仁立紀念小學家長區 (2)

csy_ma

係？阿囡放學後瞓咗，而家答唔到您，不過若要假期返校補課，好應該有白紙黑紙既通告格？？ 聽日問吓先．．．

係勒，CCDC（城市當代舞蹈中心）既6-12未來舞士，會響3月開新班，今次時間改響下午1點至2點半，好好多

但係該班要經過考試，參加考試既資格係過去一年有參加過佢既兒童舞班既，即係話，起碼黎緊果期要報名架勒．佢地近排有開兒童踢躂舞同音樂劇舞班，好似都幾吸引．可惜我囡之前因為趕排舞表演，星期六跳兩個鐘，星期日跳兩個半鐘，好攰，根本唔肯再學新野:( ．

城當係政府每年用上千萬納稅人既錢養活既舞蹈機構，所以我地好應該盡用呢d屬於大家既資源．佢既好處，除咗質素ok有d保證外，最重要係都有d免費舞蹈節目睇，可以俾小朋友一d薰陶．

原文章由 cookie 於 07-12-11 15:00 發表
CSY MA,
想問下芭蕾舞係12月27日同28日係咪要返去補課呀, 阿囡講到唔清唔楚...
唔該哂
曲奇

csy_ma

原文章由 黃巴士 於 07-12-12 10:03 發表


14/12 今星期五, 我起飛都係填左唔去, 但係聽cys-ma講又想去, 唔知到時就咁去得唔得呢???

黃巴士

多謝您提起：原來後日就係，差d唔記得添．
我諗您去到，斷唔會趕您走掛？不過如果您呢兩日打返到學校，留埋位，大概會更好？

csy_ma

原文章由 wp-bn 於 07-12-12 15:17 發表
哈.. 我重叫我隻仔幫我問下老師可唔可以去, 點知我原來填咗參加, 今日話抽到了, 有通告派返來, 我可以去了

黃巴士, 打返學校問吓啦.
csy_ma, 同你次次都不能相認, 希望到時可以見面吧! 呀, 我仔仔話想同我一齊 ...

係囉，上次本來kswiss都話會幫我介紹，點知後來都走散埋．．今次終於可以相認了．親子日營您會去，囝囝當然都要去？

csy_ma

原文章由 Mrssslui 於 07-12-13 11:38 發表
你仔仔真有創意!

我都你咁話

wp-bn：

我之前搞錯咗您既意思添 ，我聽日都會去，仲會帶埋囡囡去添－－因為啱啱接到李美珊主任既電話，佢話鼓勵家長帶埋囝囝囡囡去，聽咗之後就可以作即席練習，咁可能仲快咁回饋到個效果添．聽日見

csy_ma

原文章由 sandy816 於 07-12-14 00:29 發表
我就比少爺激死喇..頭先佢地訓哂.我搵左個朋友落街飲奶茶.鬆下氣.真係唔知點算好.考試後四個中默.冇一次過九十分.仲要次次明識都寫到古零精怪.  ...

我都發覺阿囡響試後退步咗，中英默都破咗自小一以來的最低紀錄 ，開始明白有d高年級家長點解講，小朋友學習狀態如過山車，梗有高低潮－－惟有咁安慰自己:cry:

不過，讀書係長期作戰，總覺得我地學校d家長對名次之類略為緊張－－假如家長伴學既目標，係將子女送上大學既話，咁響而家既時勢，應該都唔係好難，所以有時，都係自己放鬆吓好（好彩今次放完假至考試，大人同細路都有得抖一抖 ）

csy_ma

原文章由 kswiss 於 07-12-14 08:54 發表
你地班咁遲派既?
下星期三又默書啦!都未開始溫,因為呢個星期好忙呀!我地昨日先至中默,又做趣作.

我地班今日默英默喇－－都有d麻目．我囡擒日連書都未抄，話眼瞓要休息，結果就瞓到今朝先預默當抄一次，但係都錯得幾多，好彩今次默既生字不算深

csy_ma

原文章由 kswiss 於 07-12-14 09:32 發表
你講哪一課英默? p. 52+55?

係呢個unit，不過係老師派既紙
唔好意思！走咗去睇第d野，返黎先見到您同我打招呼

csy_ma

原文章由 一新丁 於 07-12-21 13:12 發表
大家好！我是新來的，兒子讀小一。
想請問各位：
1.小一請問考試或測驗時，老師會讀卷嗎？
2.你們的孩子是怎樣在家做功課的？自己做？還是你們指導著做呢？要請補習嗎？ ...

歡迎您加入仁紀大家庭 ，假如家長不是很計較成績或名次的話，仁紀的學習生活應會很愉快的

１．小一全年都會讀卷，小二開始沒有．

２．這問題，小一時跟老師討論過．老師其實傾向家長不用糾正子女的功課誤差，讓老師更明白學生上課時的吸收能力．
小一生，其實智力年齡差距甚大，例如考試，有些在下學期已情願不讀卷，以便有更多自由的時間作答，有些如小囡般，如不讀卷可能”死梗”，很不一樣．所以很難說要家長指導還是自己做，看小朋友本身的能力．
小囡現在小二，做功課也要我在旁陪．看著她，不因為需要指導，而是要請她集中精神．小一的時候，縱然在安靜的環境，自己慣用的書桌上，但假如不陪她，很可能轉個頭回來，她的功課仍在原地踏步，安然不動．但也有在職家長的叻叻子女，在爸媽下班前已做完功課．到下學期已不用怎麼管．

至於補習，在小一階段，大概也不過請個大人回來督促其做完功課吧？不過，我倒聽說過不少成績頂尖的學生會上街外的鬼佬英文／珠心算／公文ｘｘ班，為求快人一步學高一點．看來效果也不錯．

這方面的彈性很大，您不如看看小孩的適應情況再作決定吧．

有一個溫馨提示 ：

仁紀在中英數都有網上功課，很多家長經常說，應付了日常功課已像打仗一樣，沒餘暇做那些沒有硬性規定的網上功課．但其實，網上功課費的時間不多，卻能引起小朋友的興趣，即時顯示的排名榜亦令其有競爭心和滿足感（有些排名榜只列參與量），其實是一個很好的溫故知新途徑（尤其是英文，可聽讀音，又增加閱讀量，打好長遠的基礎），最好還是盡用資源，多參與． （我一年級的時候也沒有上網做，後來才知走寶 ）．

csy_ma

原文章由 kswiss 於 07-12-21 12:11 發表
黃巴士,

你都係度,冇去日營?
好似個個都係度喎!

昨日阿囡發燒，喉嚨發炎，本來唔打算去今日既日營．點知佢今朝第一個醒來（昨晚已特地放她看書和跟她玩遊戲至一點幾，以便她今天起不來，誰知計謀失敗），自己探熱，冇燒，吵著要返學，唯有去．

好彩有去，天氣好，三個親子遊戲都勁好玩，係我這幾年去的親活動最好玩的一日．玩遊戲既分組，對著都係唔識、甚至唔同級既家長，真估唔到可以氣氛咁好．就好似某d機構搞既體驗培訓營咁，同組既家長由唔識變有商有量，全程又有導師（老師）旁觀，跟住仲有小組分享等，真似有d出面收費高級既體驗課程feel

不過，就係因為行程緊密，分組又散，都真係冇乜時間同相熟而少見既家長交換情報，倒可以向高年級既家長傾吓－－可能接觸既多半係AB班既叻仔叻囡，d高年級家長有話小三功課會多咗，又有補課，但佢地既小朋友都會適應得幾快．

另外，我都見過唔只一位老師針對性咁搵佢地教緊既小朋友家長溝通，交流其上課表現．似乎，d老師都幾細心，仲會留意到小朋友小息時既社交狀況，果然好有心

csy_ma

原文章由 kswiss 於 07-12-20 17:08 發表
英文學會招募會員
呢篇又係,一題4%架!真係好'貴'呀!
Q1問什麼時間舉行
Q2問以什麼名義出 - 小朋友原來估唔到什麼叫 '名義'!
Q3問目的 - 其實就係個 subject heading, 佢地又唔識抄.

原來呢篇文對佢地嚟講係咁深既! ...

wp-bn個囝講得啱，小測唔計分，正好俾機會佢地學d上堂未必講到既野，今次衰咗，自然印象深刻，易入腦d．老師呢條蹺都唔錯

反而係英數，據高年級家長觀察，小測測咗既，考試多半都唔會重複，所以小測淺既話，考試多數會深 ．

而臨放假要交既數學功課咁深（因為老公跟，冇睇到添，都唔知點同佢溫，好彩奧數網講既野幾接近，希望到時仲可以搵返黎做），可能係為蹺奇考試題目鋪路 （聽講舊年總測既數學試卷好需要用腦，今年就淺到暈，怕者考試都可能補返數）．

csy_ma

原文章由 一新丁 於 07-12-28 14:07 發表
你所提及的是否中英文科的每日一篇呢？你陪女兒一起上網做練習還是她自己懂得上了？
我真的不能負擔太多時間在他的功課上，但矛盾的我又希望他成績有進步！
希望能在這 ...

各位：

先補祝新年快樂！

不經不覺，假放完，試也考了兩天了，成績為何不得而知．倒聽說同級某些班整個暑假每天都有功課，不多，但老師表列在手冊上，要他們每天跟著時間表溫習和抄寫，原來，小朋友真係會跟著做．．．

一新丁的矛盾，其實好多家長都有．說實話，我不大喜歡多抄寫功課（因覺其為高投入低回報的項目），頗慶幸不是在那老師代周詳計劃的一班．不過，少功課亦未必受歡迎．聽到功課出名少的家長普遍表不滿，蘊釀擬建議信，促校方施壓增加該班功課．

事緣該班因為學生平均質素好，向被視為一二年級中的精英班，亦素來少功課．但上次總測後，該班好多同學仔的成績均大倒退，老師卻依然故我，少功課，亦少小測，假期非常有空．致該班家長深感壓力重大，希望藉書面反映，能令老師加重功課量，讓小朋友知驚．

事件演成如何，暫未得知．聽講話唔想搞到各家長集體簽名咁大件事，不過意見就肯定會反映云云．．．

其實，功課係唔係會同成績掛勾，甚至成正比，個人有少少保留．不過，功課少唔等於老師出力會少，好似我地班咁，可能總測後成績見倒退，中文老師響每課之後均安排小測．唔計分既小測，家長幫唔切小朋友溫，可以放棄，但派卷後，老師定家長都一定會解釋．小測唔及格，小朋友都要罰小息再答一次，咁就保證到小朋友可以吸收到 ．

上網做功課，都發現自己班保持呢個習慣既同學比例偏高，幾開心架 ．唔知咁會唔會短線反映響成績上呢？不過長遠就應該實有幫助．一新丁問我地駛唔駛同小朋友一齊做，我既情況係同閱讀一樣，最初要陪，慢慢佢有興趣同有信心就唔駛．
我知道有d在職家長好少同小朋友一齊做網上練習，但小朋友自己做既頻率同成績都唔低 ．

老實講，親子時間寶貴，花埋d時間響功課度都幾冇謂，梗係氹掂小朋友速速做完，等父母檢查完一齊玩好過 ．對於考試，我向來都係睇一次就算溫咗，不過自己要求唔高（所以至今都未到達每科皆80分以上既目標），情況唔作得準．
我屋企少開電視，又冇遊戲玩，小朋友唔溫書，唔係睇書就畫畫，再唔係自言自語玩扮演遊戲．．．小學生活大概應該係開心，唔洗咁多煩惱既，真係唔想佢地花咁多時間坐定定”溫書”，所以假期都情願大人同細路都偷懶d好過

希望其他有努力同少努力既細路同家長，響呢次考試都有過得去既成績:)

csy_ma

原文章由 wp-bn 於 08-1-9 22:39 發表
你地班派咗咁多卷哪, 我地只得英默炸

我地擒係派咗三科喇 睇考卷，似乎中文淺咗（不過我囡仍然在上次錯咗既地方重覆犯錯 ，好彩終見8字頭，達到我地由佢一年級開始俾佢既基準 ），最小閱讀理解冇諸如”黑壓壓””怯”等令小朋友怯既字．

英文都似乎幾淺，我地班聽講普遍既成績都唔差，級第一仲攞到滿分添 ．

至於數學，係題目多．佔五分既文字題偏淺．要思考既題目唔算多，似乎今次考試都係幾鬆手

不過仲有卷二同常識，睇到您地講到d題目出黎，真係唔易，幾擔心

另學校搞咗個優秀教師選舉，好開心 ．我囡已寫晒12345既排名俾我，剩叫我地幫佢簽名．但係我心目中既好老師，既循循善誘，又愛心關懷，亦啟發潛能，咁響唔同既三項中，可唔可以都選同一個人

csy_ma

kswiss：

原來係咁！囡囡都冇同我講仲有一張 睇黎學校又真係幾民主喎

我諗，太緊張排名既家長心態，會好易影響子女．所以，我近來都冇乜八其他同學考成點，只係要求囡囡進步既科目比退步既科目多就算．

csy_ma

原文章由 黃巴士 於 08-1-10 15:33 發表
又派左英文卷二, 第1篇閱讀理解, 好長呀!!!!

黃巴士

聽囡囡返黎講，老師話卷二既普遍成績唔係太好，幾多人攞7字頭，仲有人唔及格添

csy_ma

原文章由 黃巴士 於 08-1-11 11:08 發表
最近囝囝成日睇"老夫子", 間中睇吓真係無所謂, 但係佢有D因為睇左漫畫, 而無咁想睇"有益"圖書(因為多字).  大家話點好呢??? 希望佢班睇漫畫嘅風氣, 唔好咁勁

係呀！我囡都係，考試進行中已經要我買，又同同學仔交換．不過佢因為好鍾意攞起本書，老夫子塞唔晒佢d時間，所以都不致話唔睇其他（都有漫畫架）．

我諗您唔晒咁擔心，之前，我囡好長時期剩係睇一至兩套漫畫（一套四至五集），成年都係咁 ，但後來又會提出d問題，發覺佢終於有睇圖側邊既字．之後，佢響他校小朋友既影響下（多謝位朋友既媽咪出手），開始睇細細本既字多圖少既書，有時又會搵返以前d士多啤梨妹妹同公主圖書睇．考試後，佢就突然翻書架，搵出我以前叫佢都唔睇既非故事書睇，睇到催佢都唔肯瞓添．

細路仔既野，只要肯對住本書，而唔係電視或者遊戲機（雖則都未必唔好），都好好．放心喇，佢唔會永遠睇老夫子既

csy_ma

原文章由 wp-bn 於 08-1-11 16:39 發表
我覺得你嗰仔好盡力, 其實佢識答,需然唔記得點寫, 但會盡量答題 . 我都成日同我隻仔講, 唔好比份卷有空白, 老師睇見你有盡力及有誠意, 扣分時會扣少啲  

...

之前我出咗d模擬試題俾囡囡答，結果囡囡寫晒x或者同音字，就話俾我聽，老師話咁都得，總之盡量寫，可以扣少d分．

似乎同班既黃巴士囝囝好聽老師話噃 ，我囡都係，會答：農曆新年活動：看ｘ花，過年時賀年說話：龍馬晶神，乾電池兩端代表：負ｘ正ｘ ，  又可能溫習時間太緊（星期一先溫），唔夠時間瞓，排序時竟把有句號既B排響第二（不小心向是她的強項，中卷一有類似既排序，佢都會寫BCDB咁）

結果佢常識既分數退步咗幾多，不過近排俾BK網上第間學校既家長教育得多，都唔想咁計較（總覺得考試係考底子既，阿囡都唔係點肯睇非故事既書，好難好，靠操卷操到高分，就幾無謂 ）．留前鬥後，總之培養咗佢既閱讀興趣先

kswiss同黃巴士：

好羡慕您地 ．雖然我囡都要求我買咗本老鼠記者，但我買時都預知佢暫時唔會讀，遑論非故事既知識書（佢近排睇果本，係我之前介紹過既Longman由名設計師繪既品德書），不過情況已經變好，同志繼續努力

csy_ma

原文章由 kswiss 於 08-1-11 21:00 發表
有一題係看圖判斷,要選出尊重別人的行為,其實圖'B'是什麼意思呢?哪題是對定錯呢?

應該係分享玩具唯一既”對”答案．

我囡既問題題倒在現在未能參加既活動，佢揀咗旅行，因為佢以為係冇家長陪同要獨自參與，我話，羽毛球都要兩個人打嫁喇，佢話可以係兩個小朋友．後來我問，妳係唔係識潛水個潛字，佢話係．

跟住話佢都可以潛水，點解算未能參加？原來，大人既理解同小朋友好唔同．大人直覺就以為係要戴氧氣筒既潛水，小朋友則以為好似佢地玩水咁，鬥潛至泳池水底就算潛水．由於佢唯一接觸過氧氣筒潛水果次，係參觀消防船設備時個潛水員模型，當時唔記得咗係4定5歲，但係佢見到就好驚，立刻要避開（我諗，有時響roadshow都有得播，但係冇同佢講，佢就唔會留意到），所以都好難解釋徒手浮潛同戴氧潛水既分別 ．

其實，而家d學習媒體非常多元．擒日同囡囡溫倫宗，我地一向都係一邊睇課文，一邊搵兒童聖經講返相關既故事就算．講到約瑟重認兄弟果部分，佢就話兒童聖經太簡單，其實之前仲有一個古仔，跟住講出．．．問佢響邊度聽既，佢話係上堂睇VCD既．

聽講常識堂都有VCD睇，聞說有班老師上堂時仲剩係放VCD，唔講書．我話俾老公聽，佢認為只要小朋友吸收到，老師唔講亦無不當．．．

[ 本文章最後由 csy_ma 於 08-1-11 22:57 編輯 ]

csy_ma

原文章由 大媽嵐 於 08-1-12 16:45 發表
精英班高低立見！！

各位：

即將知悉子女這學期成績了，心情如何？以下文章抄自宣小一位家長的博客（http://www.baby-kingdom.com/?uid-35057-action-viewspace-itemid-10455），讓大家清清心

在求學時期，分數被認定為孩子獲取知識的能力指標。但這個指標準確嗎？求學時期分數的高低真的和日後的成就有直接的關係嗎？你身邊的成功人士，他們小時候的成績是怎樣的呢？

人類獲取知識的途徑大約可分為三種：
(1)間接由其他人獲得；
(2)別人直接訴說的或教導的；和
(3)自己鑽研、探究或領會出來的。

間接從人家處取得的知識有很多方式，其中包括別人寫書，而我們閱讀書本，從中吸取知識。因此培養閱讀的興趣和能力是十分重要的。

直接的傳授，小時候最重要的能力是專注，能吸收老師的教學內容。長大後，所要求的能力不再是專注，而是懂得問適當的問題和懂得處理人際關系，這樣人們才願意告訴你。

鑽研探究就需要有冒險探索的精神和追求目標的熱誠。要做科學家、發明家，甚至係企業家，都一定要勇於嘗試。

因此這些能力，包括閱讀、好奇、愛發問、人性技能(human skills)，願意探索嘗試以及追求目標的熱誠，都是在求學時期應該逐漸建立的態度和能力。分數當然反映不了這些能力的發展，所以亦不能準確反映日後的成就。

可惜宣小沒有中學，分數自然影響著升學。想不理會分數也不可能。「求學不是求分數」在現有的教育制度下，真的不容易做到。

csy_ma

原文章由 csy_ma 於 08-1-12 21:47 發表


各位：

即將知悉子女這學期成績了，心情如何？以下文章抄自宣小一位家長的博客（http://www.baby-kingdom.com/?uid ... wspace-itemid-10455），讓大家清清心

忘了抄文章題目：分數高低不代表獲取知識的能力

csy_ma

為進一步”恐嚇”各位，請您們多鼓勵少比較，再引另一位發言者的言論：

"過份重視競爭，強調彼此的比較，以評量成績的優劣來評斷學生能力與價值，將影響學生喪失自發性的學習動機，並因名次降低而喪失信心與學習興趣。(詹秀美，1989；Davis & Rimm, 1998)。

過於強調團體競爭的結果，許多孩子經常感受到失敗、挫折，因而喪失自信心。

團體比較及外在獎勵，使孩子處處要跟別人比較，要靠成績贏別人來博取師長父母的認同，孩子的學習動機因而是外在的。有的孩子經歷過多的挫折失敗以後，容易認為自己不行，自己不夠好，不可能受到老師父母的讚美，結果外在動力消失了，追求好成績的意願減低了，原有的一些能力也放棄了。

每個孩子能力不同，不能採是否「贏別人」來評量自己的價值及努力的程度。如果過份強調競爭，一定非贏別人不可，才是好學生，結果贏不了的人，很容易喪失學習興趣與動機，即使他們有能力也沒有發揮的動力。

i believe in self -motivation.

（摘自http://forum.baby-kingdom.com/vi ... p;extra=&page=1
ｍattsmum的言論