收拾心情準備玩大抽獎既朋友仔....

traeh

原帖由 eatcookies 於 10-11-9 17:44 發表
有D人話甲部2&3可以留空，其實填同唔填有無分別呢？

有分別，如果你甲二、三填正一間有空位嘅學校，咁就會派咗入去，無得再抽乙部。

所以，除非你有間跨區係首選，咁甲一就填跨區，甲二填本區首選，或者有兩三間跨區係你心中排名都比本區好，咁就甲一、二甚至三都填跨區。否則，甲一填咗本區首選，甲二就唔好填啦。

又除非你有兩三間本區都覺得差唔多，入邊間都無所謂，咁就可以填晒入甲一、二、三。

traeh

派位機制，係先派甲一，根據小朋友隨機編號先後派，派完未有位嘅，再睇佢甲二來派，又係全部派完，未有位溉去甲三，派完晒甲三至去乙部。不如舉個例啦：

假如你最心儀九龍塘喇沙小學，但住東區，又想搏一搏，咁甲一就填喇沙，甲二填返本區首選，隨口舉個例：循道。如果喇沙入到，咁就最好啦，入唔到就會再抽甲二，咁入到甲二都好，因為甲二就係你嘅乙一。甲二都入唔到，就會抽甲三。如果你無填甲三，就會等全港都派晒甲三後，一齊進入乙部繼續派位。如果你甲三填一間無循道咁理想嘅學校，你又咁好彩入到，咁就算你乙一填返循道，都無機會去抽啦。

如果你完全無跨區想揀，咁甲一同乙一所選學校，應該一樣，但甲二填second choice的話，你又好好彩入咗，同樣都係無機會再抽乙一first choice。

除非你乙一同二都覺得係一樣，入邊間都無所謂，咁咪可以填晒落甲部囉。

原帖由 eatcookies 於 10-11-9 19:35 發表


thanks. 但咁點解有人會提議要留空甲2&3呢？填返心儀跨區學校或重覆乙部頭幾個唔係仲好咩？

traeh

甲部只係派好少位，大約每100個學位只有5個係比甲部抽，好似喇沙有約180個學位，即係得約9個位比甲部，瑪利諾約150個位就得約7、8個比甲部，你大概可以估到機會幾多。

有人會考慮，甲部填過間學校，起碼第日叩門時都可以表示誠意。但如果間學校係超級熱門，跨區都咁hit，叩門淨係得誠意亦未必夠。

原帖由 share123 於 10-11-10 11:54 發表
甘我想問下,如果甲一二三都系跨區最hit既學校,會晤會甲二三等於白填? 因為佢可能好多人都放呢兩間系甲一........

[ 本帖最後由 traeh 於 10-11-10 12:19 編輯 ]

traeh

除非部電腦short咗

原帖由 share123 於 10-11-10 12:27 發表


甘例如maryknoll有500人填甲一,但甲一只有7,8個位, 甘如果有人將maryknoll填甲二/三,技術上呢d人係無可能抽到,系咪呀?

traeh

要視乎你想叩邊間門。如果真係喇沙瑪利諾之類，有齊誠意、能力、禮貌同cert，都仲要有人脈關係，唔係咁容易。老牌名校淨係校友都大把，仲有其他相關人士，佢地嘅仔女要叩門入去，都要有一定表現。

如果你甲二、三反正都係留空，想填埋呢類甲一都未必抽到嘅學校，都無所謂。

原帖由 olima 於 10-11-10 14:22 發表
咁如果真係預左玩到叩門(跨區勁hit學校)，甲二及三應留空，還是也要填下去(反正一定抽唔到)，表示誠意呢﹖

除了誠意，小朋友應對能力、禮貌以及cert之外，叩門時還需注意甚麼﹖


...

traeh

唔駛客氣，我都淨係講到我所見所知，如果有其他BK爸媽有更多高見仲好。

補充一句，都有部分老牌名校會收無關係但表現好嘅叩門生，不過真係要有耐性等，同埋不斷努力表現誠意。希望大家抽得中first choice，唔駛煩！

原帖由 milkonline2 於 10-11-10 15:51 發表
Traeh, thanks for your sharing! Really appreciated!!!