狀元以前讀哪一間小學？

Soundervolt

yaumuimui 發表於 18-7-12 11:06
培正？

黃子衡同學初小讀培正，高小讀喇沙小學。

Soundervolt

cornelius 發表於 18-7-12 21:37
以我所知令郎就讀LSC，是否因此知道狀元師兄的情況，以寫下"黃子衡同學初小讀培正，高小讀喇沙小學。"？希 ...

其實傳媒都有報導黃同學初小讀培正及其他狀元背景，所以我地談論已經唔算甚麼私隠。而且佢初小時已經攞唔少音樂及數學獎，呢尐資料，上網亦都會搵到。

有人會認為有天資，去到邊一間學校都會成功，其實大家可以留意一下有尐名校近年都會令學生負增值，所以唔係只靠個「朵」，吸引到一班勁人就自然有好成績。

Soundervolt

李大人 發表於 18-7-13 14:00
喇沙皇仁，三大率只得60％，另外40％學生好慘，變成掛上名校生被遺棄一羣

閣下有冇寫錯？三大60%已經相當之高，只有SPCC同DGS入三大比例高於QC同LSC兩校，其他B1a學校都係徘徊喺50%或以下，而且6X%之外，仲有未計被世界級學府取錄嘅學生數目，其他大約兩成同學都可以入到香港其餘五間大學或專上學院或出國留學，咁又點會係變成掛上名校生被遺棄一羣呢？如果讀呢兩間男校，連比較似樣嘅大學都入唔到，呢尐學生應該好好自我反省先至真。

Soundervolt

李大人 發表於 18-7-13 14:41
當地區Band1A有50％三大，全港名校60％三大，只相差百份之十，所以感覺會覺得名校入三大數字比較低，因名校 ...

唔係地唔地區B1a學校先至有50%入三大率，傳統名校例如協恩、聖若瑟、瑪利諾等全港名校都係50%咁上下。就算地區B1中學，只要佢地本身冇直屬小學，所收嘅都會係B1學生，莫非鄧顯、林護會有B2學生自行或派位可以被取錄？但LSC/SJC呢類學校就一定要收返自家小學某比例嘅B2學生，所以一定唔會全部都係全港最叻嘅學生。其實冇小學部嘅B1中學先至對收生更有優勢！

Soundervolt

mimi222shi 發表於 18-7-14 08:49
我問過啲神校家長，老師多數HEA教，預左佢地出去補習，可能我啲朋友唔好彩！反而，地區名校老師會教書。
...

傳統名校同佢地嘅老師係教學生點樣用方法去讀書及學習知識，而並非淨係攞住本書依書直說去教授學生書本上嘅內容。記得家長會時學校講過「入得嚟我地學校都係叻仔，如果期望學校用spoon feeding嘅方法去教書，咁嘅學生都叻極有限。」，喺top school教書其實壓力唔少，因為學生分分鐘發問都會難到老師。

Soundervolt

Forgetmenot999 發表於 18-7-16 13:58
校長好高明，完全捉到想考入名校家長心理，學校既可將教學責任拋返比家長，老師日後教
吾切都無有怕，好一 ...

要做到非一般好嘅成績，唔係單靠補習就可以做到。其實叻嘅學生嘅學習能力同基本功有時真係難以想像，要了解教科書上面嘅知識根本難唔到真正叻嘅學生。而讀名校除咗基本課程外，仲係追求課本以外嘅知識及全人發展，要學懂smart and wise instead of being a book worm。如果仲糾纏於惡補嘅水平，學生又點會有好成績但仲會有時間參與咁多課外活動同一尐跟大學合作嘅校外課程？有機會可以俾仔女體驗一下傳統名校「教書」嘅方法就可以明白更多。

Soundervolt

mcl203 發表於 18-7-16 16:54
惡補同參與活動係無茅盾位既～～～

睇埋上文下理，講緊叻嘅學生.....咁補習都有分補底或精益求精。當然，有尐學生十全大補都未必有用，最有用係課外活動添~~~

Soundervolt

MrBeast 發表於 18-7-16 18:12
唔排除就算子女在名校就讀的家長也領悟唔到名校的教書方法

呢種方法對適合嘅學生會更加好，但相反會更加差，學校喺自行收生時，除咗成績好，仲會喺面試時選擇一尐可以適合呢種教學模式嘅學生，所以唔會單方面只睇成績收生。