升中資料下載區 (升中秘笈, 學校banding與分佈 及 有用資料)

khmama

原帖由 redredchan 於 09-9-22 09:03 發表
Dear khmama

請問是有哪些學校好著重成績, 唔in人, 只睇全港次第可以直入.本人找這方面資料找了很久也找不到，可以讓我知道嗎？Ｅ－ｍａｉｌ：[email protected]
Thks a lot! ...

遲o的做番個表放上網, 有拖冇欠.


[ 本帖最後由 khmama 於 09-9-23 21:35 編輯 ]

khmama

原帖由 moyan 於 09-9-23 22:51 發表
khmama,

自行階段面試時, 中学是否已有學生的全港排名名次? 名次是否只用2次呈分試去排?

謝謝

冇錯.

khmama

原帖由 moyan 於 09-9-23 22:54 發表
"全港次第"是一個排名or有2個?

一個.

khmama

原帖由 O~O 於 09-9-24 01:17 發表
唔知幾時有元朗區呢？小女小五呈分都有進步，應該在band 1中至band 2頭之間，其實在油尖旺我有另一間屋，兩區選擇，那個區份比較有優勢？

元朗區差唔多分析好, 過兩日會post. 如果你囡囡係band1, 油尖旺區就好o的, 但係如果係band2, 元朗區既band2學校選擇多好多.

khmama

學友社既資料都好詳盡, 可以參考下.

http://www.student.hk/study/form1/index.php

khmama

原帖由 NatalieBaby 於 09-9-25 17:03 發表
There is one thing I don't understand.

From the HKCEE result, it seems that 聖保祿中學(SPSS) and 嘉諾撒聖方濟各書院 (SFCC) are very similar.  How comes it is mentioned that SFCC is Band 1 top, and SP ...

多謝你既意見. 6科14分係由學校提供, 聖芳濟各我可以搵到數據, 聖保祿就搵唔到. 如果每科去比較, 聖保祿似乎比聖芳濟各好少少, 所以我會再調整位置. 依家post既分析未係最後版本, 仍會作改動, 有問題可以儘量提出, 咁樣個分析結果先至會更接近現實.

khmama

原帖由 pink-l 於 09-9-24 00:08 發表
Khmama,

You are really a super hero to contribute so much by yr own time to guide us on how to find a gd schoold to our kids.

If my kid is in DSS and school not joining the withdraw in secondary s ...

讀得直資小學通常都會上番直資中學, 如果家長想參加派位, 可以係指定日子去教育局學位分配組攞中一自行學位申請表自己申請.

khmama

元朗區6科14分最高既比率, 居然唔係英中既鄉議局, 而係中中既信義. 最初都覺得難以置信, 但校網顯示佢每科成績都不俗, 人均優良率有4.43, 所以對於報紙所載上年88.3%亦姑且相信. 但始終係中中, 英文科既成績係差過英中, 英文優良率只係34%. 鄉議局今年6科14分佔80.3%, 人均優良率係3.68, 英文科既優良率係63.6%.

不過有一點要留意, 信義中四升中五少咗一班理科班, 有可能係成績唔好就要中四冇得留低, 所以會考成績跑贏鄉議局. 佢更強調理科班97.4%攞6科14分, 換言之少咗既40人全部唔夠分. 假如唔係少咗人, 佢實際應該得68%. 所以公平起見, 鄉議局屬band1頭, 而信義應屬band1中.


祟德上年係63.15%, 人均優良率係3.47, 屬band1中. 趙聿修今年特別差, 得44.39%,人均優良率2.63, 上年都有59.3%, 所以暫時列作band1尾. 而商會今年人均優良率係2.83, 比趙聿修稍高, 但都只屬band1尾. 公立就比好多中中都不如, 上年得33.2%, 人均優良率係1.7, 只屬band2中既成績.

翁祐7年前有收成績及品行最差既中四插班生, 所以會考成績好差, 依家中五生都係原校既, 上年6科14分係54.5%, 呢個係報紙既數據, 不過見佢校網各科合格率都唔錯, 暫時算係band1尾. 盧幹庭上年會考6科14分約佔50%, 勉強算得上係band1尾.

基元上年會考6科14分係46.3%, 伊中舊生會今年係41%, 上年係47%, 同屬band2頭. 公益社理科班冇位剩, 文商班共剩17個位, 估計6科14分起碼26.88%, 鄧佩瓊理科班冇位剩, 但文商班共剩7個位, 估計6科14分起碼26.5%, 白約翰搵唔到資料, 但係如果以五科合格率計, 伊中舊生會係89%,公益社90%以上, 鄧佩瓊87.7%, 而白約翰係84%, 所以公益社, 白約翰同鄧佩瓊屬band2頭. 天水圍官立冇資料, 估計應有30%以上, 因為第一階段冇位剩, 所以都係band2頭. 裘錦秋文科班冇位剩, 但理科班剩4個位, 估計6科14分起碼28%, 相信有3x%, 屬band2中.

湯國華同金巴崙都係新校, 冇會考數據. 根據口碑, 暫將湯國華列為band3頭, 金巴崙列為band3中.

Band 1頭:
新界鄉議局元朗區中學
(今年會考6科14分佔80.3%, 人均優良率3.68)

Band 1中:
元朗信義中學 (上年會考6科14分約佔68%)
天主教崇德英文書院 (上年會考6科14分佔63.15%, 人均優良率3.47)

Band 1尾:
元朗商會中學 (今年人均優良率2.83)
趙聿修紀念中學 (上年會考6科14分佔59%, 今年會考6科14分佔44.39%, 人均優良率2.63)
順德聯誼總會翁祐中學 (上年會考6科14分佔54.5%)
東華三院盧幹庭紀念中學 (上年會考6科14分約佔50%)

Band 2頭:
中華基督教會基元中學 (上年會考6科14分佔46.3%)
十八鄉鄉事委員會公益社中學 (推算今年會考6科14分佔26.88%以上)
伊利沙伯中學舊生會中學 (上年會考6科14分佔47%, 人均優良率2.2, 今年會考6科14分佔41%, 人均優良率2.1)
博愛醫院鄧佩瓊紀念中學 (推算今年會考6科14分佔26.5%以上)
聖公會白約翰會督中學 (推算今年會考6科14分佔30%以上)
天水圍官立中學 (推算今年會考6科14分佔30%以上)

Band 2中:
元朗公立中學 (上年會考6科14分佔33.2%, 人均優良率1.7)
裘錦秋中學（元朗）(推算今年會考6科14分佔28%以上)

Band 2尾:
香港管理專業協會羅桂祥中學 (推算今年會考6科14分佔27%)
中華基督教會基朗中學 (推算今年會考6科14分佔22.5%)
元朗公立中學校友會鄧兆棠中學 (推算今年會考6科14分佔22.16%)
天水圍香島中學 (推算今年會考6科14分佔20.5%)

Band 3頭:
天水圍循道衛理中學 (推算今年會考6科14分佔19.58%)
路德會西門英才中學 (推算今年會考6科14分佔18.13%)
香港中文大學校友會聯會張煊昌中學 (推算今年會考6科14分佔18.13%)
伊利沙伯中學舊生會湯國華中學

Band 3中:
可道中學（嗇色園主辦）(推算今年會考6科14分佔14.12%)
中華基督教會方潤華中學 (推算今年會考6科14分佔13.5%)
賽馬會毅智書院 (推算今年會考6科14分佔13.13%)
金巴崙長老會耀道中學

Band 3尾:
妙法寺陳呂重德紀念中學 (推算今年會考6科14分佔8.5%)
天主教培聖中學 (推算今年會考6科14分佔8.13%)
伯裘書院 (推算今年會考6科14分佔7.56%)
伯特利中學 (推算今年會考6科14分佔6.25%)
佛教茂峰法師紀念中學 (推算今年會考6科14分佔3.75%)
東華三院郭一葦中學 (推算今年會考6科14分佔2.63%)
東華三院馬振玉紀念中學 (推算今年會考6科14分佔2.5%)
明愛元朗陳震夏中學 (推算今年會考6科14分佔1.88%)
元朗天主教中學 (推算今年會考6科14分佔0.79%)






[ 本帖最後由 khmama 於 09-9-27 13:41 編輯 ]

khmama

原帖由 ^O^ 於 09-10-2 17:16 發表
請問中西區嘉諾撒聖心屬於甚麼banding?

你講既係唔係南區嘉諾撒聖心? 聖心2006年會考6科14分佔79.3%, 2007年佔80.95%, 2008年佔71.04%. 平均優良率有50%以上, 屬band1頭. 嘉諾撒會既中學, 成績最好係聖瑪利, 第二就係聖心.

khmama

原帖由 yeahyeahyeah 於 09-10-3 02:28 發表
你好hkmama
我個仔觀塘Bank1頭,全級2or3
自行收生兩個選擇
轉油尖旺,九龍城會唔會跌好多
有咩學校選擇?
如想報喇沙會唔會浪費左個選擇
希望回覆

自行係會睇全港次第, 即係同對手排高低. 觀塘區比油尖旺同九龍城較弱, 同樣band1頭排位都會較低. 喇沙唔係只睇成績, 課外活動好緊要, 如果冇特異功能機會就唔大.

khmama

原帖由 ^O^ 於 09-10-5 16:39 發表


THANKS hkmama, yes, is 南區嘉諾撒聖心, 記錯左小學既位置添. 乜解究08年d成績drop左咁多?

考試同買股票一樣, 可升可跌. 既要取決於學生質素, 亦要講運氣. 雖然係跌咗, 仍然比好多英中成績好.

khmama

原帖由 YanHeiYinMa 於 09-10-9 10:41 發表
khmama, 你好, 多謝的分析的資料. 我囡囡在黃大仙區就讀, 成績方面我估計係band1中至尾,佢想入男女校.請問黃大仙區協和,同觀塘區順利天主教,邊間好D呢?謝謝給我一點意見. ...

如果以成績計, 順天比協和高少少, 兩間都屬band1尾. 亦可以考慮下可立.

khmama

原帖由 arun 於 09-10-10 11:46 發表
小兒於荃灣浸信會聯會小學[url=http://ads.baby-kingdom.com/www/delivery/avw.php?zoneid=69&cb=12345611&n=a084433chttp://ads.baby-kingdom.com/www/ ... p?zoneid=69&cb=12345611&n=a084433c]http://ads.baby-kingdom.com/www/delivery/avw.php?zoneid=69&cb=12345611&n=a084433chttp://ads.baby-kingdom.com/www/ ... p?zoneid=69&cb=12345611&n=a084433c[/url]讀書, 小五呈分 ...

如果自行想搏英中, 選兩間英中都可以, 不過要預咗機會微. 甲部既然想搏英中, 就應該填晒三間英中, 唔好填王少清. 如果唔係, 咁好彩甲部抽咗入王少清, 乙部就冇得搏英中. 甲部係唔限地區既, 你都可以填其他區既英中落去. 甲部只係當比多個機會比你搏, 乙部先係主菜, 所以甲部填既三間學校唔好差過乙部, 尤其是某o的區乙部抽入英中機會大, 甲部更加唔好亂填.

建議你甲部除咗填可風同何傳耀, 可以係葵青或屯門區選多一間英中. 乙部抽獎要睇係想穩陣定想搏. 如果想穩陣, 入王少清都收貨, 咁你第一填可風, 第二填王少清, 之後就應該填晒他區英中, 再填李城璧, 梁省德, 廖寶珊. Band1生最差只會派去第一間有位既band2學校, 所以你照咁樣填就好保險. 如果想搏, 可以第一填可風, 跟住填晒他區英中, 最後填李城璧, 梁省德, 廖寶珊. 王少清就冇得再填.

甲部同乙部係分開派位既, 甚至banding都可以唔同. 甲部派完先到乙部, 但同一間學校兩部分各有唔同學額. 唔會因為間英中甲部派完會冇位比乙部派. 甲部唔限地區, 但只佔好少學額.

khmama

北區只得3間英中, 鄧顯成績最強勁, 今年會考6科14分佔92.4%, 人均優良率5.78, 屬band1頭. 甲寅就只有2005-2006既成績, 平均合格率98%, 優良率50%而攞到8A既有兩位. 所以成績應屬band1中. 陳融上年會考平均合格率92.6%, 估計成績應屬band1尾.

風采今年會考6科14分佔74.2%, 屬band1中上. 李嘉誠上年會考平均合格率95.8%, 今年有一個5A, 以成績計應屬band1中. 田家炳今年6科14分佔56.3%, 屬band1尾.

馬錦明上年會考6科14分佔47.2%, 屬band2頭. 廖萬石上年6科14分約27%, 但今年中六第一階段收生冇位剩, 6科14分應該有30%以上, 屬band2中. 禮賢會會考平均合格率近90%, 今年第一階段收生冇位剩, 所以6科14分有30%以上, 亦屬band2中.

Band 1頭:
香港道教聯合會鄧顯紀念中學 (今年會考6科14分佔92.4%, 人均優良率5.78)

Band 1中:
東華三院甲寅年總理中學
風采中學 (今年會考6科14分佔74.2%)
東華三院李嘉誠中學

Band 1尾:
田家炳中學 (今年會考6科14分佔56.3%)
聖公會陳融中學

Band 2頭:
保良局馬錦明中學 (上年會考6科14分佔47.2%)

Band 2中:
鳳溪廖萬石堂中學 (推算今年會考6科14分佔30%以上)
粉嶺禮賢會中學 (推算今年會考6科14分佔30%以上)

Band 2尾:
香海正覺蓮社佛教馬錦燦紀念英文中學 (推算今年會考6科14分佔25%)
基督教香港信義會心誠中學 (推算今年會考6科14分佔24%)
宣道會陳朱素華紀念中學 (推算今年會考6科14分佔24%)
粉嶺救恩書院 (推算今年會考6科14分佔22%)

Band 3中:
聖芳濟各書院 (推算今年會考6科14分佔13.5%)
鳳溪第一中學 (推算今年會考6科14分佔10.63%)

Band 3尾:
中華基督教會基新中學 (推算今年會考6科14分佔6.25%)
粉嶺官立中學 (推算今年會考6科14分佔6.25%)
新界喇沙中學 (推算今年會考6科14分佔6.25%)
上水官立中學 (推算今年會考6科14分佔5.5%)
明愛粉嶺陳震夏中學 (推算今年會考6科14分佔0.63%)


以上資料只供參考.

[ 本帖最後由 khmama 於 09-10-13 20:53 編輯 ]

khmama

原帖由 vb28 於 09-10-17 00:01 發表

me too,我都好想知沙田區嘅分析，麻煩你la khmama！

唔使急, 依家做緊大埔, 跟住會做沙田.

khmama

大埔區有5間英中, 莫壽增上年會考有1個9A, 1個8A1B, 人均優良率4.8. 但係校網就冇講6科14分佔幾多, 報紙就有2006年資料, 6科14分佔73.6%, 屬band1中, 而迦密柏雨上年6科14分佔73%, 人均優良率4.27, 比莫壽增差少少. 恩主教上年會考有1個8A, 2個6A. 雖然搵唔到6科14分既資料, 但根據成績應該屬band1中. 王肇枝只得2006年會考成績, 6科14分佔53%, 人均優良率2.33, 屬band1尾. 沐恩上年6科14分佔50%, 屬band1尾.

救恩冇資料, 只知2004年會考6科14分佔40.6%, 之後似乎差咗, 各科平均合格率由2004年既83.8%跌到2006年既72%, 但係中六第一階段收生冇位剩, 相信6科14分應該係30-40%, 算係band2中. 神召會康樂近幾年中六第一階段收生都冇位剩, 係上年剩咗9個位, 6科14分佔27.37%, 不過今年會考冇位剩, 估計6科14分應該有31.58%以上, 屬band2中. 孫方中中六第一階段理科班冇位剩, 文科班剩6個位, 估計6科14分佔33.75%以上, 如果以最佳成績同平均優良率去比較, 應該比神召會康樂好少少.

慧遠只得第二階段收生資料, 但係第二階段都只係收到12個學生, 剩咗48個位, 所以第一階段唔會好, 估計6科14分大約1%, 屬band3尾.

Band 1中:
聖公會莫壽增會督中學 (上年會考人均優良率4.8)
迦密柏雨中學 (上年會考6科14分佔73%, 人均優良率4.27)
恩主教書院

Band 1尾:
王肇枝中學 (最後公佈會考6科14分佔53%, 人均優良率2.33)
沐恩中學 (上年會考6科14分佔50%)

Band 2中:
救恩書院 (最後公佈會考6科14分佔40.6%)
港九街坊婦女會孫方中書院 (推算今年會考6科14分佔33.75%以上)
神召會康樂中學 (推算今年會考6科14分佔31.58%以上)

Band 2尾:
迦密聖道中學 (推算今年會考6科14分佔23%)
中華聖潔會靈風中學 (推算今年會考6科14分佔20%)

Band 3頭:
新界鄉議局大埔區中學 (推算今年會考6科14分佔16.88%)
孔教學院何郭佩珍中學 (推算今年會考6科14分佔16%)

Band 3中:
香港道教聯合會圓玄學院第二中學 (推算今年會考6科14分佔13.75%)
靈糧堂劉梅軒中學 (推算今年會考6科14分佔13%)
大埔三育中學 (推算今年會考6科14分佔12.5%)

Band 3尾:
香港教師會李興貴中學 (推算今年會考6科14分佔7.89%)
大埔官立中學 (推算今年會考6科14分佔6.88%)
香港紅卍字會大埔卍慈中學 (推算今年會考6科14分佔4.64%)
中華基督教會馮梁結紀念中學 (推算今年會考6科14分佔1.32%)
彿教大光中學 (推算今年會考6科14分佔1.25%)
彿教慧遠中學 (估計今年會考6科14分佔1%)
彿教慈航智林紀念中學 (推算今年會考6科14分佔1%)

以上資料只供參考.


[ 本帖最後由 khmama 於 09-10-17 23:59 編輯 ]

khmama

沙田區有13間英中(唔計體藝), 係最多英中既校網. 曾肇添上年會考6科14分佔85.4%, 今年85.9%, 人均優良率約4.93, 屬band1頭. 沙崇上年會考6科14分佔78.7%, 沙呂78.6%, 同屬band1頭. 培英上年75%, 比想像中好, 呢個成績屬band1頭. 沙循上年72.3%, 林裘謀上年62.6%, 今年71.1%, 都屬band1中. 沙官上年67.8%, 人均優良率3.91, 屬band1中, 成績似乎差咗. 蘇浙上年70%, 今年66.5%, 屬band1中. 聖羅撒上年66%, 屬band1中. 而聖心就冇資料, 估計都係band1中. 林漢光上年56.3%, 郭得勝上年55%, 都係band1尾. 而鄭榮之有家長報話2007年6科14分佔40%, 屬band2頭.

中中方面, 得兩間中六收生第一階段冇位, 分別係胡忠同聖若瑟. 胡忠今年會考6科14分佔48.75%, 屬band2頭. 聖若瑟雖然冇公佈今年6科14分既數字, 但主科合格率及優良率相當好, 胡忠都係得12科及格率達90%以上, 而聖若瑟就有14科. 所以聖若瑟屬band2頭. 馬鞍山崇真理科班冇位剩, 文科班剩9個位, 估計6科14分都係3x%, 屬band2中. 青年會理科班剩12個位剩., 文科班冇位剩, 估計大約都係3x%, 屬band2中.
另外想一提既係黃鳳亭, 呢間學校2007年6科14分佔27.74%, 2008年佔30%, 屬band2中, 今年忽然得18.9%, 呢個成績屬band3頭. 相信只係呢屆特別差, 所以仍然將佢列作band2中. 至於梁文燕, 上年原校升讀有25%, 今年就差咗, 得20%, 仍然列作band2尾. 其實band2尾既一批學校每年會考都會上上落落, 唔可以只睇一年既成績去定好壞.

馮堯敬只得身第二階段資料. 估計6科14分約18%, 屬band3頭. 明愛馬鞍山冇中六, 估計屬band3尾.

Band 1頭:
聖公會曾肇添中學 (上年會考6科14分佔85.4%, 今年會考6科14分佔85.9%, 人均優良率4.93)
沙田崇真中學 (上年會考6科14分佔78.7%)
浸信會呂明才中學 (上年會考6科14分佔78.6%)
沙田培英中學 (上年會考6科14分佔75%)

Band 1中:
沙田循道衞理中學 (上年會考6科14分佔72.3%)
沙田官立中學 (上年會考6科14分佔67.8%, 人均優良率3.91)
聖公會林裘謀中學 (上年會考6科14分佔62.6%, 今年會考6科14分佔71.1%)
沙田蘇浙公學 (上年會考6科14分佔70%, 今年會考6科14分佔66.5%)
聖羅撒書院 (上年會考6科14分佔66%)
聖母無玷聖心書院

Band 1尾:
五旬節林漢光中學 (上年會考6科14分佔56.3%)
天主教郭得勝中學 (上年會考6科14分佔55%)

Band 2頭:
保良局胡忠中學 (今年會考6科14分佔48.75%)
馬鞍山聖若瑟中學
香港九龍塘基督教中華宣道會鄭榮之中學


Band 2中:
馬鞍山崇真中學 (推算今年會考6科14分佔30%以上)
青年會書院 (推算今年會考6科14分佔30%以上)
東華三院馮黃鳳亭中學 (上年會考6科14分佔30%, 今年會考6科14分佔18.9%)

Band 2尾:
香港中文大學校友會聯會陳震夏中學 (推算今年會考6科14分佔24.56%)
樂善堂楊葛小琳中學 (推算今年會考6科14分佔24%)
基督書院 (推算今年會考6科14分佔23%)
東莞工商總會劉百樂中學 (推算今年會考6科14分佔21.88%)
佛教覺光法師中學 (推算今年會考6科14分佔21.5%)
梁文燕紀念中學 (上年會考6科14分約佔25%, 推算今年會考6科14分佔20%)
佛教黃允畋中學 (推算今年會考6科14分佔20%)

Band 3頭:
博愛醫院陳楷紀念中學 (推算今年會考6科14分佔19%)
香港中國婦女會馮堯敬紀念中學 (估計今年會考6科14分約18%)
台山商會中學 (推算今年會考6科14分佔16.88%)

Band 3中:
五育中學 (推算今年會考6科14分佔12%)

Band 3尾:
曾璧山中學 (推算今年會考6科14分佔8.13%)
東華三院黃鳳翎中學 (推算今年會考6科14分佔5.63%)
港九潮州公會馬松深中學 (推算今年會考6科14分佔5%)
樂道中學 (推算今年會考6科14分佔4.5%)
保良局朱敬文中學 (推算今年會考6科14分佔4.38%)
仁濟醫院董之英紀念中學 (推算今年會考6科14分佔3.13%)
潮州會館 (推算今年會考6科14分佔2.5%)
東華三院邱金元中學 (推算今年會考6科14分佔2.5%)
明愛馬鞍山中學


以上資料只供參考.

[ 本帖最後由 khmama 於 09-11-6 22:03 編輯 ]

khmama

原帖由 sasa88 於 09-10-28 18:24 發表
Dear Khmama:

小兒成績屬Band 1頭，就讀觀塘區小學，他很想入聖言，請問有機會嗎？
另外我想請問沙田區天主教郭德勝中學好嗎？因小兒校長說他們小學和這間學校有連繫的，有推薦位。若我們有興趣可以推薦，但我對此學校並不了解，請 ...

BAND1頭考聖言當然有機會, 郭得勝只屬BAND1尾, 如果BAND1頭有好多選擇都好過佢.

khmama

原帖由 kwokyk 於 09-10-14 13:29 發表
khmama,

非常有用的資料&分析。thank you.

小兒讀九龍城區小學，第一次呈分試成績本區band 2中，全港排名band 2 (唔知頭/中/尾)。全級排名唔知。

請問在第二次呈分試成績是否要得band1 中成績 才能升band1 ( 假設其它 ...

如果要升'呢', 第二次呈分試真係要有BAND1成績, 要努力o的. band2都要睇下頭定中, 如果band2頭自行都可以考慮下一間band1尾英中同一間band2頭中中 (唔使同區), 如果band2中, 就考兩間band2中至頭中中.

khmama

原帖由 sumyee 於 09-11-6 10:11 發表
khmama
請問你會吾會做直資/私校分析?

sumyee

做完官津會做直資/私校分析, 希望資料齊全.