應否幫小學生取得好成績?

palmchristy

其實一直都有掙扎, 雖然已經過左呢個階段, 就係: 究竟應否幫小朋友在小學階段取得好成績.

經驗話我知: 小朋友係可以透過早教及其他幫助, 在小學階段取得好成績的.  這個好成績, 與補習無關, 也未必關讀邊間幼稚園事, 而是靠家長跟緊一些.

點解咁問? 因為覺得小朋友的自信心, 某程度上同佢是否取得好成績有關. 見過一直保持好成績的小朋友, 細細個已經會有要求, 識得在學業上緊張, 因為唔想成績跌返落去, 所以唔會懶散.

但同時, 佢地好似燃燒緊未來的青春咁, 有時見到都覺得佢地辛苦. 一個階段的成功, 如果係建基於透支將來, 對成長未必係好事, 因為佢地總會有乏力的一日.

大家點睇?

palmchristy

1998Ruby1998 發表於 17-3-14 17:08
我都明白呢種感受。

不過「唔跌得落去」，好多小朋友會扭曲成「我唔失敗得」而唔係「我要 keep 住呢個成績 ...

不過「唔跌得落去」，好多小朋友會扭曲成「我唔失敗得」

呢件事係會發生, 而且發展落去, 會好令人擔心.

至於劃表分析討論, 似乎高小係最後階段做呢樣野. 一到中學, 個回應相信係: 知啦, 你好煩!

palmchristy

hkpapa852 發表於 17-3-14 17:10
我既諗法係, 只要唔會令小朋友增加太多壓力, 我認為可以.

我自己到依家都無俾小朋友去補習, 只係安排小朋 ...

無補習好勁. 唔知有幾多父母做得到.

palmchristy

MC1128 發表於 17-3-14 17:20
回覆 palmchristy 的帖子

我會從旁協助,  但目的不是要孩子跑前很多, 保持中間位置即可

師姐, 到中學要向你請教吓.

palmchristy

little_yolky 發表於 17-3-14 17:25
我又覺得小朋友有無自信心同佢係咪好成績無必然關係喎。

我大女小一成績都係一般, 不過佢對學業好緊張, 好 ...

咁兩姐妹一定係有啲其他野做得好好, 並得到認同.

palmchristy

jumphigh 發表於 17-3-15 09:56
成绩好自然有自信，有自信亦会对保持及提升更好成績有幫助。

呢個好似係一個好的循環.

只係擔心小朋友會唔會俾好大壓力自己? 另外萬一有日個循環破左, 例如某次唔知點解成績大跌, 影響埋自信, 都幾頭痕.

palmchristy

October. 發表於 17-3-15 12:24
如果純粹要自信,又唔至淨係成績好先俾到既, 運動、音樂及其它技能出色的話,都可以令人提高自信心及自我形像 ...

同意其他項目都能令小朋友增強信心.

好難知道小朋友有無盡力.  見過對自己有要求的小朋友, 家長已經用左幾年講到明唔會在學業上有要求, 但小朋友都話讀書大壓力.

palmchristy

greentea000 發表於 17-3-14 22:37
回覆 palmchristy 的帖子

問題係好多家長自己接受唔到仔女成績唔係最好，主動上刀山下火海，一分都不能少 ...

如果屬實, 呢個係歪風亦係小部份家長的盲點.

其實, 正確的學習態度, 學習要用心, 做卷要小心等, 先至係最重要. 分數雖然可某程度反映學習態度, 但亦可能與卷的深淺, 學生的心情或狀態等其他學習以外因素影響.

palmchristy

judy 發表於 17-3-14 18:39
回覆 palmchristy 的帖子

我會建議盡量讓孩子正正常常、自自然然地讀書。正常作息、正常課外活動。不為測 ...

如果平時底子好, 做事小心的, 用這種模式學習問題不大, 呢個模式對佢地係理想.

但一般孩子本性上總是愛玩樂多於學習, 未懂分配時間, 不明白學習意義, 也未懂得如何處理堂上所學的知識. 如果佢地用呢種正常自然模式應付測考, 表現分分鐘嚇死人.

palmchristy

MASAYA 發表於 17-3-14 17:30
進步比成功更令人成長，小學六年，我計劃慢慢進步到畢業之後自己飛，因為父母幫助而由頭帶到尾，到放手時佢 ...

如果講進步, 咁會唔會一開始等個小朋友靠自己考出一個普通成績, 然後再引導佢地進步, 從而令佢一直保持進步?

放手的時機, 係藝術.

palmchristy

jumphigh 發表於 17-3-14 18:30
对小朋友，所谓幫是教孩子學習態度、技巧及方向，唔係小一至小六陪住佢温書叫帮。其實初小已經要帮他建立好 ...

大致認同.

只是今時今日的學習要求, 已經同我們讀書時期有很大分別. 即使在學習態度沒多大問題的情況下, 每個新學年的學習重點同方向已有點不同.  在小學階段如果唔幫 (特別是技巧上), 始終唔係好放心.

palmchristy

山海兒女 發表於 17-3-16 15:14
回覆 palmchristy 的帖子

好成績？何謂好成績？

早期教育, 主要係指0-6歲階段的親子學習, 內容是提供各式各樣的學習經驗, 刺激孩子的視覺、聽覺、觸覺, 思維等. 這並不是把學校將會教的內容提早教給孩子 (我反對的, 因為上堂會悶), 也不是預習.

palmchristy

2jkidsfather 發表於 17-3-16 09:18
所以答案是父母應幫小學生取得--父母心中的--好成績。
如果 父母心中的好成績 是70分，>=70分 就 OK！
都 ...

除左父母要求, 都要睇埋同學仔.

一班成三十個同學, 總會有啲熟人. 雖然同學之間未必會直接比較, 但同學大大吓都會攞成績黎講, 例如話: 我今次測驗得XX分覺得唔開心.

如果互相溝通下, 自己小朋友原來係同輩中稍弱的, 佢自己或多或少總會有壓力. 而呢個壓力, 同父母心目中的好成績無關, 但或許更影響孩子在朋輩間的自我形象, 除非佢本身內心強大.

palmchristy

retriever 發表於 17-3-16 08:06
“授人以漁，非魚”

其實樓主議題既重點係成績定係自信？

重點係講緊成績, 唔係自信. 如果係自信, 答案應該係肯定的.

"我會思考有咩能力係對佢終身有裨益既" <- 呢點有意思, 值得深思. 面對未來幾十年, 大家覺得終身有裨益既能力會係乜野呢?

至於追求天上財寶, 係好好的提醒, 謝謝.

palmchristy

shadeslayer 發表於 17-3-17 17:48
所以有所謂「第十名效應」。

乜野來的?

palmchristy

shadeslayer 發表於 17-3-17 12:10
即係聰明女。

其實我漏左一樣, 要有「正面思維」。

正面思維. 即係乜野?

palmchristy

MASAYA 發表於 17-3-17 10:34
最基本：自理、自律、自學，然後就係懂分辨是非、有同理心、有上進心、有幽默感 ...

有意思.  可以另外開一個題目, 分享下如何培養孩子的 "自理、自律、自學，然後就係懂分辨是非、有同理心、有上進心、有幽默感"...