Shortlist中學中,你會放手俾你仔女最後決定讀邊間中學嗎?

小時了了

呢3年去過幾間不同直資中學簡介會, 幾間中學有搵家長上台分享佢地點解會決定仔女讀呢間, 佢地好多時都講仔女鍾意呢間, 係仔女自己決定讀這學校, 唔係我(家長)選的. 以前我會唔明及會心諗: "唔係卦, 佢地得11歲人仔, 佢哋識諗咩? 咁重要嘅決定竟然俾仔女自己做決定?"

依家自己阿女升中選校終於殺到埋身, 我終於明點解家長會俾佢自己作最終決定選讀邊間學校, 原來仔女真係會感受到及知道自己鍾意邊間中學的, 佢哋原來會為想入讀鍾意嘅中學會雙眼發光, 成個人會散發熱誠及會想法子去克服困難去爭取入讀, 真係好神奇!

你哋係咪都係 shortlist 中學中俾仔女自己做最後決定呢?

小時了了

little_yolky 發表於 16-11-21 13:01
咦? 噚日阿女坐車經過迦密話好鐘意間學校喎.............咁不如12月初帶佢去參觀一下。本來諗住報唔到講座唔去添, 因為反正阿女考唔到.............唔知會唔會去咗好鐘意, 發奮圖強呢。

妳同我有同一個信仰, 妳帶妳大女去迦密啦, 妳要相信上主係會親自感動小朋友純樸嘅心. 我及小女依家經歷中, 快則一月, 慢則三月前同大家匯報阿女能否成功考入佢最想讀嘅中學.

小時了了

有幾多個父母對關鍵時刻的決定, 有詩人般 "別人笑我太瘋癲，我笑他人看不穿" 的豁達!!! 老實講我都唔知做唔做到?

最近呢幾個月最後衝刺同阿女周圍去參加 shortlist 咗嘅中學簡介會/開放日, 老實講做阿媽嘅總有 shortlist 中再 shortlist 嘅一至兩間最心水, 但係如果阿女係呢個最後階段, 同阿媽我講佢嘅 MR RIGHT 卻係 shortlist 中嘅第三間, 佢講起呢間中學係雙眼真係會發光, 又話會唔怕辛苦要坐2個鐘頭車返學 云云....

但阿媽我信心卻左搖右擺唔確定, 我真係會放手俾阿女決定去間路途最遙遠嘅中學? 學生家庭背景最富貴 (同自己家境最懸殊不同) 嘅中學? 如果到時咁"玄"嘅野真係發生, 我係咪會順服去放手俾阿女去讀呢? 掙扎苦惱中

如果阿女考到佢覺得嘅 MR RIGHT 嘅中學而我又俾佢讀, 真係會"別人笑我太瘋癲", 我EQ頂唔頂得住人哋講嘅野呢?