資優兒童最早可於幾時發現？有什麼特徵？

palmchristy

pigpig,

介唔介意分享下係乜野情緒問題?

pigpig 寫道:
FloliMom，
我囡囡9月升k2，到依家有時都仲會攪亂D英文字 但佢由細開始就好鐘意閱讀，依家已經可以自行閱讀3x頁的圖書，3歲時識10以內的加、減數.....
佢愛發白日夢、想像力豐富，敏感﹙對別人的痛苦自己有好深的感受，大約1歲多時睇到傷感的電影情節，就會哭﹚，堅持己見，對每件事有自己的看法及解決方法，睇唔起別人，喜歡同年紀較大的小朋友玩，1歲時已懂得分別唔同形狀及顏色﹙包括金、銀、六角形......﹚，經常問一D關於生、死等問題.......，完美主義，好有正義感....
囡囡未正式做測試，但去見過心理學家﹙因情緒問題﹚，心理學家話佢語言同認知比同齡的小朋友高.......
但你囡囡得17個月，你可以再睇多幾年，到大約5歲才去做測試，如果你覺得佢係資優的話，咪用資優的方法去教導佢，無壞的！
Sindy,
你最近好嗎？好想打電話給你，但無時間，最近忙嗎？有無返工呀？好好彩，屋企最近無野爛

palmchristy

睡覺,

我都想要一份呀! 可唔可以PM俾我?

上年開學就係因為老師的教學理念同囡囡好唔夾, 攪到好煩好煩.

palmchristy

pigpig,

雖然個情況無話嚴重到要轉校, 但都唔差得好遠.

話說上年囡囡K1前, 以經俾佢返學校的暑期班, 諗住俾佢適應下新環境. 點知佢可以喊足一個月. 喊到全學校的老師都識佢. 個原因大概係英文老師唔理佢. 最後要調班先至無事.

好啦, 開學諗住佢適應左環境會無事啦. 點知再喊多一個月, 今次係因為老師唔鍾意佢, 話佢成日走來走去坐唔定, 又鍾意自己行埋一邊睇自然閣及音樂閣的東西, 甚至整跌晒D野. 佢老師係非常傳統的那一種, 視此為破壞課室秩序. 結果日日都無好日子過. 當時要成日同老師溝通. 老師以佢經驗, 唔係好接受我地的睇法, 同埋只集中睇小朋友的缺點, 唔會太留意佢地的優點. 曾經幾唔愉快. 要成兩個幾月磨合期先掂.

個囡的情緒問題在學校方面攪掂後, 又到屋企. 因為個妹出世, 佢日日夜晚都大叫大嚷, 情緒失控, 無日安寧. 問幾個醫生都唔識答. 都曾經諗過要睇心理醫生. 如果唔係就有一日我自己要睇.

佢又係對聲音敏感, 同佢大聲小小講野就話鬧佢. 成日要抱實, 又要人話錫晒佢, 動不動就話人唔理佢.

又開學啦, 睇下今次撞著邊個先生, 都要同佢坐低詳細傾下.

palmchristy

pigpig,

我只能說：學校有老師專責處理資優學童，校長也很用心，但並不是每個老師都有概念的。這是無奈。

當然有不少老師是很了解的，可惜是別班的老師。有幾個認識我女兒的其他老師不約而同說：”你的女兒其實是...，但當她心情不佳的時候，她會完全不合作，這樣的話在她將來一些重要評估時若出現狀況，是會有壞的影響的。”我覺得說得出這些觀察的，才是真正了解我們所面對的問題的。

妹妹出世前的心理準備，加上妹妹”送”給她的禮物等等，已經令她對妹妹有好感。我們經常對她說妹妹很喜歡她，又讓她抱妹妹。所以兩姊妹感情其實很好。只是當以前100%的陪伴變成70%，總會令她難受。我們只好非常刻意地經常抱她錫她，又向她解釋說我們是同時很愛她和妹妹的，不會取決於誰乖誰不乖，因為兩個都是我們的好女兒。又把陪伴時間由70%升到７５％，雖然對妹妹不公，但也沒辦法了。

有資優小朋友的家長告訴我們，如果你的孩子需求你特別大，就盡量滿足她的需求，當終有一日會”攞夠”的，到時便沒事了。她的孩子正是５歲左右”攞夠”。只是５歲前，真是不足為外人道。雖然女兒未必是資優，但卻明顯是高需求早熟而又敏感的，所以都會參考他人的經驗。

你那句：”你唔想媽咪大聲，你就要俾幾多分鐘內做完，唔係到我大聲時，你又唔高興”的計仔，今晚試過對付她拖拉不刷牙的問題，真係有用，多謝晒。

祝開學順利，老師諒解！

palmchristy

pigpig,

事先解釋+心理預備的確對我個女好重要. 呢兩日用左唔少時間同個女做開學演習, 話定俾佢知個流程及可能會預見的事. 睇下今晚放學返來會點.

今晚會搵下本"家有資優兒父母教養指南". 謝謝推介.

palmchristy

lam's-mother,

我要找一找評估表才答到你.  在K1最後一次評估, "能專注進行活動"是4分. 英文大都是4分, 普通話全是3分.

可能受開學時對老師印象的影響, 我並沒有把評分太放在心上, 大致就是開學時不太好, 畢業時有進步之類的評分. 而且K1小朋友的情緒控制能力和合作性總是差一點, 所以個人覺得無須介懷.

lam's-mother 寫道:
palmchristy,

咁幼稚園老師係評估中的專注力那一行比什麼分數?  而囡囡的英文同普通話老師都分別比 "2", 最慘係班主任話囡囡係識嫁, 只是上堂唔合作遊魂....連班主任都話如果k2都是這樣, 考小學會有點難度......      

palmchristy

pigpig,

演習是誇張了. 最後太太有找老師, 主要講她睡覺相關的情緒問題.

銅琴我唔識喎. 小提琴聽講可以很早學的, 主要是鈴木小提琴, 好似三歲就可以學了.

即使將來不走音樂這條路, 鋼琴對小朋友發展也是很好的. 但家長要付出很多時間. 如果小朋友並不討厭, 家長積極鼓勵也無妨. 始終有些事物, 要親自投入, 才知道是否適合自己, 如果未放時間就放棄, 總是有點可惜.