父母學歷

mama828

其實呢樣正好顯示宜家小學派位制度的問題。因為，只要學校你官津，自行分配學位是父母是舊生就有20分，所以子女你入硬那一家小學。所以自行分配學位係好唔公平，不按學生表現，亦不是靠運，而是 "世襲", 所以有好多人一早已經話唔明點解公屋都已經無"世襲", 但係小學派位仲有。照理,要公平就大家全部抽，要考實力不如全部考。再不如一樣一半，但係父母在那裡工作或畢業同你個仔女讀的小學有什麼關係?

所以，好多"名幼稚園"的申請表都要父母填他們的小學及工作機構，其實係收生時就知道那些學生有機會夠分入名校，之後可以話自己幼稚園的畢業生有好多入到"好學校".....其實同佢幼稚園的學習關係跟本不大。那些小朋友就算讀任何一間都入，而你入到"名幼稚園"，都唔會入到官津"名小學"。所以，有家長話入到xx幼稚園同報幾多興趣班可以入到喇x, 聖瑪x, x利諾, 係佢地唔清楚派位制度。

其實政府要教改成日整到班老師無空間教書，點解佢唔改下個派位制度呢? 係啦....佢地自己你好學校出來,保留"世襲", 係想益下自己d仔女, 香港貧苦源嚴重,連仔女學習而向上爬的機會都不公平，其實可唔可以去平機會或申訴專員投訴呢?

mama828

其實我都唔係話覺得小朋友一定要讀某些名校先有前途，只係覺得點解政府可以任由呢d制度存在....我一定唔會亦都反對朋友虛報資料...因為係本末倒置...你試想你做這麼多都係為個小朋友...邊個話讀到某些名校一定好...但係反而你已經教自己個小朋友為了目的而講大話...第日仲點教...讀到邊間都無意思......思...                                                                     所以我都好怕d家長派位時...好激動...因為真係對個小朋友唔好...因為,要教佢地邊間都要好好讀...唔係好學校就實得...普遍學校就唔好 而且每個小朋友的天份真係唔同.... 試想如果劉翔同朗朗都俾人迫讀書..佢地一定唔會有今日的成就...做父母唔係只係要為個子女入名校鋪路...亦都唔係要迫佢地學好多樣嘢....而係要俾機會佢同了解佢的長處.... 興趣要有....唔使多....好好地學一兩樣...先有時間訓練同學得好...朗朗都未必會游水...劉翔都唔一定識彈鋼琴....                                                                    我曾經聽人講過,"做父母或老師最重要係懂得為下一代找到佢要站的舞台" 畢家索都曾經想做詩人,但係佢的老師告訴佢佢的天份可能係畫晝,所以佢幾經努力成為畫家,所以名校可能係一d人的路,但未必係所有人的路..更不是唯一的路..... 但係作為政府就一定有責任提供一個公平的機會俾家長選擇俾學生競爭...所以我係唔明點解今時今日的香港仲有完全不公平同"世襲制"的自行分配學校存在????????                                                           依家的政府....依家香港的教育....唉!!!!真係不吐不快!!!

[[i] 本帖最後由 mama828 於 09-10-6 20:04 編輯 [/i]]