電視迷

Soundervolt

電視及遊戲機對小朋友百害而無一利，就算甚麼益智卡通片都無好處，我屋企唔多睇電視，電視及遊戲機亦唔會係阿仔嘅娛樂。好成績嘅小朋友絶少睇電視。

Soundervolt

首先要從家長做起，如果家長有睇電視習慣，好難叫小朋友自律。電視冇乜停頓畫面，小朋友習慣花呢花碌郁動畫面，又點可以坐定定睇冇郁動畫面，通過閱讀思考先至喺腦海内產生畫面嘅文字書籍呢？

Soundervolt

原帖由 alhy.love 於 15-09-17 發表
其實我地真係冇點開電視，只係睇吓新聞台，平時佢地放學返屋企自動開嚟睇，工人又管唔到



  ...

學懂自律及自理比讀好書更為重要。如果閣下屋企架電視有上鎖功能，希望您好好利用，有好多事情工人姐姐應該合作。老實講有好多工人姐姐為咗容易湊小朋友所以用放任態度，呢點喺我屋企一定不容許。如果小朋友有任何規律以外嘅要求，先要得父母同意先至可以做。請恕我直言，如果您啲小朋友仲細，最好盡快糾正除咗做電視迷外，仲有要矯正自把自為嘅不良行為。

Soundervolt

原帖由 Yanamami 於 15-09-21 發表
好易啫~~趁佢瞓左拔插头，第＝朝扮哂野話：oh~坏咗！搞掂~同个工人單声~放学無得睇。 ...

我認為唔需要搵藉口，直接同小朋友講出父母嘅要求，跟住同工人姐姐講如果有乜嘢問題叫小朋友直接問父母解決，佢唔使上身負責同小朋友有任何衝突。如果小朋友可以做到父母要求（例如學業成績理想）可續步放寛限制。其實有好多人仲未搞清楚屋企內邊個做莊邊個做閒。