女兒通識科成績很低， 有什麼方法呢？

王家爸爸

10396 發表於 18-5-5 14:21
可以分享答題formula嗎？

先知道係同意唔同意（有幾同意或者唔同意）題，定係因果關係題。

王家爸爸

同意唔同意（有幾同意或者唔同意）題：
例如「追到校花喺某程度上係無可能既」，假設你認為很大程度上你同意呢個講法，你先講某程度上我同意呢個講法，然後講出各追求方法既不足之處（需要例子），同時亦都需要指出各種方法也可能有一定成效（需要例子）。但係比較不足之處與成效之後，由於嘜野（需要具體）既局限，絕大多數男仔都係無可能追到校花小姐既，因此追到校花喺某程度上係無可能既。
「追到校花」可以用任何野取代，例如「禁煙」、「禁酒」、「禁隨意過馬路」等。

王家爸爸

因果關係題：
例如「被男仔捧為校花某程度上係決定於你有幾靚」。「被男仔捧為校花」係結果，而「你有幾靚」係原因之一，所以呢條係因果關係既問題。假設你既立場係好大程度同意，咁你首先需要指出「你有幾靚」如何增加你「被男仔捧為校花」既機會（需要例子，用例子證明），同時你亦都需要指出「被男仔捧為校花」既其他因素（需要例子，用例子證明），但比較之下「被男仔捧為校花」既機會既根本原因係「你有幾靚」，由此可見「你有幾靚」比其他任何因素都更為重要，所以係好大程度上「被男仔捧為校花某程度上係決定於你有幾靚」。
「被男仔捧為校花某程度上係決定於你有幾靚」可以用任何野取代，例如「入到三大某程度上係決定於你讀唔讀到B1學校」、「飽某程度上係決定於你食得多唔多」、「中美貿易順差某程度上係決定於美國商品既出口競爭力」等等。

王家爸爸

當然仲有Feasibility同Suggestion題。

王家爸爸

10396 發表於 18-5-10 07:52
謝謝回覆，如Feasibility同Suggestion題時，可如何掌握答題？

建議類既題目：
用返追校花既例子，如果題目係「請提出三個提高追到校花既機會既成效措施」。
咁你就老老實實列出三個方法（三種措施），唔好多，唔好少。
例如，你既措施一係「執靚自己」，咁你就首先要深入、具體咁寫出你可以點「執靚自己」；第二，需要詳細說明「執靚自己」對「提高追到校花既機會」有嘜作用；第三，需要預期「執靚自己」會面對嘜野具體困難，例如自己滿面暗瘡，好難「執靚自己」；第四，深入探討解決預期困難（例如自己滿面暗瘡好難執）既具體方法。
另外兩個方法（措施）用相同既方法寫。
同樣，「追到校花」可以用任何野取代，例如「禁煙」、「禁酒」、「禁隨意過馬路」等。

王家爸爸

可行性類既題目：
用返校花既例子，如果題目係「試評估校花成為學霸既可行性」。
首先睇下，有嘜野stakeholders涉及其中，然後評估唔同既stakeholders有多大既能力及會唔會幫「校花」練成「學霸」。
然後，逐一分析。
假設你先詳細分析「觀音兵」，「觀音兵」自己成績都唔好，有心想幫「校花」練成「學霸」，但係無能為力（需要例子支持）。
假設你第二個分析既係現在既「學霸」，現在既「學霸」係女仔，而且同「校花」唔啱，所以佢雖然有能力幫「校花」練成「學霸」，但係佢唔會幫。
第三、第四......個stakeholders用同一方法。
最後寫結論，由於唔同既stakeholders一係有心無力，一係有力無心，所以我哋得出既結論係：「校花」練成「學霸」既可行性非常低。

王家爸爸

happyfamilybaby 發表於 18-10-22 09:03
有補習，學咗答題技巧，但發揮不到，是否應該多睇報紙呢？

多睇報紙，加上多啲諗。

王家爸爸

skkeung 發表於 18-11-14 08:13
先檢討後將責任轉嫁

點樣責任轉嫁？轉嫁咗責任跟住點？