogoCheung

原帖由 chun2002 於 10-7-19 15:19 發表
Dear GogoCheung,

多謝你！　我成日問阿仔學校Ｄ嘢，佢都會答我：［唔知！唔記得！］　總之佢喺屋企就好少講學校Ｄ嘢，我又冇返學和其他家長交流，所以唯有靠在ＢＫ問人。







...

HA!!!  點解你個仔同我個仔一樣 , 唔鐘意同我講學校的事, 問佢又係答, 唔知, 唔記得咗. 睇黎, 我地今年都係要靠Derdad個仔

GogoCheung

原帖由 Derdad 於 10-7-28 14:32 發表
妳哋囝囝做哂暑期作業咪？
我嗰個日日哦佢，哦到尋日先至做完咋！

嘩!! 已經做完暑期作業, 好勁呀!!

GogoCheung

原帖由 Derdad 於 10-8-24 01:31 發表


死啦！我後日先至安排到有時間同個仔出外旅行，三十號先番嚟，唔知個仔會唔會玩到個心「創」哂唔讀書呢？

唔好咁想啦!!  玩要玩得儘, 先開心茄!  開左學就自自然然會回覆返狀態啦!
雖然我心情好沉重, 但都祝:旅途愉快

GogoCheung

原帖由 Derdad 於 10-8-24 22:47 發表


好在我哋係去上海世博考察，雖然應該唔算高危地區，但心情都唔係好好。奈何三個多月前買咗機票同門票，依家太遲，退唔到票了。

唔好想咁多, 放開d, 世博的確係值得去的地方.

GogoCheung

我個懞仔已經開左市, 琴日唔見左星島日報通告, 我又以為老師未派, 所以錯過左訂閱機會, 唔知可唔可以打去學校問下, 有無得補訂

GogoCheung

原帖由 Derdad 於 10-9-6 11:37 發表


開咗瓣細嘢，都叫做不幸中之大幸…

尋日奧數選拔，知唔知幾時有結果？

吓! 有d咁茄野, 我個仔一句都無提喎!

GogoCheung

[quote]原帖由 Derdad 於 10-9-6 11:37 發表


開咗瓣細嘢，都叫做不幸中之大幸…

琴日我問kinkinma支票台頭名, 寫定張票, 要佢自已返去交比班主任, 佢死都唔肯, 話星期五老師問過, 星期一仲有無人交, 當時無人舉手, 所以唔可以再交.
我就火都黎埋, 鬧佢鑊金 , 我要求佢自已返去問老師仲收唔收, 收就收, 唔收就算, 咁簡單茄事, 點解都無勇氣去做,  我希望佢自已面對返問題, 唔係吓吓要父母出面.  尤其開學之初, 老師都好忙, 都唔想麻煩老師.  最後, 我老公都打咗個電話返學校, 係以防佢唔交.

GogoCheung

原帖由 Derdad 於 10-9-6 15:19 發表


好似有一題，話[234人排成一行，按照"紅紅紅黃黃綠"嘅pattern 去着衫，排最後嗰個着咩色嘅衫 ?] 都唔識計呀！睇怕都又係要自己俾錢出去學…

對我嚟講，其實有時唔知阿仔喺學校發生過咩事好過 ...

Sorry Derdad,
我唔明點解你話要揼心及點解要出去學, 學校都無預先通知我地, 我相信學校就係唔想我地幫小朋友操練.  我向來對學校都係好信任亦相信佢地有自己一套.  比d信心學校, 乜都係出面學, 仲駛乜返學, 係咪?
話時話, 你個仔, 真係好叻, 連條題目都可以講返出黎, 我個仔就靜係話, 唔記得咗!!:cry:

GogoCheung

原帖由 Derdad 於 10-9-7 11:38 發表


其實好想俾個仔學吓同知道吓數學嘅世界，唔係淨係局限喺書本上啲枯燥嘅題目度，好多生活上遇到嘅問題，其實都可以化成數學去解釋和找到答案。

奧數有好多有趣嘅數學解難題俾個仔可以多用腦筋，所以好想佢去學。要出去學，唔 ...

吓!  我以為佢地係學校有得學, 唔緊要啦!  有經濟能力, 而小朋友又想學, 咪比佢出去學吓, 我只係擔心小朋友學太多野會辛苦.  唔好咁緊張啦, 睇下下面條LINK, 笑吓啦!
http://www.mitbbs.com/article_t/Joke/31737265.html

我係自由果邊COPY過來, 我就笑到出晒聲

[ 本帖最後由 GogoCheung 於 10-9-7 12:20 編輯 ]

GogoCheung

原帖由 Derdad 於 10-9-17 23:02 發表
想統計吓:
今年嘅英文8寶箱，妳哋會唔會俾三百幾蚊做「增進版」課程呢？

舊年我發覺英文8寶箱個網站間唔中都 down 機、出錯題、計錯分、亂哂位、亂哂碼…
補做又諸多限制，都唔知有冇心想人學嘢、耐唔耐又不能登入、「增 ...

八寶箱的系統問題, 我無理會, 只係覺得, 亞仔都無咁多時間做, 成日都唔記得或趕住訓無做, 當星期六或星期日有時間想做, 又話只可以補做2次, 又或者過左時間無得補做.  但我老公就話照參加, 所以都寫左票 .

[ 本帖最後由 GogoCheung 於 10-9-18 10:54 編輯 ]

GogoCheung

原帖由 Derdad 於 10-9-15 10:23 發表


尋日收到通告，原來我個仔俾學校取錄咗入奧數班。

睇番個開帖，原 ...

所以要比d信心學校同你個仔, 你個仔連條題目都可以返黎同你講, 又點會唔叻, 我個仔都有份, 但佢由暑假開始, 報左星期六踢波,錢都交晒, 所以都猶豫左一陣, 因為亞仔想踢波, 佢踢得唔好又懶, 敎錬成日笑佢係大老闆, 行行企企.  但見到佢同d同學仔搭晒膊頭, 有講有笑玩得好開心.  所以辛苦d都帶佢去玩.
不過最後, 我地都珍惜學校這個機會, 要亞仔參加左.  事實佢都鐘意計數.
而我就發揮c9本色 , 打去巨人足球, 問可唔可以退返部份錢.  佢地真係好好, 原來佢地連票都未入, 話可以寄返比我, 我當然請佢撕左就算, 慳返個郵票.  
話時話, 到底有几多人被選左, 如果按你所講, 一班10個, 咪有50人,  一個時段一班同時上晒嗎?

GogoCheung

原帖由 Derdad 於 10-9-18 19:14 發表

應該有兩班。到五、六年班時，會剩番一班
(免學費o架！) 十幾人咋！ ...

免費都要有能力先得o架!!  我個仔捱到今年都偷笑 .

GogoCheung

琴晚接個仔, 例牌幫佢攞書包, 嘩!!! 重到我一手都攞唔起, 揹完到宜加個膊頭都仲痛緊.
琴日, 亞仔要帶字典, 咁啱, 星期一又有齊中英數, 常識, 普通話, + 帶reader + 交garment + 交中精 (好似乜都係晒書包裡面), 再加一大樽水
返學係佢自已揹書包行8-10分鐘路, 再企住等媬姆車, 佢話一上到車, 成個書包都要掉底, 琴日係第一次聽佢講, 書包好重.
好彩佢都叫大隻, 如果細粒, 真係心痛死  .

GogoCheung

我個仔樽水係超大,因為佢p2投訴個水樽太細, 有時口渴,一次就飲晒, 所以要換隻大, 仲要裝滿返學. 死未!!

GogoCheung

因為裝水, 會小左時間玩囉!!

GogoCheung

其他媽咪, 你地係家長會, 有無聽到校長講, 課外活動申請唔成功, 可以再入紙, 但最好係星期一之前.
話說, 上星期六, 我好似聽到校長話, 如果參加唔到所選的課外活動, 星期一可以再入紙抽, 咁我返屋企又揾唔到重新申請回條, 咪叫老公寫左封信比校長, (我本來已為寫比課外活動主任, 但老公話通告係校長出,所以寫比校長) , 咁啱我琴日送亞仔返學, 我就攞封信去校務處,  果個先生攞住我封信入校長室, 一陣出返尼話校長唔係度, 叫我比亞仔交比班主任.
咁我就叫亞仔交比班主任,  我個仔佢一攞封信出去,班主任就話佢已經out左, 無得再交.  咁亞仔琴晚就攞返封信返黎, 我老公一見到封信, 就話我無聽清楚, 要佢白白做了功夫, 最慘係我老公話我聽錯晒d野

GogoCheung

原帖由 Derdad 於 10-9-28 21:53 發表


我聽校長話如果一樣課外活動都抽唔到嘅話就可以再入紙或直接搵佢…
唔知有冇記錯…

死火, 原來係我聽d唔聽d:loveliness: .   
所以, 我老公成日話個仔好似唔似, 唔好d野就似足我, 啱啱先比亞仔嚇親, 中默, 老師讀"支持"  佢竟然可以默左"之前" , 都唔知好嬲定好笑.