唐乃勤是否BAND 1

csy_ma

原帖由 elbar 於 11-12-12 14:37 發表


末代會考成績

學校 (2010)  6科14分百份比 各科平均優良率 唐乃勤 à 莊啟程
31.90 20.50

唐乃勤創校於1997年，當時為職業先修學校，學校並設有宿舍，予特殊需要人士。換言之，於一般家長而言，此校是band3中學。

去google一下，你會發現，直至2009年，仍有家長認為唐中是band3中學。2010年F5的畢業生，應是2005年入學的band3生。短短五年，學校能將band3生既水準增值為band2頭，確實 。2006年該校才宣布將與莊啟程結龍，2012年才有第一批唐中>莊預學生出土。學校的聲譽，是需要慢慢建立的，由07-11年，才只5年，學校的學生質素已被普遍認為是band2A，並不容易。

該校的2010年往績是把band3生的14分率提高至band2A水平，那自07年與莊接龍後，開始收band2，甚至部分band1生。收生質素改善了，教育工作則與莊預分工，老師專注於初中奠基，並著重通識思維訓練。預期該批質素漸次提高的學生，在新高中取得超逾一般中學的band2A水平成績，大概是合理預期？

（所有學校對於334新學制都是拉雜成軍，邊試邊教。唐中的好處，是它可以集中投放資源，只對付初中三年，戰線較一般中學窄。而莊預的老師則擅長教學生應付公開試，但也令人有點擔心，其高中生活是不是會側重於應試？也不知行高中制度時，會不會繼續維持其每科分大課和導修課的形式？）

[ 本帖最後由 csy_ma 於 11-12-14 13:04 編輯 ]

csy_ma

原帖由 Kittymummy 於 11-12-14 18:15 發表
唉, 真係煩. 今日小學已經比壓力我個女, 問佢點解會選擇唐中 (面口都唔係幾好 ). 佢地話學校只有band 3 學生先入, 仲話呢間野係band 3. 仲要係堂上講band 3學生選擇呢間啦, 容易派到架.... 攪到我亞女返黎唔多開心. ...

我囡都係 我囡話俾班主任老師聽，佢阿媽幾like唐乃勤，老師初則話唐校風唔好，又係直資……到我解釋俾阿囡聽，唐中係全港唯一既初中書院，僅三年，唔駛錢；老師又響升中講座話，唐中唔會直升莊預，到F4先黎搵學校，盞煩。自從阿囡向老師透露呢個消息後，老師不斷響私下同公開對佢同全班講：唐中不是好中學……

好彩，我囡自去年開始，已不斷被老師游說佢揀區內以功課多、校風嚴見稱既女校，佢雖然有次試前都受唔住壓力向我哭訴過 ，但歷成年既風浪，造成鐵甲已硬……加上佢有位自小一齊跳舞既好朋友入咗唐中，個朋友不斷同佢分享校內經歷，令佢未致抗拒。

不如換個角度睇：目前，認識唐中的只係少數家長，因此，競爭相對較弱。唐中既轉營，多半係靠口碑。例如，據聞有港島區名女校既未能直升學生，去咗讀唐中，回母校探老師時，老師發現佢地頗有長進，便邀其回校做一個畢業生分享講座，介紹唐中，以致唐中後來受該校學生留意。
又如，很多在EK瀏覽的家長，會稍為認識唐中。而多在EK瀏覽的家長，多半較其他家長更有閒暇、更有興趣尋找選校資訊、更關心子女，和更有獨立思考、不是一窩蜂趁校名的。因此，愈多人云亦云的家長放棄抽唐中的機會，對這些家長搜集和分析過資料的家長就愈有利。最少，這會出現更多的叩門位……

您咁安慰吓囡囡，會唔會好d？
仲有，可以多帶佢去參觀一些band2既地區中學，參觀時多跟同學仔聊天，令佢親身感受到兩校同學有咩分別，仲可以增加佢既分析能力添，唔係一個好既教育機會咩？

[ 本帖最後由 csy_ma 於 11-12-14 21:59 編輯 ]

csy_ma

原帖由 霖霖B媽咪 於 11-12-14 18:50 發表
又咁講吧, 你自己去過唐中, 見過D學生, 又去過其他BAND 2, BAND 1既學校. 如果唐中收既係BAND 3生, 有你當日OPEN DAY見既質素, 咁依間學校咪仲叻 短時間TRAIN UP 到BAND 3學生有咁既質素! 可能相信自己所見, 比聽人地既所聞會來得真確.

無論你最後決定係點, 自己都要勤力點, 搵多D各方面既資料, 有可能就去心儀既學校四圍行下, 睇下學生的行為. 依幾個月係辛苦D, 不過冇計, 既然玩得依個遊戲, 就要依住遊戲規則來玩 (被玩)吧! ...

嘩！乜原來妳仲快過我

csy_ma

原帖由 hongkeikei 於 11-12-14 19:22 發表


如果女兒屬Band 1學生,自行真係唔需要咁快選唐中.

自行階段,應該稍為進取一點.因為還有大抽獎;Band 1學生若自行選band 2學校,大多數會被取錄,無緣大抽獎.有些人試過見成績較差的同學,最後派到較佳學校,心裡就會很 ...

呢點我都同意 ，所以我囡響自行都冇揀唐中。唐中響大抽獎用黎包底（不過我囡個"底"定響較前，第二第三左右）最好 ，就算抽唔到，亦是叩門最佳之選（佢好似主要以英文語文能力為叩門收生標準）。

不過，佢既校舍真係幾細。雖然，好多人都講，中學，軟件（人）既因素強於硬件，但人既因素除咗老師，仲有同學。band1響收生素質上應較有保證，唐中可能近似直資，但不收費，所以硬件不如。我之所以咁喜歡唐中，還因為地理位置因素（由我屋企去唐中，坐巴士只有三個站，等車計大概半小時左右）。假如家住東九龍，或者會試一下其他直資，如同是保良的羅氏基金……

今天才跟另一EK家長講，選校，是一種機緣，當中可能蘊含很多我們今天不知道的玄機和伏線，我們都只能權充塞翁。無論如何，跟子女一起去選，一起打這場升中仗，一起去承受當中的喜或苦才最值得將來回味吧？

csy_ma

原帖由 hongkeikei 於 11-12-14 19:22 發表


另一位表姐讀上智,已中大畢業.她說學校讀書氣氛濃,都有些少壓力

老公問過在上智做既舊同事，佢話，響F4，上智好多學生都會響出面補習，有d甚至科科補，務求快人一步，理想達到。有時甚至會串老師，話佢口音唔係好正，不如去吓某名補習社名老師既網頁聽吓人地d發音

佢仲話上智高中既同學，趕功課或溫書至午夜十二點，閒事一宗，過半夜兩點先至比較少有……

所以，食得鹹魚抵得渴，入得名校，學生本身固然要有幾大動力同上進心至得，家長都要有一定財力支援和心理承受力，唔係點快人一步……