未必要讀名校

寶貝豬的媽咪

我都有一個親身經歷想同大家分享下, 我個仔升小學時, 比一間都好有名氣的小學取錄咗, 個時都好開心.

點知....英文堂全部用英文教, 而且測驗同考試的內容完全係書度搵唔到, 即係靠平時小朋友自己睇課外書, 做出面的補充練習.  我一路都唔知學校係咁, 因為亞仔太細唔識講比我知, 開學時同平時校長同老師都無提過小一開始就以英文授課, 所以我用盡辦法都幫唔到個仔係英文科讀好d.  直至第二學期中開始咗, 佢英文老師打比我, 話我個仔追唔上程度, 我細問之下先知佢地學校係要求小朋友從小到大都要識聽識講英文, 佢老師仲要求(唔係建議:evil: )我搵補習老師, 咁我咪搵囉! 個補習姐姐都好有心機同我個仔補, 而且我問返我個仔d英文問題, 佢都識答, 點知測驗同考試時d內容係完全未見過, 形式都係做功課時無做過 .  終於都係唔合格, 補習姐姐都話佢都唔知同我個仔可以溫d咩, 因為完全無範圍比佢參考 .  攪到亞仔日日都唔想返學, 返到學校上英文堂時玩擦膠, 自此形成壞習慣, 一聽唔明無心機上堂就將文具解體 ....

而且間學校成日都要做專題研習, 小一得個6歲多d, 識鬼做project咩, 咪又係亞媽做, 做完仲要比老師寫話份project做得唔夠專業喎, 小一咋, 題目仲要係"我愛我的家庭", 要點專業呀 .  睇完佢老師的評語真係火都黎埋.  最後同亞仔轉咗1間唔係咁出名但係band1的學校, 亞仔讀得好開心直到而家升中一.

咁你地仲嚮唔嚮往名校呢?!  自己身為家長深思一吓la.

寶貝豬的媽咪

個校長d態度係咪咁差就唔知la, 不過, 名校不嬲都唔怕無人讀, 所以不論校長或老師都係大支野.  佢覺得你唔讀咩, 大把人爭住讀.

我識得一個高年班的家長, 佢個仔仲慘呀, 讀到小五時追唔上程度, 佢只係上堂無心機咋, 都唔係攪攪陣.  但d老師費時佢影響其他同學上堂唔專心, 佢一返到課室, d老師就叫佢坐係課室門口直到放學, 簡直係放棄佢.  你話la, 個小朋友連尊嚴都無埋, d老師學咩人教書呀, 直頭係誤人子弟 .

最後個家長送咗個仔去外國讀書, 佢話外國d教育制度同環境會好d, 同埋佢唔想個仔讀書不成仲要攪到有抑鬱病

寶貝豬的媽咪

都唔知咩心態:tongue:

寶貝豬的媽咪

睇到d家長一提起名校, 反應真係大, 大到得人驚 . 其實支持名牌同唔支持都係個人選擇, 只不過大家無乜野做係bk度發表下個人意見, 吹下水.  啱睇咪睇囉, 唔啱睇當無睇過都得嫁, 使乜單單打打....係度展開罵戰 .  

所以話而家d家長可以為咗1個自己堅持嘅信念同一啖氣...唔衰得, 就要d小朋友不斷追、趕、跑, 一定唔可以落後於他人, 務求做到100分.  小朋友壓力可想而知, 派中學個日見到幾多家長一路幫d細路叫門, 一路罵仔女, 發晒脾氣.  係我眼中只係見到小朋友臉上個種無奈同旁惶, 你估佢想派唔到心水學校咩 ....

還記得早排1個12歲仔, 成績稍為落後, 亞媽要佢寫悔過書, 佢真係寫....但寫完之後就跳咗落黎, 呢種行為係一種無聲抗議, 佢好冷靜唔係一時衝動, 我對於佢個種冷靜覺得好心寒...只有12歲!!!  我唔知佢亞媽收到封信個時的心情係點, 我亦都唔敢諗.  只係覺得可惜&同情, 不論係對小朋友或佢亞媽, 只有一句...早知今日何必當初.

你地喜歡名牌唔係錯, 是真心話.  我自問對小朋友都有要求, 只係我的要求只在中間, 唔需要小朋友拿100分, 佢地每科都拿到75分以上我都好開心, 盡咗力就得.  佢地見到我愛佢地, 佢地自然唔會差得去邊, 起碼我d小朋友操行全拿A, 成日錫錫我.

唉...好長氣.  都係個句, 啱睇就..唔啱睇當無睇過.

寶貝豬的媽咪

Sandy,

你好, 我身為母親點會唔明每個父母都係為仔女好, 我亦唔係話名校唔好, 只不過係想話唔讀名校都唔一定無前途. 你地各位千其唔好誤會.

Sandy你講得好啱, 點解你又係咁教女, 要佢寫悔過書都無事, 而12歲仔就睇唔開要死, 我唔係佢, 我答唔到你.  但你要知道10隻手指都有長短, 每個人都係一個獨立個體, 性格係唔會一樣, 所以公平d唔好比較, 人比人, 比死人.  試問一下, 你老公將你同佢d朋友/同事個老婆比較, 咁你會點?  只可以講個小朋友諗錯咗, 以為只有死先可以解決問題.

其實我最同情o個媽媽, 因為佢先係最慘個o個.  唔知呀, 有感而發...吹下水, 懶感性 .  我只係知道我地都曾經做過細路仔, 年青過.  如果你地可以回想一下o係你地細個時, 最唔想父母做d乜, 最想父母點對你地, 咁你地就會明白多d你地d小朋友, 親子關係都會好d.

寶貝豬的媽咪

hoho....我都見過好多小朋友天生就係讀書材料, 根本都唔使父母操心, 小朋友除咗會自動自覺讀書之外, 還會主動睇課外書.  年年考全級頭3名, 小一到小六都名列前茅, 仲考到名校之中的名校, 讀到中學一樣成績優異, 嗱.....呢d小朋友我就絕對讚成佢地讀名校, 唔讀名校就真係浪費咗佢地, 對天發誓我真係識得有呢d小朋友.但係...又有幾多個小朋友係咁樣的, 我諗唔會太多.

其他讀到名校的小朋友要keep住好成績係要付出好大的時間同努力, 咁佢地咪有壓力囉, 加上父母見到佢地係讀到書, 又唔係蠢, 只需要push佢地多d, 咁d小朋友咪可以再讀得好d囉(我都係咁諗 ), 父母冇做錯到, 只係小朋友d壓力又再多d咁囉, 所以要幫佢地減壓囉. 其實我個人覺得因材施教好緊要, 只要match得到, 每個小朋友都係天材, 都可以有好大的成就.  

當然, 而家實在太多自殺報導, 攪到d細路仔成日話死比你睇, 社會風氣問題 . 我地做父母只可以由小到大教導佢地要有正確的人生觀, 做人唔好太執著, 要勇敢唔對失敗, 1次失敗唔代表永遠失敗, 失敗只為幫你從中得到經驗同教訓, 久而久之, d小朋友就會識得面對和承受到失敗, 之後再黎過, 咁悲劇就可以減少d.  12歲仔的case我只係覺得好可惜&同情個媽媽, 我睇報導覺得佢係一個好媽媽, 只係用的方法嚴厲咗, 個仔諗錯咗行錯路, 其實個媽媽已經無咗仔, 呢個已經係對佢最大的懲罰, 一生一世.  我個人只係用呢d case來提醒自己, 冇其他用意.