放完假收拾心情，準備第一次呈分試了，大家分享一下

小時了了

Yanamami 發表於 16-4-5 20:36
其实如果唔去諗佢，同平時考試無乜分別，又唔会特別难或範圍多既~

唉! 阿女間學校小五考試真係同小一至小四考試範圍多咗.

小一至小四: 中,英測驗時測過的課文, 考試不用考的(每科大約都有3-4課左右)

小五: 上學期考試派通告通知考試範圍時驚見需要考埋測驗已測過的課文, 因為之前唔知道故平日同阿女溫書時無溫, 拿拿淋臨急去溫, 溫得急, 多, 燥呀陰公!!!!

小時了了

little_yolky 發表於 16-4-5 22:04
我女雖然只係小四，但學校/老師/同學都比好大壓力佢，今次下學期就係因為太緊張，而 ...係呀，朋友仔都係小四，因為佢哋學校小五分精英班，所以阿媽好緊張，加強補習，點知成績仲跌咗，跌出咗精英範圍，依家阿媽日鵝夜鵝，但成績就無起色。

佢阿媽話一定要讀B1，但唔好彩住響北區⋯

你朋友有無好似我咁打算跨區報B1啊! 沙田幾好架!

小時了了

little_yolky 發表於 16-4-6 09:27
小時了了  住北區, 我鄉理啊  發表於 15 秒前

辛苦你了, 自行要唔要其中一個嚟我哋大埔試下, D學校都唔錯的。

自行都諗過莫壽增及沐恩架. 莫壽增諗諗下以阿女過往成績未必得, 除非阿女呈一呈二時級名次高十幾廿名都機會大啲囉

小時了了

洋蔥頭媽咪 發表於 16-4-6 12:50
呈分試的確要加把勁，用過往成績真係未必得，不進則退，因好多同學都會盡全力，分分鐘大執位。
不過學校計算級名次跟呈分名次未必相同，最重要科科盡量保持平均，由其主科不要太大上落，就會比較穩陣。通常中/英一般有底子，只要溫熟考試範圍同小心啲，一般升跌不會太大，唯獨數學有機會大上落，數弱嘅同學仔一定要操多啲。

媽媽發功多年，囡囡點都有 7/8成功力嘅

要對囡囡有啲信心。 加油

哈!哈! "媽媽發功多年，囡囡點都有 7/8成功力嘅" 呢句我聽得好順耳!

洋蔥頭媽咪, 好多謝妳呢幾年分享好多資料及心得, 尤其是去年妳分享中四選科
http://www.edu-kingdom.com/forum.php?mod=viewthread&tid=2935372&extra=&page=2
"洋蔥頭媽咪: 小兒正正就係選科當中受害者，只怪佢未夠努力，技不如人。不過有一點好肯定，就係當年我未夠經驗，完全唔懂得要考慮選科問題，揀左間set死哂套餐但又小選擇嘅學校比佢，……唉！  
幸好天無絕人之路，小兒响冇乜選擇之中終於揾倒方向，須然將來會變成點冇人知，但最小已找到目標，作為父母唯有盡力幫助佢。
大家都要加油。 Good Luck ！



學校係set死晒嘅套餐，仲要係極小選擇，位亦開得唔多，只因學校分配得唔好，理科科目位少，真係害死人。eg.全校只有二十幾個位可以同時選修phy,chem科目，總之玩死班男生……

通常升中選校好多家長都會認為小朋友未接觸過中學科目，都唔知係乜，鍾意邊科，所以選科對大家小朋友黎講尚遠，未駛理住，但其實都唔—定，因為去到高小，小朋友特質，喜好性格已慢慢浮現，以我囝為例，佢數理感極強，但對要背頌嘅野就弱好多，亦討厭死記野，響以前好容易識別出呢類人適合讀理科，讀文科通常死得，但因現今已冇再分文，理，商科，現今通常百搭科，所以選校時就要選理科位較多學校先著數，相反小朋友怕數理，喜歡背頌，就應選歷史，文學類機會多或大路ｄ嘅學校。中學通常都會話有開xxx科目，好似様様都有，但要留意部份其實係好多限制。

http://www.edu-kingdom.com/forum.php?mod=viewthread&tid=2939477&extra=page%3D1&page=3
"洋蔥頭媽咪: "校風同自信當然兩様都好重要，校風唔好多曳分子小朋友好易學壞，入左唔係能力以內中學，太高班自己跟唔上失晒自信影響亦可以好深遠，BK 都有唔少人分享過入左 b1 中學但跟唔上攪到留班，失自信，甚至要轉校，所以揀學校真係要量力。所以呢刻你問小朋友入勁校排中至尾佢答你唔介意，但到時可能會係兩回事。"


妳作為先行者將心得分享, 俾我地後進之士有軌跡可跟隨或閃避. 都幾大因素我睇完妳嘅分享後, 升中選校時中四可以選修的科目係我自己重要選校之因素.


多謝妳啊!

小時了了

hkpapa852 發表於 16-5-24 11:06
有D官津中學要睇埋家課冊

好似津校沙田體藝及直資中華基金都睇手冊.

好攪笑, 我男同事個女今年報體藝有得面試時才知道要睇小五小六手冊, 個男同事即刻係屋企搵佢女本小五手冊, 發覺本手冊俾讀幼稚園嘅細仔一早晝花晒, 個男同事係公司度用塗改液係度不斷塗, 我係佢對睇到好好笑但又替佢慘

小時了了

shypama 發表於 16-5-24 22:19
我囡囡去年考呈一時,d卷深到死,有d仲係未教到的課程照出題,
一向平常心的我們此刻也有被學校出賣的感覺:sca ...

我女今年小五, 下星期三考呈分試了. 純個人覺得學校小五比以往四年先至黎考得多及考深.

聞說上學期數學全級超過一半人唔合格, 小女一直4年來數學分數係80幾至90幾之間, 小五上學期卻暴跌50幾至60幾之間, 就好似妳咁呢科由B1 跌去B 3. 常識有 1 課依家都未教, 阿女話老師話自己睇個課唔教喇, 但要考架. 中文課文又比以往幾年考多兩三課, 數學又係考多幾課. 臨考前呢兩星期"瘋狂地" 趕教書, 教完即考, 真係溫都溫唔切

下星期考試, 吸取上學期經驗, 我嘅策略係估學校出得深咁同阿女備戰的

小時了了

話說之前同大家講過下阿女學校近呢兩個禮拜先至"瘋狂地"趕教書, 大約1/2嘅考試範圍都係呢兩個禮拜先教, 後果係每日都好多好多功課做以致每晚無得溫書. 原本我同阿女小學一直以來每晚都儘量會溫約30-60分鐘書(包含十幾廿分鐘聽及睇英文 audio 書), 真係令我好燥好急. 學校呈分試先至咁, 真係26個英文字母出齊問候學校

今日阿女中文要背默課文其中一段, 但呢個禮拜做功課都做唔切, 溫呈分試都無時間溫, 邊有時間去"背"默呢? 尋晚擠時間出來同女一齊盡人士背, 背得幾多得幾多, 但阿女態度非常之惡劣唔係好肯溫, 終於我忍唔住發顛咁"發脾四"狂罵佢, 仲堅決尋晚唔可以再溫默書, 亦唔會再溫考試喇, 仲同佢講成績唔好讀唔到好啲校風嘅中學佢自己承擔呢個後果, 到時唔好怨我. 如果到時佢學壞又或唔想讀書, 我唔會迫佢, 屋企亦唔會留佢, 法律15歲合法出來打工做野, 我唔會養佢, 亦唔會一定要佢完成中學或大學, 唔好以為屋企一定要佢讀書, 佢唔讀都可以架, 我同佢講真嘅, 我份人亦會做得出

我咁講, 因為我心裏面真係好急好急, 溫唔切. 下星期三考喇, 但以我評估阿女溫習情況大約溫得6-7成咋( 仲未熟架 ), 合格左右嘅成績, 大約 Band 2 中至尾咋.

都唔知好彩定唔好彩, 常識其中 3 課係考中國歷史, 另外 2 課係考宇宙及地球, 真係好好彩呢 5 課阿女平日睇課外書有睇過亦有呢方面興趣, 故常識在有限時間下 pick up 得 OK. 但數學什麼立體, 體積及分數加減乘除四則混算真係慘不忍睹. 加埋阿女唔積極溫書嘅態度, 真係事倍功半, 第一次呈分我都唔望會有好成績, 都唔知阿女仲維唔維持到 Band 1中至尾, 真係睇怕阿女要跌Band, 到時培基都唔知收唔收喇

小時了了

Eat_Sleep_Play 發表於 16-5-26 19:31
有D勤力嘅，復活節假期已經開工了

我復活節假期已經開溫, 5月1日勞動節開始亦進入全面作戰狀態, 奈何......

阿愁上身中, 真係有啲灰

小時了了

YmOra 發表於 16-5-27 10:55
jm,你要冷靜,飲杯冰水,甚至乎沖個凍水涼降降溫先,學校已經好唔啱肋,你仲中晒招咁影響心情,打擊女兒的鬥心, ...

尋晚至今朝心情好 down, 頭先係呢度哭訴完, 又有其他網友支撐, 心情好啲. 剛剛入 fb 見到呢個兩年前嘅 post, 心底感謝神知我軟弱派小天使來扶持我啊! 我要加油, 連我情緒都唔好, 點幫及帶領阿女去面對克服挑戰呢! 俾自己一個好心情, 俾自己一個 Like 先

Your Memories on Facebook

XXX, we care about you and the memories you share here. We thought you'd like to look back on this post from 2 years ago.


跑者摔倒後…沒辦法只能開二檔了(咬)

原文網址: 跑者摔倒後…沒辦法只能開二檔了(咬) | 鍵盤大檸檬 http://www.ettoday.net/dalemon/post/3398#ixzz49p3d4cNz    -------- 有片睇, 從後追上, 激勵人心!


2008年春天，美國明尼蘇達大學室內體育場內爆出近乎瘋狂的歡呼聲，全場觀眾正在見證一個由20歲女孩創造的奇蹟。在600公尺衝刺賽項目中，她原本是最領先的跑者，跑到一半卻重重摔了一跤，臉直接仆向地面……
▼然後從原本的第一名，瞬間跌到最後一名

這個女孩叫作Heather Dorniden Kampf，是當屆Big10室內田徑冠軍賽中最有希望奪牌的人選之一。在她跌倒的那一刻，觀眾連同轉播人員都忍不住失望地叫出「噢」的一聲。但她自己知道，這還不到放棄的時候，因為她還有個不曾使用過的絕招……

Heather迅速爬起來，並以超快速度追趕領先群。原本落後大半圈的她，竟在10多秒內追上，甚至超過一個人，第二個人，天啊～她重新奪回第一名了！

這個激勵人心的故事至今仍被人們傳頌，而Heather也在人生長跑的路上繼續奮鬥，拿下許多不錯的成績。面對挫敗有些人會一蹶不振，也有些人會拖著傷痕堅持到底，但會不會還有另一種選擇，lose=exp，低潮也可以是更強的動力！

小時了了

Eat_Sleep_Play 發表於 16-5-27 14:37
我同你一樣，又係阿女態度唔好我係會發癲架我講嘅嘢同你一模一樣，阿女又發脾氣，我自己又氣難下 ...

呢到好好的, 好多小天使及過來人父母互相支持, 希望妳亦接收到其他 JM 對我地嘅感同身受及加油打氣.

"這還不到放棄的時候" "終點絕不是在這裏"  呢兩句今日對我當頭棒喝, 令我重新得力, 我及阿女要迅速爬起來，並以超快速度追趕, "忘記背後, 努力面前, 向著標杆直跑" 跑呀!跑呀!, 加油!

小時了了

洋蔥頭媽咪 發表於 16-5-31 22:10
jm 妳要放鬆啲先，記住妳嘅情緒會直接影響囡囡，恕直言有時睇妳回覆都感覺到妳比左好大壓力佢，唔好再講負面說話啦，唔好以為小朋友唔緊其實佢地內心好緊張/有壓力架。
放鬆啲，多啲鼓勵佢，叫小朋友盡全力就可以啦，無論結果如何都要支持佢。
加油呀   

傻啦, 唔怕妳直言! 我本身份人係比較負面思想及情緒暴燥, 就係自己知自己事, 所以我成日 share 啲正面思想文章俾大家(其實係俾自己)睇, 為自己加加油!

我個輔導都曾講過阿女係咁嘅家庭氣氛成長阿女會"吸埋好多負面野". 所以我要好努力好努力去吸收正能力去控制自己情緒

小時了了

今日考完. 阿女總括話呈分試比較淺.

考得深, 我驚成績唔係幾好睇, 但大圍都唔識都仲好, 名次反而未必差
考得淺, 我更驚, 考小朋友"小心". 差一兩分名次可能差好遠

"我們唯一恐懼的就是恐懼本身(富蘭克林·羅斯福)" 算啦, 唔好自己嚇自己!!

小時了了

Eat_Sleep_Play 發表於 16-8-9 16:00
我哋學校好好，有教點做Portfolio，我比較懶，只跟住學校的sample交了便算 ...

今日開始一連五日, 朝九至中午十二點阿女返學校補課, 唔係為呈分試補課, 竟然係為升中面試. 阿女間屋村小學.....

小時了了

Yanamami 發表於 16-8-25 09:56
面試亦係重要一环~

我都知面試係重要. 我女考直資最早12月頭開始真正面試都OK, 對我來講 very good啦. 但好多同學都會選派位, 自行面試好似係明年3至4月左右, 暑假咁早補面試, 係咪早咗少少呢?