心灰意冷加無助

wendycyp

以下係我之前post在另一個話題的回應, 其實我個仔同你個小朋友的情況好相似, 佢之前都係死都唔講嘢, 寧願唔食嘢... 不過佢一肯開金口之後, 真係會講多咗, 在屋企講, 出街見到嘢會講, 返學同playgroup都會講... 希望你小朋友慢慢會有進步啦, 唔好灰心呀, 我相信每個小朋友都有佢自己嘅發展時間表!

""我個仔都有言語發展遲緩問題, 排期排到今年9月, 即係佢2歲7個月時, 去cac做評估, 當時話佢只有1歲半小朋友的程度, 只識講少量單字, 仲要係唔正, 連爸/媽/包/車/波等等都唔識講.  初初我都唔係太緊張, 身邊好多人都同我講, 男仔講嘢係慢d, 返咗學會好d... 直至cac做完評估, 知道佢落後咗咁多先認真去搵方法改善.

我搵咗私人言語治療, 上咗2個月, 真係進步咗好多.  唔知係唔係佢8月開始返n1, 再加上每星期半小時言語治療, 同埋每日同佢在屋企練習+按摩口肌.... 樣樣加埋嘅成果.... 而家佢已經講到好多單字, 詞語, 甚至少量短句, 見佢平日去街見到唔同物件時都講多咗嘢, 雖然可能同同齡小朋友都依然會有距離, 但見佢有進步我已經好滿足!

而家都繼續keep住做治療, 希望排到去做政府言語治療時可以再睇下佢個程度去到邊.... 大家都唔好放棄, 一齊努力呀!""