- 在線時間
- 328 小時
- 最後登錄
- 18-11-23
- 國民生產力
- 181
- 附加生產力
- 15
- 貢獻生產力
- 0
- 註冊時間
- 07-7-3
- 閱讀權限
- 10
- 帖子
- 1494
- 主題
- 5
- 精華
- 0
- 積分
- 1690
- UID
- 145266
|
係喎, 因為轉咗334, 還有些國家未承認新的學制資格, 我忘記了 !所以, 朋友們在為高中謀出路都難怪!
但其實佢都係P.2仔來的! 佢媽媽已經為d仔每月儲100英鎊, 將來讀書用 我覺得佢好勁, 好有遠見.....! 不過, 我叫佢儲Euro, 升值能力高D, 博英國遲D入埋歐盟區我都會效法吓佢, 不過每月儲10蚊Euro
係呀, 我都係2005年在書展買的, 見個書名好touching, 所以都買來看吓, 看完後.....我都有份失落, 怕自己都會係咁丫 (但係我無作者簽名喎 )
小孩上了中學, 樣樣嘢自己來, 都會是一種training, 好事來的......你個小朋友咁掂, 放心, 佢會自己好快懂的! 中學部同小學部咁近, 咁你咪叫阿仔得閒回小學部帶吓d小學弟, 回味吓做小學生的生活都唔錯ga
我個仔到英國遊學, 目的係想佢自理能力好d, 樣樣嘢自己上心, 去學處理! d人話我咁勇, 小二升小三就放佢過去, 我就覺得, 自理能力應該越早懂處理越好! 學唔學到英文是其次, 反而只係想佢在孤單中, 如何令自己懂溶入陌生的環境! 我有三個小孩, 總不能樣樣可以呵護備至, 只希望佢明白, 能自己處理, 勇於嘗試!
阿仔頭幾天在電話中, 都有哭, 哭著說很掛住我們......但電話以外, 佢都可以跟著一大班小孩一起玩, 一起上堂! 日子都過得開心, 佢地會去博物館/出外看吓, 沒有父母在身邊, 在陌生環境, 真係對佢來說係新挑戰!
反而最有趣便是, 佢去大英博物館, 夠膽睇木乃伊, 近距離影相! 但我和細仔自己去大英博物館時 (我這個暑假, 帶咗細仔歐遊, 唔使在香港心掛掛大仔), 我唔夠膽睇, 細仔不停在旁問 :點解會變咗木乃伊? 點解會係咁? 係唔係死咗就會變咗咁? 這一大堆問題, 我真係唔識答和唔想答, 嗱嗱聲走人了事!
所以, 得出一個結論, 就係沒有我在旁去影響佢地探究, 可能會更好
在這個行程, 原來阿仔有很多嘢係可以自己做到, 處理到! 聽返個帶團兩位老師說, 阿仔好乖, 好懂事, 雖然年紀細, 但係在團中是最齊整的一位, 所以選咗佢係男子組的leader! 係我意料之外.....如果佢在香港, 在家都能做到這樣, 我跟本就唔使shine錢比佢出去 。
所以, d仔在家和在外, 係真係兩個樣
都有得著, 起碼, 回來後, 同佢講 :自己去英國都試過, 好多嘢, 佢應該都做到的! 現在push佢去試去做, 唔使shine好多氣力, 叫佢都會去試!
昨天, 帶佢去踏單車, 叫佢試兩輪, (好耐無踏啦!!以前都係三個輪) 佢夠膽去學, 自己踏吓踏吓, 學懂了!
所以, 只要自己肯放手, 其實我們的小孩原來係可以的......
原帖由 csk 於 08-9-6 00:04 發表
JAMmama
得閒約飲茶慢慢傾,約到時間通知我
捨不得你長大那本書我也有,是2005年在書展買,還有作者簽名買回來便立即看了一遍。
我是捨不得小學,因為阿囝在這兒好開心,我亦沒有甚麼壓力,反而上到中學,樣樣要靠自己,老師再不會像現在樣樣為你安排好!
暑假時,我們和幾個同學也有約阿Sir出來聚舊,他因為家裡有事臨時不能帶隊也感到好可惜,他也想知道你囝囝覺得旅程如何?
關於去英國那條隊,我和有些家長也考慮過,讀兩年預科用A Level成績回來報香港的大學。不過,太多unknown暫時未計劃到點行!至於讀醫或律師,阿囝都唔似會咁勁,所以我唔擔心!但係334高考真係好可怕有媽咪去聽高中講座,話英國和澳洲大學未承認高考資格,如果想用香港高考預科成績直接入當地大學,便要搜集多些資料了。幸好,你囝囝地仲細,起碼多幾年經驗參考。 |
|