模擬大抽獎 (停用, 請在2009模擬大抽獎留言)

khmama

其實大抽獎最緊要睇頭三間,如果派到去後面都唔會有好學校 (個別好區例外). 所以策略歸策略, 做一次模擬抽獎可以更加清楚形勢. 雖然未必等同事實, 但係估下都冇壞.  我會逐區嘗試做下模擬, 比家長參考.  記住只係參考, 唔係事實, 唔同意可以討論下. 大家都唔好催促我, 分析一區要做好多資料搜集, 請耐心等下.



[ 本帖最後由 khmama 於 09-4-23 21:07 編輯 ]

khmama

下面係東區中學既排位 (網上搵既, 唔知準唔準).

東區估計約945 band 1生派位, 頭4間學校係首選 (共410個位), 而筲官就有4間聯繫小學共628個考生, 如果15%(即628x15%=93人)填筲官做第一志願去抽o個31個聯繫位, 就有62人抽唔到而跌落去爭82個非保留位 (仲未計其他填筲官做第一志願的考生). 即是話有945 – 62 = 883人去爭其餘既位.  如果頭4間o個410個位有一倍人爭, 你既機會係50%, 亦即是有820人填咗頭4間學校, 剩番883 - 820人爭5-8位既學校. 所以第一輪完咗, 頭4間應該冇位剩, 筲官同中華基金就算有位都可能得十零個位 (第二輪成功機會係0-10%). 女仔會好o的, 第二志願填嘉諾撒應該抽到, 因為嘉諾撒既聯繫小學係男女校, 得126個考生, 所以佢個聯繫額(33個)應該夠派俾小學既女生, 非保留既87個位係第二輪應該有好多位 (第二輪成功機會有20-30%). 第二輪扣除頭4間既位, 就會有500人爭其餘學額, 競爭好大, 如果填中華基金、筲官、他區英中都係搏. 如果你想搏多一輪可以照填, 但第三志願要保守, 唔好填金文泰.
1.張祝珊英文中學 (109)
2.庇理羅士女子中學 (67, 女)
3.聖馬可中學 (117)
4.香港中國婦女會中學 (117)
5.中華基金中學 (36)
6.嘉諾撒書院 (87, 33, 女)
7.金文泰中學 (59, 13)
8.筲箕灣官立中學 (83, 31)
9.培僑中學
10.聖貞德中學
11.蘇浙公學
12.嶺南中學
13.閩僑中學
14.慈幼英文學校(中學部)
15.寶血女子中學
16.港島民生書院
17.筲箕灣東官立中學
18.漢華中學
19.福建中學(小西灣)
20.北角協同中學
21.顯理中學
22.文理書院(香港)
23.嶺南衡怡紀念中學
24.衛理中學
25.聖公會李福慶中學
26.中華基督教會桂華山中學
27.中華傳道會劉永生中學
28.張振興伉儷書院
29.伊斯蘭脫維善紀念中學
30.炮台山循道衛理中學
31.明愛柴灣馬登基金中學

khmama

下面係中西區中學既排位 (跟據網上資料, 再整理過, 如果有錯請更正).
中西區估計約178 band 1生爭派位. 中西區特別o既地方係男女壁壘分明, 唔係男校就係女校, 而且多數有聯繫小學.
如果分開睇, 男生約佔4成, 即178 x 40% = 71人, 女生佔6成即107人. 男校方面, 英皇同聖若瑟係首選 (共92個位), 而女校就英華同聖士提反係首選, 共136個位. 所以band 1生大部分第一輪應該抽到. 如果要去到第二志願, 男生填聖類斯同高主教做第二三志願都好穩陣, 女生填聖士提反,聖嘉勒或高主教做第二三志願都穩陣.. 他區可以考慮鄧肇堅或呂明才, 比較多位.
1.   聖若瑟英文書院  (15)   
2.   英皇書院 (77, 12)
3.   聖保羅書院 (5, 88)
4.   英華女學校 (111)
5.   聖士提反女子中學 (25, 96)
6.   聖嘉勒女書院 (12, 88)
7.   聖類斯中學 (68,54)
8.   高主教書院 (14, 88)
9.   香港聖瑪加利女書院 (40)
10. 聖士提反堂中學
11. 樂善堂梁銶琚書院  




[ 本帖最後由 khmama 於 08-11-16 21:24 編輯 ]

khmama

沙田係好區, 英中數目多, 一向英中額多過派位既band 1生. 估計爭既考生約1184人, 大多數考生會選下面頭5位做第一志願 (共510個位), 尤其是曾肇添, 因為曾肇添無聯繫小學考生爭. 第一輪完咗就冇咗510個考生. 當然實際唔係呢個數, 因為有些band 1中既學校都有家長填, 一來穩陣, 二來程度較淺. 所以第一輪完咗可能冇咗一半考生.
Band 1 中加埋band 1頭共1078個位. 所以你填咗一間band1頭做第一志願後, 再將所有band 1中學校全部填晒, 最後用band 1尾2間包底, 保証無問題. 記住填晒30個志願. Band 2考生第一志願可以搏林漢光同鄭榮之. 個別band1中學亦可能有位.

Band 1 頭
曾肇添中學 (117)
浸信會呂明才中學 (87,33)
沙田官立中學 (81,33)
林裘謀中學 (117)
循道衛理中學 (108)

Band 1 中
聖母無玷聖心書院  (86,35)      
培英中學 (117)
蘇浙公學 (117)
郭得勝中學 (116)
崇真中學 (117)
聖羅撒書院 (15)


Band 1 尾
林漢光中學  (107)
鄭榮之中學  (79,33)


Band 2 頭
陳震夏中學
覺光法師中學
梁文燕中學
胡忠中學

Band 2 中
馮黃鳳亭中學
葛小琳中學
五育中學
基督書院
朱敬文中學
曾璧山中學
黃允畋中學
劉百樂中學
聖若瑟中學
林大輝中學
陳楷紀念中學   



[ 本帖最後由 khmama 於 08-11-16 20:23 編輯 ]

khmama

原帖由 HIMAMA 於 08-11-16 19:05 發表
khmama 你好, 請問括号內的數字代表什麼?
Thanks

括弧內的是非保留學額及直屬/附屬學額數目.

khmama

原帖由 catherinesyko 於 08-11-16 19:56 發表
khmama 你好
循道衛理中學 是 Band 1 頭
培基書院 是直資.

謝謝! 等我即刻改咗去.

khmama

下面係油尖旺區中學的banding

跟估計油尖旺有考生569人, 如果其中有4成係男生, 就有228個男生, 341個女生. 頭4間都係首選, 第一輪完咗應該冇位剩. 即係第一輪冇咗294個位 (仲未計他區既位).


第二輪跟住3間係次選, 男仔如果選聖芳濟,抽到呢一輪都應該收工. (完咗呢輪, 相信聖芳濟都有o的位留俾band2抽. 理論上, band1男生可以搏他區, 由於考生人數比總band1英中學額(593個)少, 所以填晒英中落去, 只要搵聖芳濟包底就冇問題, 因為聖芳濟既位女生係搶唔走既).


女生雖然冇一間必可包底既學校,但係因為學額多過考生, 如果將銘基用黎包底, 中間搏他區亦可(庇理羅氏只可放第一志願, 放後面冇機), 但始終冇男生咁穩陣.

Band 1
伊利沙伯(68,10)
嘉諾撒聖瑪利(19,80,女)
九龍華仁(113,男)
真光女書院(94,女)
銘基(117)
聖芳濟(115,男)
循道(14,88)

Band 2
信義
劉皇發

Band 3
麗澤
九龍三育
港九潮州公會
諸聖
新民
官立嘉道理爵士

khmama

下面係荃灣區中學既banding.

荃灣有三間英中, 共305個位, 但係考生估計有587人. 通常首選荃官同可風 亦有家長選何傳耀, 覺得競爭冇咁大. 如果平均分配, 即係有50%機會入到.



第一輪過後荃官同可風實冇晒位, 何傳耀就難講. 他區既英中夾埋都有40個位. 如果有80個人同你去爭他區學位(第一志願), 機會就同本區一樣, 有冇咁多人去爭根本冇得估, 正路就唔應該好多, 因為本區又唔係差得好緊要, 西貢區得1間英中, 仲要七百幾人爭咪仲慘.


第一輪完咗應該冇咗約300人, 剩番287人爭, 第二志願可以搏何傳耀或他區英中, 唔搏就填本區band1中中王少清或搏他區band1中中如全完(5), 八三年總理(5), 陳兆民(5)同伍若瑜(5).


第二輪完咗應該剩番約百幾人, 第三輪就唔好再搏他區英中, 想搏下王少清或他區band1中中亦可, 唔想搏就填李城璧, 相信都冇意外. 最差既情況只係去到band2中o個機間, 就一定派完, 真係要好黑先會咁.

可能你會話「真係咁黑點算?」. 其實唔需要担心. 試想想派位點都係band1行先, 所謂黑仔係因為你隨機編號唔好, 第一志願落空, 而搏第二志願亦可能搏錯咗而失去先機. 最後要派到band2中既中學. 但係基本上, 本區band1 +本區band2頭 + 他區band 1既數目 = (86 + 102 + 117 + 117) + (117) + (40 + 20) = 599個, 應該夠分俾587個band1生.
所以如果填完李城璧都抽唔到, 反而表示有o的他區英中同中中可能仲有位剩. 所以反正填梁省德包底都入到, 我會填晒他區既band1英中同中中, 搏下邊間有位剩, 最後先填梁省德. 如果冇位剩而要入梁省德, 就得一個可能性, 就係考生人數多過599人.


Band 1
荃灣官立(86,17)
可風(102)
何傳耀(117)
王少清(117,中中)

Band 2 頭
李城璧 (117)


Band2 中
梁省德 (117)
廖寶珊 (117)
聖芳濟 (94,男)

Band2 尾
姚連生
林百欣

Band 3
胡漢輝
李炳
呂明才




[ 本帖最後由 khmama 於 08-11-23 11:44 編輯 ]

khmama

原帖由 88muimui 於 08-11-22 21:41 發表
疑問:油尖旺應該不只這數目，淨係2間油天已經三百幾考生，而且男生最起碼有一半，因為據我知淨係油天都一向係男多女少!  但實際數目我沒有考究。


...

呢個數目係估計自行派位完結後,仍然會參加統一派位去爭非保留學位既band1生數目,可參考試算表.

khmama

一路分析下來,對分析各區都有點心得,所以我會隨時更新各個分析,加入新既想法,請各家長留意更新日期.家長亦唔使心急,我一定會做晒咁多區既.

khmama

下面係葵青區中學既banding.

葵青區估計有考生1133人, 頭4間係首選, 李兆基同善德都多人選. 他區既可風可能都會有人搏(但係應該唔多人搏, 因為葵青既英中多). 林護既競爭最大, 因為有聯繫小學. 呢7間band1英中共提供644個位.

第一輪完咗起碼冇咗一半人, 第二輪假設有550人去爭, 如果有位剩既可能係李兆基,善德同可風. 想搏既可以試填落第二輪, 唔想搏可以填band1中中.

第二輪完咗應該得番百幾人, 第三四五志願填band2頭中中應該完. 不過第三志願其實可以搏多一間band1中中, 先再填band2頭中中, 因為由band1加到band2頭三間既學額, 已經多過考生人數, 即是話最差既情況只係派到band2頭中中.

Band 1:
聖公會林護紀念中學 (82,33)
中華傳道會安柱中學 (110)
保祿六世書院 (110,女)
天主教母佑會蕭明中學 (110,女)
順德聯誼總會李兆基中學 (110)
佛教善德英文中學 (107)
保良局八三總理中學 (89,中中)
東華三院陳兆民中學 (89,中中)
東華三院伍若瑜夫人紀念中學 (89,中中)
中華基督教會全完中學 (85,30,中中)

Band 2:
東華三院吳祥川紀念中學 (89)
中華傳道會李賢堯紀念中學 (82)
石籬天主教中學(110)
荔景天主教中學
葵涌蘇浙公學
皇仁舊生會中學
樂善堂顧超文中學
樂善堂梁植偉紀念中學
迦密愛禮信中學

Band 3:
中華基督教會燕京書院
循道衛理聯合教會李惠利中學
獅子會中學
嶺南鍾榮光博士紀念中學
裘錦秋中學
葵涌循道中學
佛教葉紀南紀念中學
香港道教聯合會圓玄學院第一中學
香港四邑商工總會陳南昌紀念中學
棉紡會中學
天主教慈幼會伍少梅中學
明愛聖若瑟中學

khmama

下面係灣仔區中學既banding.

灣仔考生估計約189人, 因為好多band1生抽聯繫位, 所以非保留學位實際唔係咁多人爭. 淨係男仔首選皇仁同華仁, 共有89個位, 相信都夠分. 女仔首選真光, 瑪利曼,聖芳濟各同聖保祿, 共105個位. 亦都夠分.
他區除咗聖保羅同金文泰, 全部都係band1首選. 所以第一輪男仔正路就選皇仁, 鍾意其他既亦可搏下, 不過皇仁都咁top機會又大, 冇理由搏其他. 女仔正路就選真光, 想搏其他都得.

第一輪完咗應該起碼冇咗150人, 剩低50人唔夠. 如果第二志願填鄧肇堅一定入, 有99個位咁多. 所以大可以填晒所有本區同他區英中搏完先用鄧肇堅包底.

Band 2生第一志願填鄧肇堅係必然之選, 第二志願千祈唔好填金文泰, 因為得2個位, 很有可能俾人第一志願抽咗.

Band 1:
皇仁書院 (75,21,男)
香港華仁書院 (12,88,男)
香港真光中學 (64,26,女)
瑪利曼中學 (12,88,女)
嘉諾撒聖方濟各書院 (14,88,女)
聖保祿中學 (15,111,女)
聖公會鄧肇堅中學 (99)

Band 2:
何東中學
佛教黃鳳翎中學
香港鄧鏡波書院

Band 3:
鄧肇堅維多利亞官立中學
玫瑰崗學校
孔聖堂中學


他區:
Band 1:
聖若瑟英文書院 (2,男)
英皇書院 (2,男)
聖保羅書院 (2,男)
庇利羅士女子中學 (6,16,女)
聖士提反女子中學 (2,女)
英華女學校 (2,女)
金文泰中學 (2,6,中中)

Band 2:
寶血女子中學
文理書院
中華傳道會劉永生中學
東華三院李潤田
聖瑪加利男女英文(九龍)
漢華中學

Band 3:
樂善堂梁球琚
嶺南中學
明愛柴灣馬登基金中學
中華基督教會桂華山中學
東華三院馬振玉
蘇浙公學
明愛胡振中中學
閩僑中學
明愛馬鞍山中學
聖公會李福慶
地理亞修女
聖瑪加利女書院(堅道)
伊斯蘭脫維善
香港仔工業學校
香港航海學校
官立嘉道理爵士中學

khmama

原帖由 hhsieh 於 08-11-23 22:19 發表


請問點解他區的聖保羅和金文泰不是band 1 首選?
Thanks.

聖保羅係band1尾,金文泰係band1中中, 同其他英中的級數差好遠,放後面都抽到,唔使放第一.

khmama

原帖由 mrssix 於 08-11-24 16:13 發表
The explanation for Tsuen Wan is very clear.  I also used this calculation method when I filled in the choice for my son (a Band 1 student) last year.  However, his class teacher said that my choice p ...

學校既老師係唔識咁樣計既, 佢地只係靠經驗, 希望人人可以頭三志願派到位.

khmama

唔經唔覺已經模擬咗7區 (後期既分析較為成熟, 有時間會改進前期既地區分析), 現在慢慢掌握到一啲定律, 家長都可以自行去分析下.

統一派位其實就好似去街市買橙. 入面有幾多個檔口, 每檔有幾多個橙賣係定咗唔會變既. 家長要分成三批, band 1家長優先去買. 有啲係本地靚橙, 數量多但係多人爭, 進口靚橙數量少, 又未必買倒. 但係家長可以計下數, 如果要每個人都買到靚橙, 只須要將啲檔口優劣先排一排, 再睇下有幾多個家長同你爭, 如果由最好o個檔開始買, 最差要去到邊一檔先會人人買到橙. 如果你行晒全部好檔都唔夠人爭, 你先至去大家認為最差o個檔買, 就一定買到橙, 雖然未必係最好, 但點都比係出面等緊買橙既band2家長幸運. 所以冇必要驚冇橙買而早早走去最差o個檔買, 反而錯失買靚橙既機會, 甚至行錯咗去啲奸商度買咗o的劣橙.

我地亦無須為咗要係頭三志願之內派到位, 而至過份保守, 須知我地要選市場內能提供最好既橙, 就算第三志願之後又何妨? 小妹之前也有謬誤, 認為頭三志願之內完成係理所當然, 但其實千祈唔好咁諗.

所以家長最緊要知道究竟有幾多人同你爭橙. 呢個數字可以根據小妹之前估計band1生競爭英中非保留學額既數目作為基礎 (http://forum.edu-kingdom.com/viewthread.php?tid=1385168&;extra=page%3D2). 原本以為呢個數字只係用黎比家長睇下邊區派位較容易, 決定轉唔轉區同埋抽獎時應唔應該進取. 依家先發現原來呢個數對填表既優先次序同策略係好決定性. 亦都証明家長係派位遊戲裏面其實都唔係全憑運氣, 好多嘢係可以自己控制既.





[ 本帖最後由 khmama 於 08-11-24 21:06 編輯 ]

khmama

原帖由 jamieconnie 於 08-11-24 16:36 發表
我想問下你既推算係以BAND1學生計算,咁如果係BAND2既學生又應該點做呢,可唔可以選一些荃灣區既學校呢,我係幫我姨生女問既,唔該!

Band2生較為被動,因為有冇位剩要睇下band1生點選. 又好難估band2生數目.如果荃灣band2, 第一志願都係選李城璧, 跟住排band2學校既校風, 只可以鬥幸運.

khmama

原帖由 jamieconnie 於 08-11-24 22:32 發表
多謝你既回覆,因為我個姨生女係葵涌住,咁佢本區既選擇又可以點安排好呢,
同你可唔可以send左試算表比我呀,雖然我個女出年先p1,但都想試下計計,又或你可唔可以幫我計下我個女呢界既中一收生比率(屯門區),會唔會太早 ...

其實對於邊間band2既機會大我都估唔到, 理論上應可以搏一間band2中上, 最緊要校風, 可參考其他有關葵青區學校既topic. 試算表已經send咗啦, 你個女咁細, 6年後升中係點都唔知,唔使咁早諗定,實唔同咗.

khmama

原帖由 shng 於 08-12-1 13:18 發表
請分析灣仔區女生模擬派位。

本區多直屬中小學和保留位，如呈分MaryMoun試全級約20/150名,如選本區(即灣仔)英中如MaryMount, St Paul Catholic是否太搏?

謝謝！

灣仔區英中位多, 估計band1女仔爭非保留學位既有110-120人, 呢區女生多數選真光做第一志願, 另有部分會選BPS, 所以你選MaryMount或St Paul Catholic做第一志願唔算好搏. 因為唔係咁多人會同你爭. 你最差既情況都只係派去鄧肇堅, 都唔係好差啫.

khmama

原帖由 amysnlee 於 08-12-19 20:36 發表

我個仔係band 2頭,如果考陳siu民,同全完唔知有無機呢?定係要選擇bank2呢?好頭痛

呢2間係band1尾中中, 可以試下.

khmama

原帖由 AnnieMak 於 08-12-16 11:34 發表
油尖旺區Band 1 尾女生誇區自行考中西區中學,有何選擇呢? 機會率多少呢?

油尖旺自行跨去中西區有o的奇怪, 中西區適合band1尾女仔既學校唔多, 係得聖嘉勒同高主教可以搏下. 反而灣仔區鄧肇堅會更好. 油尖旺點解唔跨區去試下德雅?